TabSnitraLounes Matoub, Lounes Matoub - Ihedaden bb°awal, Lounes Matoub - Iḥedaden n wawal, Lounes Matoub - Lmut (1988), Paroles

Lounes Matoub – Iḥedaden n wawal

Ini-asen ay afrux i yiḥeddaden n wawal
Widen yemmuten neɣ wid i d-mazal
Ccna n Leqbayel wissen anda akka imal, Ini-asen ay afrux (*2)
***
Ay afrux hder-as, Xas ur d ak-id-isell (*2)
Ini-as amenṭas, Mazal-it yennṣel (*2)
Taswiɛt texreb-as
I mmi-s n laṣel
Abrid n tissas
Nexḍa-as irkel
***
Ini-as ay afrux
Ini-asen ay afrux i yiḥeddaden n wawal (*2)
Ccna n Leqbayel wissen anda akka imal, Ini-asen ay afrux (*2)
***
Bɣiɣ ad ak-ḥkuɣ, Ur ssineɣ ara (*2)
Iles-iw yesfuǧǧuɣ, Ma d ul-iw yesfa (*2)
Bezzaf i tt-nesluɣ
Ad tt-nefsu tura
Tenniḍ : Seg umennuɣ
I d-itekk nnfaɛ
***
Ini-as ay afrux
Ini-asen ay afrux i yiḥeddaden n wawal (*2)
Ccna n Leqbayel wissen anda akka imal, Ini-asen ay afrux (*2)
***
Ay afrux ɛjel, Qelleb ma yella (*2)
Ma teɛyiḍ nnfel, S Iɣil Ilula (*2)
Ini-as : Ma nkemmel
Akka i tt-id-nebda
Tiqit n laṣel
Ur d-tettɣimi ara
***
Ini-as ay afrux
Ini-asen ay afrux i yiḥeddaden n wawal (*2)
Ccna n Leqbayel wissen anda akka imal, Ini-asen ay afrux (*2)
***
Ɣurwat wi iberrun, I ṭṭbel deg waman (*2)
Yeknef di lkanun, Ay d-tenniḍ zzman (*2)
Ur cukkeɣ ad cfun
Widan d-ittabaɛen
Ɛecqen di lkemmun
Tettbexxir Wehṛan
***
Ini-as ay afrux
Ini-asen ay afrux i yiḥeddaden n wawal (*2)
Ccna n Leqbayel wissen anda akka imal, Ini-asen ay afrux (*2)
Ini-asen ay afrux i yiḥeddaden n wawal (*2)
Ccna n Leqbayel wissen anda akka imal, Ini-asen ay afrux (*2)
Ini-asen ay afrux i yiḥeddaden n wawal
Widen yemmuten neɣ wid i d-mazal
Ccna n Leqbayel wissen anda akka imal, Ini-asen ay afrux
Ini-asen ay afrux i yiḥeddaden n wawal (*2)
Ccna n Leqbayel yebbi-t uḥemmal, Ini-asen ay afrux
Ini-asen ay afrux i yiḥeddaden n wawal (*2)

TabSnitraLounes Matoub, Lounes Matoub - Tamurt-iw (1986), Paroles

Lounes Matoub – Aɛsekri

S ucewwiq

Ṭṭlam yerfed acḍaḍ-is
Agris la ifessi nnsim-is
Iṭij iɛejjer deg umkan
D aǧundi issummer iɣil-is
Yiwen ufus ɣef yidmaren-is
Igen amzun d ssebyan
Ur d-icliɛ deg uqebli neɣ agris
Tebɛed tḍul targit-is
Yebbeḍ ɣer widen yefnan

