TabSnitraLounes Matoub, Lounes Matoub - Aɣrib, Lounes Matoub - Les deux compères (1986), Paroles

Lounes Matoub – Aɣrib

Aɣrib / Ul-iw meskin ihujer

Mačči seg wul i kem-ǧǧiɣ
Imi ur d am-n-rriɣ
Leǧwab ɣef tebrat-inem
Ḥeḍren leḥbab mi i ɣliɣ
Assen mi tt-ɣriɣ
Rḥan-iyi lehḍur-inem
Kerheɣ lektiba ad tt-waliɣ
D leqlam bḍiɣ
Aẓar izdeɣ-it ssem
***
Yeḥzen lemri ideg i muqleɣ
Asmi i kem-ctaqeɣ
Udem-iw rẓag i tmuɣli
Am uẓegḍuf i uɣaleɣ
Σerqeɣ i wid sneɣ
Qqaren-d ma d keččini
Ṣṣber ay axxam ideg i luleɣ
Am wass-a ad n-aseɣ
D lmektub ad ɣ-d-iwali
***
***********************
***
Ul-iw meskin ihujer
Icerreg lebḥer
Kul aṭṭan yezdel fell-as
Yuɣal sellaw seg uḥebber
Aṭas i yeṣṣber
Γef tin εzizen fell-as
Yecfa asmi akken i s-d-yeṭaxer
Tebɣa ad t-id-teḍfer
Teẓra lɣerba d m txidas
Mi meqqreḍ ad k-id-tdeqqer
Temẓi-k ad tt-tenker
Ad k-d-teḍleq mebla tuɣmas
***
D lɣerba i d iyi-kelxen
D temẓi-w yeccḍen
Asmi tt-id-teqsed taluft
Imal wul s anda nniḍen
Yettu i ṣaṛen
D ttin akken yeǧǧa di tmurt
Meskint fell-as i terhen
Lxiq d leḥzen
Tεemmed i temẓi-s ad tfut
Leεwam ad ttemseḍfaren
Qqnent-iyi wallen
Ttuɣ ɣurreɣ-d tameṭṭut
***
Tεemdeḍ i rregmat irkul
Tekniḍ-as i ddel
Yessefsi ssem ɣef temẓi-m
S ugudu beddleɣ laṣel
Yeffeɣ-iyi leεqel
Rehneɣ ula d amur-im
Σecra snin tisin tebṭel
Aḍar-iw yenfel
Regment-kem tezyiwin-im
Ass-a lḥif yeččur sḍel
Azekka ad d-yenɣel
Ad tbin taḍsa s udem-im
***
Yiwen wass uqbel lεica
Ad n-beddeɣ s teḍsa
Ad am-kkseɣ ineẓman
Ad n-afeɣ teεmer lǧamaε
Wa ad yeqqar i wa
Ma d flan i d-yennulfan
Mi ḥeqqen akk d nekk aya
Yak ur jaḥeɣ ara
Ad tebdu taḍsa n wuglan
Iḍelli heddren merra
Qqaren-as d cmata
Isellem ula deg yimawlan
***
Ur yessakad ḥedd taεrurt-is
Yettwali lǧar-is
Iɣil leεyub-is ṣren
Ur ilehhu d ccɣel-is
Ad yezyen yisem-is
Yettṣeggid wid i t-yifen
Tineggura ɣer yixef-is
Mi i yerreẓ yiccew-is
D ndama ad t-id-iṣaḥen
Ad yettɣeẓẓiẓ accaren-is
Mi ara ad iẓer lḥeqq-is
Wwin-as-t wid yeṭṭurcen
***

