Lounes Matoub – Les deux compères
S ucewwiq
Awal yekfa deg yiles-nsen
Ur d-yeggra laman yid-sen
S ccna
Ḥmed d Lḥusin mtafaqen
Ad d-rren lehna i Yizayriyen
***
Refrain
Awal yekfa deg yiles-nsen
Ur d-yeggra laman yid-sen
Ḥmed d Lḥusin mtafaqen
Ad d-rren lehna i Yizayriyen
***
Imeyyez Lḥusin
Yusa-t-id lefker
Iqelleb-d wis sin
Ukkud aea idekker
D tarwa n tguilin
Yeǧǧlen d tilmeẓyin
Ass-a ay d-iguber
***
Refrain
***
I kečč a Si Ḥmed
D acu akka twalaḍ
Iyya-d ad nmeǧǧed
Ad nebdu leɛyaḍ
S yisem n Muḥemmed
Ad nekker ad njahed
Ad d-ḍefren wiyyaḍ
***
Refrain
***
Ḍelmeɣ neɣ tḍelmeḍ
Zik ur yettwaḥsab
Ṭinnez-d ad teččeḍ
Si tbaqit n sswab
Atmaten inselmen
D Leqbayel ad jemlen
Ddewla ad tt-nenneqlab
***
Refrain
***
Neɛŷa di txidas
Ur nezmir ara
Abrid n tmurdas
Ur t-nettaɣ ara
Limer sɛin tissas
Mačči di leǧnas
I treṣṣa rreḥba
Lounes Matoub – Ul-iw gzem-it
Ul-iw gzem-it (Coeur-crible)
Ull-iw gzem-it, Celeḥ-it tegger-it s aman
D aṛṛuḥ-iw , ddem-it uqbel lawan
Ad yestaɛfu, ad yeḥellu seg yir attan
Ur yeţţ-raju, ţţreǧriǧ-eɣ deg uḍan
Sina ad-ḥllu-ɣ, ad zedeɣ-eɣ ger iẓekwan
***
Ṣsur-w tezwi, kfi-ɣ seg yir attan.
Waggi d wadi, ḥki-ɣ-d d-acu id-nnan
Nnan-iyi-d, Ṛuḥ aţ-qeleb-eḍ ayen yeṣfan
Ull-iw yugi, s yinna ad yezwi ilefḍan
D yir tayri, iyi-ǧǧan ger imeḍqan
Carew’ay tidi, deg izri imeṭṭawen fnan
***
Kawen ifadden-iw, ɣlli-y ur d-kkir-eɣ
Greɣaffus-iw, kniɣ ɣer wid karheɣ
Ur-d-dewer-eḍ, teddemeḍ abrid s teḍsa
Ull-im semeḍ, imeqwar iɣleb tanica
Mara at-ḥusseḍ teqes-ik-mid lmeḥna
Ad iḥnin-eḍ, ayid zureḍ s lehna
***
D’yi ur d-celgeḍ, ḥnunfeɣ di lqaɛa
Ull-im d ablaḍ, ur yeţḥulfu’yara.
Yibwas albaɛḍ, d-yem ad yezzu lmehna
Ur kem-issawaḍ, sanda’ken ull-im imena
Akem-iṭṭef cyaḍ, tiqit ur teţ-teţţafeḍ-ara
Mazal tiyaḍ, atent-ẓarḍ s nuba.
***
Ggal, ḥenet, xdem aken im-yehwa
Rruḥ xas sarwet, yidem ar tagara
Yak anemet, ţţin aɣ’ijemɛen deg ẓẓekka
Akem-isarwet, aṛuḥ-iw teǧǧi-ḍ yezza
Akem-iseḥnet, zin-im, teguleḍ ur yefna
Akem-yewet, Ɛazrayen ur kem-yezgal-ara
Lounes Matoub – Aɣrib
Aɣrib / Ul-iw meskin ihujer
Mačči seg wul i kem-ǧǧiɣ
Imi ur d am-n-rriɣ
Leǧwab ɣef tebrat-inem
Ḥeḍren leḥbab mi i ɣliɣ
Assen mi tt-ɣriɣ
Rḥan-iyi lehḍur-inem
Kerheɣ lektiba ad tt-waliɣ
D leqlam bḍiɣ
Aẓar izdeɣ-it ssem
***
Yeḥzen lemri ideg i muqleɣ
Asmi i kem-ctaqeɣ
Udem-iw rẓag i tmuɣli
Am uẓegḍuf i uɣaleɣ
Σerqeɣ i wid sneɣ
Qqaren-d ma d keččini
Ṣṣber ay axxam ideg i luleɣ
Am wass-a ad n-aseɣ
D lmektub ad ɣ-d-iwali
***
***********************
***
Ul-iw meskin ihujer
Icerreg lebḥer
Kul aṭṭan yezdel fell-as
Yuɣal sellaw seg uḥebber
Aṭas i yeṣṣber
Γef tin εzizen fell-as
Yecfa asmi akken i s-d-yeṭaxer
Tebɣa ad t-id-teḍfer
Teẓra lɣerba d m txidas
Mi meqqreḍ ad k-id-tdeqqer
Temẓi-k ad tt-tenker
Ad k-d-teḍleq mebla tuɣmas
***
D lɣerba i d iyi-kelxen
D temẓi-w yeccḍen
Asmi tt-id-teqsed taluft
Imal wul s anda nniḍen
Yettu i ṣaṛen
D ttin akken yeǧǧa di tmurt
Meskint fell-as i terhen
Lxiq d leḥzen
Tεemmed i temẓi-s ad tfut
Leεwam ad ttemseḍfaren
Qqnent-iyi wallen
Ttuɣ ɣurreɣ-d tameṭṭut
***
Tεemdeḍ i rregmat irkul
Tekniḍ-as i ddel
Yessefsi ssem ɣef temẓi-m
S ugudu beddleɣ laṣel
Yeffeɣ-iyi leεqel
Rehneɣ ula d amur-im
Σecra snin tisin tebṭel
Aḍar-iw yenfel
Regment-kem tezyiwin-im
Ass-a lḥif yeččur sḍel
Azekka ad d-yenɣel
Ad tbin taḍsa s udem-im
***
Yiwen wass uqbel lεica
Ad n-beddeɣ s teḍsa
Ad am-kkseɣ ineẓman
Ad n-afeɣ teεmer lǧamaε
Wa ad yeqqar i wa
Ma d flan i d-yennulfan
Mi ḥeqqen akk d nekk aya
Yak ur jaḥeɣ ara
Ad tebdu taḍsa n wuglan
Iḍelli heddren merra
Qqaren-as d cmata
Isellem ula deg yimawlan
***
Ur yessakad ḥedd taεrurt-is
Yettwali lǧar-is
Iɣil leεyub-is ṣren
Ur ilehhu d ccɣel-is
Ad yezyen yisem-is
Yettṣeggid wid i t-yifen
Tineggura ɣer yixef-is
Mi i yerreẓ yiccew-is
D ndama ad t-id-iṣaḥen
Ad yettɣeẓẓiẓ accaren-is
Mi ara ad iẓer lḥeqq-is
Wwin-as-t wid yeṭṭurcen
***