S ccna

Mi tɣefleḍ teṭṭseḍ
Tabburt ad tt-medleɣ
Tif xir ur d-iyi-tẓerreḍ
Amnar mi ara t-kkeɣ
Abrid ad t-awiɣ
Wissen ma ad d-zziɣ
Lḥekkam ceyyɛen-d lkaɣeḍ
Di lgirra ad ttekkiɣ
***
Heggaɣ aɛwin-iw
Cerrgeɣ tawriqt-iw
D lmuḥal mačči ɣer-sen
Ara yeddu uḍar-iw
Adrar tiɣaltin
Tuddar timdinin
Ara ad zerɛeɣ lehḍuṛ-iw
Deg wulawen n medden ad mɣin
***
Ɣurwat a medden
Ur ttṛuḥut ara
Ad ceyyɛen arraw-nsen
Ma bɣan lgirra
Iɛdawen ass-agi
Add-a neɣ iḍelli
D nitni i ten-id-ixellqen
I ten-ittqabalen d nekkni
***
A wid iḥekmen
Xḍiɣ i waya
Ma tebɣam ad iyi-tenɣem
Ur rwileɣ ara
Xas ɛeggnet-asen
I yisurtiyen-nwen
Xas ɛeggnet-asen
I yiǧadarmiyen
Ad jebbden mebla cceḥḥa
Nekk ifassen-iw d ilmawen

TabSnitraLounes Matoub, Lounes Matoub - Les deux compères, Lounes Matoub - Les deux compères (1986), Paroles

Lounes Matoub – Les deux compères

S ucewwiq

Awal yekfa deg yiles-nsen
Ur d-yeggra laman yid-sen

S ccna

Ḥmed d Lḥusin mtafaqen
Ad d-rren lehna i Yizayriyen
***
Refrain
Awal yekfa deg yiles-nsen
Ur d-yeggra laman yid-sen
Ḥmed d Lḥusin mtafaqen
Ad d-rren lehna i Yizayriyen
***
Imeyyez Lḥusin
Yusa-t-id lefker
Iqelleb-d wis sin
Ukkud aea idekker
D tarwa n tguilin
Yeǧǧlen d tilmeẓyin
Ass-a ay d-iguber
***
Refrain
***
I kečč a Si Ḥmed
D acu akka twalaḍ
Iyya-d ad nmeǧǧed
Ad nebdu leɛyaḍ
S yisem n Muḥemmed
Ad nekker ad njahed
Ad d-ḍefren wiyyaḍ
***
Refrain
***
Ḍelmeɣ neɣ tḍelmeḍ
Zik ur yettwaḥsab
Ṭinnez-d ad teččeḍ
Si tbaqit n sswab
Atmaten inselmen
D Leqbayel ad jemlen
Ddewla ad tt-nenneqlab
***
Refrain
***
Neɛŷa di txidas
Ur nezmir ara
Abrid n tmurdas
Ur t-nettaɣ ara
Limer sɛin tissas
Mačči di leǧnas
I treṣṣa rreḥba

TabSnitraLounes Matoub, Lounes Matoub - Lbabur (1985), Lounes Matoub - Ẓriɣ accu, Paroles

Lounes Matoub – Ẓriɣ accu

Ẓriɣ acu i kem-iceɣben
Ẓriɣ ssebba n lqerḥ-im
D nekk i d-am-iḥeslen
Am tiẓẓit daxel n tyersi-m
Tebɣiḍ am nekk am medden
Ad sɛuɣ wi ara yi-ibedden
Tḥulfaḍ iqerb-d wass-im
Tebɣoḍ aẓar-iw yeddren
Ad d-iger ijeǧǧigen
Akken isem n baba ad d-yeqqim
***
Tebɣiḍ ad yi-d-teldiḍ tabburt
Ad waliɣ lerbaḥ yeffren
Tebɣiḍ ad cerrgeɣ tagut
Ad d-baneɣ ger yilmeẓyen
Tebɣiḍ ad timɣur terbut
Ad tesɛuḍ tislit d ttbut
Ad am-tessenqes leɣbayen
Xas ad am-d-teḥḍer lmut
Teẓriḍ tesɛiḍ tameṭṭut
Ara am-yemḥebbaken ɣef lekfen
***
Tuɣaleḍ d taḍsa i medden
S-yis-i i am-ufan tabburt
Yezga uḍar isewɛed-ikem
Aṭṭan mačči d amaynut
Qqaren-as d mmi-s i itelfen
Yeggul lewqam ur t-yexdem
Lxir i as-texdem yettu-t
Yeǧǧa-tt di tesga tuḍen
Ur tesɛi wi ara as-id-yagmen
Tectaq aman di tefsut
***
Ad ɛefseɣ kan ɣef wul-iw
D ayen n dir neɣ d ayen iṣfan
A yemma ad am-seddqɣ temẓi-w
Xḍeb-iyi-d tin i am-yehwan
Ma tekkreḍ yekker sseɛd-iw
Ma teɣliḍ yeɣli lǧehd-iw
D kemm i d itri n wuḍan
Xas ad tceqqeq ddunit-iw
Ad tent-aɣeɣ di zzwaǧ-iw
Tezwar lǧetta-m yeɛyan