TabSnitraLounes Matoub - Aɣrib, Lounes Matoub - Rwah rwah (1988), Paroles

Lounes Matoub – Aɣrib


Lounes Matoub – Aɣrib

Kecmeɣ di ssuq n tlufa
Qḍiɣ-d leqsabi n lmeḥna
Seg-sent hemmjeɣ kullas
F wul-iw ur tnuqel ccetwa
Lebreq ṛṛεud d usigna
Rniɣ ṭṭlam timḍellas
Lmutt fell-i ur d-tnuda
If-it lemmer i d-testeqsa
At-tɣum leεyub-iw meṛṛa
Imi seg-i fukent tissas
***
Wiss ma d aɣrib ara mmteɣ
Neɣ yibbwass ad uɣaleɣ
S akal i diyi-d-yessekren
Leḥbab ukud tturareɣ
Deg uɣebbaṛ ukkud mṛaṛɣeɣ
Wissen kan m’ad i-εeqlen
Ma t-taqcict nni kellxeɣ
Asmi s-nniɣ a kem-aɣeɣ
Taggara hujreɣ
Ay hujṛeɣ rewleɣ
Amek ara tt-qablent wallen
***
Tseḥḥer-iyi lɣerba mm leqwas
S uḍar-iw εefseɣ tissas
Di taddart rẓag yisem-iw
Ğğiɣ lalla-s n tullas
Di tala, reggment-ett, tizzya-s
Bbwiɣ ddnub i yiri-w
Ay afrux f ṭṭaq bedd-as
Γef wucmit i yi-icban hedṛ-as
Fell-i ar teqḍeε
Ar teqḍeε layas
At-tezweğ d win xiṛ-iw
***
At-textiṛ aqcic yeɣran
Aneεmar i ten-ijemmεen
Mačči am nek mu yefla lğib
Bezzaf yettazzal lawan
Aṭṭan n temẓi d ussan
Ddwa-s bnadem ur t-yeksib
Nek dayen yečča-yi zzman
S ufus i d-uğğweɣ qeḍran
Ḍliɣ-t i wudem-iw
Ay i wudem-iw yuzzan
Ur d-yegri deg jifeṛ-iw weḥbib
Wiss ma d aɣrib ara mmteɣ

TabSnitraLounes Matoub, Lounes Matoub - Abrid ireglen, Lounes Matoub - Rwah rwah (1988), Paroles

Lounes Matoub – Abrid ireglen

Abrid ireglen (La route entravée)

Abrid i reglen as-nreẓ asalu
Deg neɣ Win iεewjen at-id-nesselhu
Tamurt iεetben as-nekkes azaglu
Amcum ɣ-icekben ass-en at-niru
***
Limmer ad-ferz’eɣ tberned tafsut
Si mebεid ad-cummeɣ rriḥa n ttbut
εemdeɣ ad ɣabeɣ ad nfuɣ si tmurt
εemdeɣ ad ẓleɣ deg rebbi n lmut
***
Ufan-aɣ abrid wigi s nig-neɣ
Nettẓeyyir lqid i yiman-neɣ
Aya lweqt ajdid iyad ɣafer-aneɣ
A nfek i wemɣid amḍiq ger-aneɣ
***
Ɣurwat wi taysen as-tinim tekfa
Times ɣi zedɣen deg ulawen ur-tensa
Widak si-qaṛṛen Tamaziɣt tefna
D wid iɣelten ayen ud-ḥarn ara

TabSnitraLounes Matoub, Lounes Matoub - A ṭṭaffareɣ deg wussan, Lounes Matoub - Kenza (1994), Paroles

Lounes Matoub – A ṭṭaffareɣ deg wussan


A ṭṭaffareɣ deg wussan (L’agneau oblatif)