TabSnitraLounes Matoub, Lounes Matoub - Ay asɣersif, Lounes Matoub - Da Hamou (1985), Paroles

Lounes Matoub – Ay asɣersif

Luleɣ-d deg urebbi n twaɣit
Yezga uḍad isewɛed-iyi
Rrbeḥ ula di targit
Yezga ireggel fell-i
Akka d win i terẓa ddunit
Deg umureǧ tessexnunes-it
Ger leḥbab-is tcemmet-it
Leɛmer irfed s timmi
Ay asɣersif
Uǧweɣ-d amud uɣilif
***
Asawen leɛmer yekfi
Kul tiɣilt la d-tessawal
Mi d-yewwet ciṭ n uberḥri
D aqebli i d iyi-ittuɣal
Ula deg wass n tziri
Itri-w iɣab deg yigenni
Yegguma ad d-yeflali
Dima d zzyada n temsal
***
Bennqer i yi-tewwet ddunit
Ur ddireɣ ur mmuteɣ
Ula d asirem tenqeḍ-it
Di lebɣi-s kan i ttɛaceɣ
Tekkes leḥjeb i twaɣit
Tessames-iyi s temdellit
Teḥsed-iyi ula di targit
Udem n talwit ad t-ɣafreɣ
***
Tessenta tuccar deg-i
Am turet ḥuzan yimcac
S leɛyub tcemmet-iyi
Qqleɣ d aqell ger warrac
Mi qqimeɣ ger lɣaci
S nnuba ay regglen fell-i
Ttafeɣ-d iman-iw weḥd-i
Ttewteɣ am yigider ɣer lɛecc

TabSnitraLounes Matoub, Lounes Matoub - A tarwa n lḥif (1984), Lounes Matoub - Aǧazayri, Paroles

Lounes Matoub – Aǧazayri

Leɛyub n ddunit
Kkren tafejrit
Ad ṛuḥen ad safren
D ayeddid n twaɣit
Ay bubben d tunḍict
D tarzeft-nsen
Mi d-tuweḍ tmeddit
Ḍlan-t am zzit
I lezzayer ɛzizen

Refain
Ass-a aǧazayeri
Yeggugem am yisɣi
Akken i d as-id-nna
Anɛam ad yini

Aḍu mi d-yezreb
Ibubb-d leɛǧeb
I tmurt ad t-yeḍlu
D settin ḥizeb
I d-irucc s ddheb
Di Lzzayer ad as-yebru
Lbaṭel yerkeb
Tagmart n lekteb
Yeǧǧa-aɣ-id urɣu

Tetqeddem Lzzayer
Sseɛd-is yekker
Tekfa deɛwessu
Berzidan yeẓwer
Ziɣen d ccaṭer
Aḥuddu aḥunnu
Xas yefna leɛmer
Awi-d kan neḥḍer
Xedmen amiṭru

Wamma di tudrin
Ar ass-a ttganin
Ayen i ten-yecqan
Kullas la ttcetkin
Cerwen tidiwin
Ɣef trisiti d waman
Deg useggas neɣ sin
Neɣ di ɛecr-snin
Ad seggmen wussan

TabSnitraLounes Matoub, Lounes Matoub - Tamsalt n Sliman (1983), Lounes Matoub - Ur ifur, Paroles