Ṭṭafareγ deg ussan
Ay ass fell-i ifran
Ad yawi yid-es amur-is
***
Yesbab iyi ṭṭlam zman
Rwiγ aṛzagan
Tiẓeṭ yebεed wemḍiq-is
***
Teqqim-ed lbaḍna-w εaryan
S-kra bbin iεeddan
Teqqim-ed lbaḍna-w εaryan
S-kra bbin iεeddan
***
Ixezzeṛ di twessaft-is
Ixezzeṛ di twessaft-is
***
A yemma yemma
Anda akka teddiḍ
Teγli-yi tduli
Ifetti-n wegris fell-i
Yeγli-d fell-i y-iḍ
Ifetti-n wegris fell-i
Yenγa-yi usemmiḍ
***
Mi-y-iḥṛeṣ lehlak tura
Leslak ur yella
Asirem indem cefeṛ-is
***
Aẓet-ed ad ḥṣuγ anwa
Ur nbeddel ara
Mi akka ibeddel zman tikli-s
***
Anda yella uḥbib n lebda
Mi γilleγ yella
***
Anda yella uḥbib n lebda
Mi γilleγ yella
***
Yewwit lexyal d amwanes-is
Yewwit lexyal d amwanes-is
***
A yemma yemma
Nezfeγ ur teẓriḍ
Teγli-yi tduli
Ifetti-n wegris fell-i
Yeγli-d fell-i y-iḍ
Ifetti-n wegris fell-i
Yenγa-yi usemmiḍ
***
Mi tbeddeḍ inek akk medden
Mi kkawen ifadden
Yal wa ad isderg iman-is
***
Limer segg id yeṭṭurcen
Brarḥent wallen
Taqlaṭ ur cukkeγ ad tikris
***
Mi-d ḍḥiγ seg izamaren
D lεid id ibbḍen
***
Mi-d ḍḥiγ seg izamaren
D lεid id ibbḍen
***
Ay ineγ zman d asfel-is
Ay ineγ zman d asfel-is
***
A yemma yemma
Anda akka teddiḍ
Teγli-yi tduli
Ifetti-n wegris fell-i
Yeγli-d fell-i y-iḍ
Ifetti-n wegris fell-i
Yenγa-yi usemmiḍ

TabSnitraLounes Matoub, Lounes Matoub - A yemma yemma, Lounes Matoub - Communion avec la patrie (1993), Paroles

Lounes Matoub – A yemma yemma

A yemma yemma (La fleur saxifrage)

Deg ujeǧǧig g-gefri mi ɛecqeɣ
Ur wehhemt a medden
Mačči di lɛeqel i6nxeṣṣeɣ
D ui-iw ig ḥemqen
***
Deg ujeǧǧig g-gefri mi ɛecqeɣ
Ur wehhemt a medden
Mačči t-tisselbi ay selbɛy
D ul-iw ig ccebwelen
***
Ayemma yemma
Terẓẓa-yi tmara
Giɣ abrid i yeɛdawen
ad aṛwun taḍṣa
Giɣ abrid i yeɛdawen
Armi rwan taḍṣa
***
Ssebbweɣ lexrif iḍudan
Lebyi-w a t-kellexeɣ
Ɣileɣ am kem ulac tin yellan
Asmi i kem-xtaṛeɣ
***
Ayemma yemma
D acu-t akw waya
Ayen yakw fi ɛetbeɣ eḍḥeɣ
Ut t-ɣelliteɣ-ara
***
Ɣef medden t-dher-ed tesfut
Ǧǧuǧǧegent teɣzza
Felli iɣemɣemen tagut
Uɣen yal tama
***
Ayemma yemma
Ur frizeɣ-ara
Ẓẓher-iw yeẓheḍ tabburt
Ur d-ibrin-ara
***
Keṛheɣ rriḥa n tmeṭṭut
Ulla di tnafa
Menyif ay-gɛeddan ifut
Wamma yir ṭtmeɛ
***
Ayemma yemma
Ur iyi-ttnadi-ara
Amar ma beddleɣ tamurt
Ad beddlent tirga

TabSnitraLounes Matoub, Lounes Matoub - A yemma amek, Lounes Matoub - Communion avec la patrie (1993), Paroles

Lounes Matoub – A yemma amek

A yemma
A yemma amek i dam-teḍra
***
Srewteɣ εebban wiyaḍ
Gwriɣ-d am weblaḍ
S wallen ttawiɣ lewhi
Γef wul-iw yenneɣl ccyaḍ
Iles-iw d asemmaḍ
Ggummaɣ a d-refdeɣ timmi
Mi ẓriɣ iziker aneggaḍ
Yels a-d icifaḍ
Ḥemmleɣ w’iteddun ḥafi
***
A yemma ṣebr ur ttru
Deg umezruy a kem-naru
***
W’iεeddan neɣ wi d-yusan
D aṛumi neɣ d mmi-s n Crif
Di tayett acu i d-rnan
Siwa ttεebga uɣilif
Assa ḥedṛeɣ i yiḍan
Ɛebbweln i wedrar n nnif
***
Ur s-qqar mmi yenṭer
Ur jerreḥ deg wul inem
I igersan aqlaɣ neṣber
Wala ibbeεtiyen at lhem
Tagrawla neṛğa a tt-nẓer
Ma nemmut Ṛebbi a ɣ-yeṛḥem
***
Γef yiles-iw mi tettnadim
Iḥudd-ed weεdaw tilas
Ḥdeṛɣ-awen mi tɣellim
Ttaččaṛen yiss-wen leḥbas
Assa ḥedṛeɣ temserwim
Am waken negrent tissas
***
A yemma εzizen ur ttru
Ttaṛ-im a m-t-id-rreɣ
Di lεezza-m hdeṛ rnu
D agrawliw ttḥaṛabeɣ
D agrawliw ttnaḍaḥeɣ
***