Lounes Matoub – Ur ifuṛ

Ur ifuṛ

Aqli dduriɣ leɛnaya-k
A Ccix n taddart-nneɣ
Ur ttaggad ɣef tferka-k
Ttkel fell-i ad ak-tt-ferseɣ
***
Ur d-ttaddam sselfa-k
S lbaraka-k
Berka-yi ad steqneɛeɣ
A ur ifuṛ
**********************************************************************
(Refrain)
Dayen ifuṛ dayen yeṛdem
Seksu n yirden
Ad t-id-afen yigujilen
Dayen ifuṛ
***
A ur ifuṛ a ur iseqqi
Seksu n lɛali
Deq uxxam n umerkanti
A ur ifuṛ
**********************************************************************
Di tliwa ad gganiɣ
Aman ur k*ttxassen ara
Si lǧiha-k d acu ay rǧiɣ
Ad iyi-tekkseḍ tuccerka
***
Ufiɣ ɣer tira i turiḍ
La tettwaliḍ
Aql-i ččureɣ-ak-id aḍellaɛ
A ur ifuṛ
(Refrain)
**********************************************************************
A-tt-an ad d-taweḍ ccetwa
Xas henni kkes axemmem
Ad neffeɣ irkel ɣef tẓegwa
Taddart akk ad ak-id-teẓdem
***
D ddeɛwa n lxir i nebɣa
d lbaraka
Akken ad aɣ-id-yaf ḥertadem
A ur ifuṛ
(Refrain)
**********************************************************************
Wi ibɣan ad iẓur Nnbi
Ad yezwir seg at-wexxam
Ssebba-s s-way-s terwi
Ula ay awen-d-nniɣ teẓram
***
Nessenger bni-wiwi
Yiwen ur d-yegri
Uɣalel-aɣ d bni-neɛɛam
Ur ifuṛ
(*2)
**********************************************************************

TabSnitraLounes Matoub, Lounes Matoub - Imcumen, Lounes Matoub - Tamsalt n Sliman (1983), Paroles

Lounes Matoub – Imcumen

S umeslay
Mm!
Di lḥif i d-uettban wergaz
D wi isebbren i laẓ
Di ddiq i d-ittban kullci
Yeggra-d imi la nettemɣeẓẓaẓ
Nuklal Aɛekkaz
Necba lmal daxel n lkuri
Mazal la nettemberraz
Ɣef tqerɛet n lgaz
Am wakken acemma ur yeḍri

Ǧǧan-t-id yimezwura
Tissirt mi ara tent-taɣ di rryac
Ula ay as-id-gen yiɣuraf

S ccna
Aṭas i aɣ-d-gren n ccum
Gan-aɣ deg unegzum
Nettḥiri ad yali wass
Mazal la ssawalen i lqum
Ad ččen cilmum
I asen-id-yeǧǧa Karl Marx

Tuggdi ɣer ɣur-sen i d-tlul
Deg-sen nettmuqul
Tuɣ-iten akk Lalla ddewla
D ccmayet i ikkaten aɣyul
S lebɣeḍ n wul
Ddarayen tabarda

Tif xir bnadem ur neɣri
Yesɛan tamusni
Wala wi iɣran di tmenqas
Aql-aɣ deg-sen nettwali
Si tizi ar tizi
Ad smermicen i tullas

Dayen iqqres uḍellaɛ
Ur d-iggri wara
Ur d-iqqim wayen ara d-iniɣ
Ay aḍu n lemḥibba
Xas ṣuḍ-d tura
Ad cnuɣ ɣef wayen bɣiɣ

TabSnitraLounes Matoub, Lounes Matoub - Tamsalt n Sliman, Lounes Matoub - Tamsalt n Sliman (1983), Paroles

Lounes Matoub – Tamsalt n Sliman


S ucewwiq

Ayen akken tessarmeḍ
Issummet-it ugris qerḥen
Tenfiḍ seg-neγ trewleḍ
Tettagiḍ wi ara k-id-yaddren
Qesdeγ-k-id ad iyi-temleḍ
Ma dagi ara tneṭleḍ
Neγ yella deg-k wi iggullen
Qesdeγ-k-id ad iyi-temleḍ
Ma dagi ara tneṭleḍ
Neγ yella deg-k wi iggullen