TabSnitraLounes Matoub, Lounes Matoub - Communion avec la patrie (1993), Lounes Matoub - Tuzzma n temɣer, Paroles

Lounes Matoub – Tuzzma n temɣer

A tayri amek iga wudem-im
Acḥal aya ɣunzaɣ lemri
Smekti-yi-d kan temẓi
Iɣab-n fell-am yetri
Iɣab-n fell-am yetri
***
A neqbeɣ deg wussan-iw
Ajenwi iεelleq nnig-iw
Ciṭ ciṭ ad yettaẓ s ixef-iw
Lxiḍ i t-icudden
Lxiḍ i t-icudden la ifetti
***
Ḍewwreɣ-ten asmi tḥeyyreɣ
Iɣuraf n wallaɣ-iw
Ssefraɣ ɣef wayen akk cewḍeɣ
D wayen akk yeğğan lebɣi-w
***
A tayri mi kem-id-bedreɣ
Tettas-d rriḥa n temẓi-w
Ɣas lebɣi-w ar ɣer-s wwḍeɣ
Isem-im yura di lekfen-iw
***
Tikwal kan i kem-id-bedreɣ
Asmi akken lliɣ d agrawliw
Ttuɣ zemreɣ ad ḥemleɣ
Am nekk am tizyiwin-iw
***
Lweqt iεedda ur faqeɣ
Ur qḍiɣ deg-s ccɣel-iw
A tayri asmi kem-zegleɣ
Ay ẓriɣ weddreɣ temẓi-w
***
Lweqt iεedda ur faqeɣ
Ur qḍiɣ deg-s ccɣel-iw
A tayri asmi kem-zegleɣ
Ay ẓriɣ weddreɣ temẓi-w
***
Am timmi sbin-d udem-im
Ttxil-m bedd-d ɣef ṭṭaq
***
Jmeɣ tamuɣli n wallen-im
Acḥal-aya i d-nemsefraq
Acḥal-aya i d-nemsefraq
Ɣas tzewğeḍ s warraw-im
Ul-iw yeqqim d aleqqaq
Ul-iw yeqqim d aleqqaq
Daxel-is iweccem yisem-im
Temlkeḍ-iyi a zzin arqaq
Temlkeḍ-iyi a zzin arqaq
***
Iεedda acḥal d asseggas
Di sin ur nemẓir ara
***
Yal taswiεt nḥulfa-yas
S ugris uḥebber i nensa
Deg gris uḥebber i nensa
***
Ulawen d ayen qqaren-as
Amek akka i wayeḍ teḍra
Amek akka i wayeḍ teḍra
D lmuḥal qeḍεen layas
Ɣas zzman deg-sen yeḍsa
Ɣas zzman deg-sen yeḍsa

TabSnitraLounes Matoub, Lounes Matoub - A tamurt-iw, Lounes Matoub - Tamurt-iw (1986), Paroles

Lounes Matoub – A tamurt-iw

Lecture plein écran

A tamurt-iw (Ma patrie)

S cewwiq

Ṭṭfeɣ leğmeε d rray-iw
Tezzmeɣ iman-iw
Ma ɣezzif yiles-iw
Init-d ma s-εeḍfeɣ
***
A tamurt-iw, a dduḥ n temẓi-w
Acimi i d-luleɣ ?
***
Luleɣ-d, ḍalleɣ-d ɣer ddunit
Ziɣemma d targit
Kriɣ-tt tameddit
Ṣṣbeḥ a tt-ffɣeɣ
***
A tamurt-iw, a dduḥ n temẓi-w
Aḥbib ma t-kesbeɣ
***
Tawwurt yeffren lesrar-iw
Llin-tt yeḥbiben-iw
Kecmen-tt yeεdawen-iw
Lbaḍna-w teffeɣ
***
A tamurt-iw, a dduḥ n temẓi-w
Fell-am ma ad rewleɣ ?
***
Imi d-luleɣ d aqbayli
Isem-iw imenɣi
Xas teḥfa tdukli
A tt-id-ssmesdeɣ
***
Ay at tmurt-iw
S tidi lmux-iw
Ara ken-in-dehneɣ
***

S cna

Fkiɣ ɣer ssuq isem-iw
Γer rreḥba izzayriyen
Ad yezzenz imeṭṭawen-iw
Ma llan wid ara ten-yaɣen
***
Ğeεleɣ a d-qḍuɣ lebɣi-w
Ziɣen teqleb tewriqt-iw
Anda akken ufiɣ leḥbab-iw
I d-ttnejmaεen yeεdawen
***
Nestufa-d akk i tɣersi
Ammus ɣef leεḍam yettban
Ntett ayen ur d aɣ-nehwi
Neqqar wa d aẓidan
***
Tidet ttecceḍ deg yimi
Degmi akka nuder d tirni
Sebεa qama di lxali
Lberr yexreb, ur iban
***
Nettḥir ad nleqqem lekdeb
I wakken ad nɣellet lɣella-s
Nemḥezwar s asegrireb
Nettemḥezwar ɣer txidas
***
Mi d-iban wemdan d ddheb
Fell-as a d-nger leεğeb
Di tidet a t-neskideb
Alamma nhudd-as tissas
***
Anda-t weqbayli iseḥḥan
D tisegnit daxel n walim
Ur iban wemdan yeɣran
Ur iban win yellan d abhim
***
Asmi d-neffeɣ s iberdan
Ziɣ akken a d-nawi imekwan
I Sidi akk d Si Flan
Ass-a kul wa anda yeqqim
***
Nnan win yeččan, yečča
Win yegran tarbut tekkes
Uɣalen akk d iqerra
Widen i wumi ɣezzif yiles
***
Annar i sen-d-nḍerra
Nnif deg-s i yexnunes
***
Cfiɣ usan-d s teḍsa
Ad dduɣ di lğerra-nsen
Nnan ilaq-aɣ tura
Tamurt a s-nbeddel udem
***
Yuɣal mi akken ur qbileɣ ara
Ggullen ar d iyi-ssimsen
Ass-a wa yeqqar i wa
Aqcic-nni d imciṭṭen
***
Sswen aẓar n tecmat
Yuɣ amḍiq di ddunit-iw
Ur d iyi-d-teqqim tegmat
Ṭṭlam idel tafat-iw
***
Lfinga undin-tt, qurεen-tt
Alamma tezla lferḥ-iw
***
Ḍḥiɣ-d d aqell ger tizzya-w
Anda ddiɣ a yi-yessweεden
I leḥbab qqleɣ d aεdaw
Qlil win ɣaḍeɣ seg-sen
***
Win i d-yuẓan ɣer lğerra-w
Ad as-nnḍen am wegraw
Lmux-is ad s-t-ssirden
***
Cfiɣ ttejra yeknan
Σebban ddel wafriwen-is
Teṣber i tmes d iḥerqan
Teṣber i cctawi d wegris
***
Leḥbab ur iyi-gan ccan
Rniɣ deεwessu imawlan
Tewwi-yi ddaw iferrawen-is
***
Cfiɣ aḍu lemḥibba
Ul-iw assen mi t-yedhen
Ggulleɣ ur ḥniteɣ ara
Wwiɣ-as-d win i t-yessferḥen
***
Di taddart ur bɣin ara
Nnan-as irkell winna
Ilaq win a t-yessferɣen
***
Xas akken wwḍeɣ lebɣi-w
Temɣi tteɣziza qerrḥen
Xas akka aql-i s wexxam-iw
Mazal-iten deg-i a kkaten
***
Tɣedreḍ-iyi a tamurt-iw
Ur teğğiḍ ara ixṣimen-iw
A sen-ẓmeɣ lebṣel s allen
***
Tɣedreḍ-iyi a tamurt-iw
Teğğiḍ mmaren idammen-iw
Xnunsen di lqaεεa-inem
***
Ah annaɣ a tamurt-iw
Teswiḍ tidi leεḍam-iw
Terriḍ ɣer lḥebs asirem
***
Ad ruḥeɣ ad beddleɣ isem-iw
Ssamsen-as wat taddart-iw
Nnif-iw yettwaqeccem
***
Skud akka ur yefcil wul-iw
Ad nnejliɣ a tamurt-iw
Ad rewleɣ si lbaṭel-inem
***
Ur d iyi-d-yeqqim weḥbib
D acu iyi-d-yegran d nnṣib
Siwa lemḥibba leḥlal
***
Yid-s ad awiɣ abrid
Ur d aɣ-d-iḥebbes usemmiḍ
Iṭij ur d aɣ-yessefcal
***
Ad nqelleb ɣef lweqt ajdid
Balak di tmura lebεid
Ara naf ddwa n temsal
***
Ammar a d-ṣfun wussan
A ɣ-d-iṣaḥ umur di zzman
Wamma ass-a aql-aɣ di lmuḥal
***
Ad nɣellet tidi-nneɣ yerɣan
Am nekkni am imeɣban
Nettrağu itri-nneɣ a d-ilal
***
Akken wid i ɣ-yessweεden
A sen-yezzi s weεrur lawan
Ad asen-yessexreb lecɣal
***
D iẓekwan imawlan-iw
Ara d-ğğeɣ d aẓar-iw
Ur yelli wayen nniḍen
***
Imi yi-yenker wakal-iw
Ad ruḥen ad beddleɣ laṣel-iw
A d-yaki sseεd-iw yeṭṭṣen
***
A d-lhiɣ deg wexxam-iw
Ad sseɣreɣ arraw-iw
D luɣa n medden ara ḥefḍen
***
Dayen tefsed tmurt-iw
Fkan afus watmaten-iw
Zzenzen-tt i yeεdawen
***
Γef wakken i ɣ-d-qqaren
Di ccfaya-nsen yemɣaren
Leεmer i ɣ-yeffiɣ wammus
***
Larebεa n At Yiraten
Irumyen mi tt-id-kecmen
D nekkni i yefkan afus
Mazal timsal-nniḍen
Γezzifit am yemraren
Ayen i d-ḥkiɣ drus
***
I yi-tt-igan d idammen-iw
Mačči d kemm a tamurt-iw
Ur lliɣ d aεdaw-inem
***
I yi-ixedεen d atmaten-iw
Asmi akken i sen-ldiɣ ul-iw
Uɣaleɣ la ttnaɣeɣ yid-m
***
Ssmaḥ, ssmaḥ a tamurt-iw
Xas ad tebεed tenṭelt-iw
Err-itt-id s irebbi-inem
***

TabSnitraAccords, Akli D - Taqbaylit, Akli D – Anefas Trankil (1999), Paroles, Tabs, Traduction

Akli D – Taqbaylit

Lecture plein écran

Taqbaylit

Refrain

Fm(4)Taqbaylit anda teddiḍ?
Fm(4)S anda kem-ḍeggC7(4)ren wussan?
C7(4)Taqbaylit C7(4)anda teɣliḍ?
A#m(4)ttxillem erC7(4)raɣ-ed awal.
***
Couplet
***
Ah! ah!
acḥal aya kem ttikli
Uh! uh
Ula d ifaden kawen
Ah! ah!
Zahṛ-im anda inejla
Uh! uh!
Tarwiḍ akessar d asawen
Ah! ah!
d taɣribt i temmut Ḥnifa
***
Ah! ah!
Acḥal aya kem d asirem
Uh! uh!
d taɣribt di tmura n medden
Ma tebɣiḍ ad am-neggal
Uh! uh!
S Dda Lmulud s Dda Sliman
Ah! ah!
Ccnu a Ṭṭawes Iɛemṛucen
***

01 - Akli D - taqbaylit

Traduction :

Taqbaylit – La Kabyle

Depuis le temps que tu chantes ce blues,
Personne ne t’entend.
Toi qui chante si bien l’amour
Avec des mots magiques, toi la fée,
Ta voix s’est éteinte dans un refrain tragique.
Depuis le temps que tu erres
De mélodies en pays,
Toi qui chante l’espoir, toi la fée
Voix immortelle,
Je te jure par Da el Mouloud et Da Slimane
Que nous partageons tous le même exil.

The Kabylia

Ever since you sang this blues,
No one heard you.
You, who sing so well of love
With magic words, you the sprite,
Your voice was extinguished in a tragic refrain.
Since you began to wander
From melody to country,
You who sing of hope, you the sprite,
Immortal voice,
I swear to you by Da El Mouloud and Da Sliman
That we will share the same exile.

TabSnitraI, Idir, Idir - Zwi-tt Rwi-tt, Idir – A Vava Inouva (1976), Paroles, Tabs

Idir – Zwi-tt Rwi-tt

Lecture plein écran

Paroles

Laɛmum lexwal iḍulan
Iqṛiben akken ma llan
D-itmɣṛa aten msaman
Zwit Rwit…
Ya bu backiḍ ɣef tuyat,
If slawlwent lxalat
D keč I teṛǧa tswiɛt
Zwit Rwit…
A yafus lɛeb-itt
A lbaṛud ḥmit
A tzlez tegnit
*************
Wwet-et ay-inebgawen
Lawan n-tagmat d-wa
Azzel-t ay imɛṛaḍen
Txuṣ tiqit n lqahwa
Kunwi ay iḍabbalan
Gerrezet-eɣ-id zzedwa
***************
Timɣaṛin d-ttslatin,
Tinuḍin tt lewsatin
Aggur itran flalin
Zwit Rwit…
D lawan a tulawin
Att sereḥ-em-t I tiɣṛatin
Kem a yemma-s bb uzyin
Zwit Rwit…
Ttamɣṛa n-mmi-m
F teqqen-eḍ afzim
Ttu akw cḥan-im
Lawan rssed a-weltma-s
Sseker-ed tizyiwin im
Urar agi ḥelless-em t as
Deg-awal akken d yaqqim
L feṛḥar d yali wass
Tagmat garaneɣ ar d ili
*************
Ih ya iha wwet-et afus ahawahaw
Ih ya iha wwet-et afus
D yekker zhir
Ih ya iha ǧǧet tismin ɣeṛ deffir
D yekker zhir d yekker zhir
Ǧǧet tismin ɣeṛ deffir
Ih ya zwitt Ih ya rwitt
Aya lalalala….

TabSnitraAli Amran, Ali Amran - Fudegh a wi iswan, Ali Amran – Tizi n Leryah (2013), Paroles, Tabs

Ali Amran – Fudegh a wi iswan

Lecture plein écran

Ay aḥbib tin di-y-iḍran
Qrib i yedda leɛmeṛ-iw
Leḥḥuɣ ttnadiɣ aman
Ṛɣiɣ teqquṛ tagers-iw
Mi nniɣ ffudeɣ a win iswan
Xezzren-iyi-d zmeɣ immi-w
Nniɣ ffudeɣ a win iswan
Kren-d ad-iyi zmen immi-w
***
Suɛfeɣ-asen zegreɣ asif
Kecmeɣ i Lǧuheṛ ar wayla
Ṛuḥeɣ kan rrif rrif
Ar mi segreɣ di lḥaṛa
Nwiɣ ay-id tefk lexṛif
Akked waman n tala
Tessufeɣ-iyi-d s aseqqif
Tenna ṛuḥ ṛez-iyi sya
***
Ur faqeɣ amek gezmeɣ abrid
Tiseɣlit ur iyi-d terra-ra
Tesweɛd-iyi-d yiwet s lebɛid
Ɣilleɣ ad awḍeɣ d tameɣṛa
Ad ččeɣ imensi ad yiẓid
Ciṭ n weksum di lmeṛqa
Ad ččeɣ imensi ad yiẓid
Yuɣal ččiɣ-d ṭriḥa
***
La la la la la la la
***
Bbiɣ lḥarra ar temdinin
Dinna nnan lxiṛ iɛum
Ẓdem kan yiwen ur k-yessin
Ata leqqeḍ ata uqamum
Hwant-iyi-d tẓurin
Ɣur sent ur yebbiḍ sellum
Refdeɣ-d cedd n turin
Yečča-t lḥewj n weksum