S ccna

Refrain:
Yenna-yi ur tteduγ ara
Xas ad iyi-aysen dayen
Γliγ ur kkireγ ara
Di tmura n medden
***
Yenna-yi ur tteduγ ara
Xas ad iyi-aysen dayen
Γliγ ur kkireγ ara
Di tmura n medden
***
D acu d iyi-iǧǧan akka
Teẓram tεemmdem
Rran i yimi-iw srima
Yezga yettudeqqem
Tura tejmeε-iyi Fransa
Beddleγ nnekwa
Fiḥel ma twehmem
***
Refrain
***
Xas ad bγuγ ad n-aseγ
Ad n-afeγ lbaṭel
Si lbabur mi akken ara n-rseγ
ad d-inin fiḥel
Am wakken nγiγ rewleγ
Neγ wiss wi ssenzeγ
Rewaḥ-iw yebṭel
***
Refrain
***
S lhif mi beddleγ lḥeqq-iw
Xtareγ lγerba
D abrid i iqqel lewḍen-iw
Tuwi-t ddewla
Imi i ččiγ imawlan-iw
Kfan yiḥbiben-iw
Ur iyi-d-yeggri wara
***
Refrain * 2
***
Aṭas i tsebreḍ
Aṭas i tεetbeḍ
Taggara d aγrib i tneṭleḍ
Teffγeḍ tamurt ur d-tezziḍ
Aẓar ur t-teǧǧiḍ
Wi ara yilin d awrit-ik
Taγawsa tebγiḍ
Ur tt-teqḍiḍ
Lbaṭel tugiḍ
Si zman teẓriḍ-t d axsim-ik
Mačči d yiwen i tessakiḍ
Tessefraḍ tecniḍ
Xas tekfiḍ mazal isem-ik
Iruḥ dayen
Dayen ur as-tsellem
Siwa ayen i iεeddan ifut
***
Yefsi udfel di Ǧreǧra
Ffγent tregwa
Falent-d wehmen medden
Aṭas ur numin ara
Γillen tikkelt-a
***
Am tikkelt deg i ten-kellxen
Ttrun lfahmin merra
Tuweḍ-d γer lḥara
Tcebbeḥ-d tidet s lekfen
***
Agni n Yiγran
Teẓriḍ ayen illan
Winna akken i d-trebbaḍ yemmut
***
Terreẓ teqbaylit deg yiferr
Wiss kan ma ad tekker
Lǧerḥ ikcem-it ssem
Lǧerḥ ikcem-it ssem
Ma d lǧernan n Lezzayer
Amek i d aγ-yeḍher
Ma am zik neγ ibeddel udem
Ur umineγ ad d-icekker
Siwa ma s ccer
Γef lmut n Sliman Σazem
***
Lezzayer telha
Ur tt-ixuss wara
Ay tt-ixussen d irgazen
D irgazen
***
A ssxeḍ ers-d γer lqaεa
Ssiγ timura
Γef lbaṭel yernan tidet
Σebdelqader yerrunda
Γef uεawdiw yettekka
Sbeḥ-meddi ttwalit-t
Dda Sliman izem n tizza
Ma yif-it Deryasa
Neγ widak yellan d ccmayet
***
Lezzayer telha
Ur tt-ixuss wara
Ay tt-ixussen d irgazen
D irgazen

TabSnitraLounes Matoub, Lounes Matoub - Ameḥbus-iw, Lounes Matoub - Tirgin (1982), Paroles

Lounes Matoub – Ameḥbus-iw


Ameḥbus-iw

S ucewwiq

Ṛṛuḥ-is la d-yesselqaf
Am uɛeqqa gar yiɣuraf
Yettraǧu nnuba-s yettru umeḥbus-iw
Yuggad ad as-tinim d amcum
Taggara ar ad t-tettum
Ɣer-s anwa ara yerẓen asalu umeḥbus-iw
Lbaṭel iger-d isuraf
Ɣer zdat d lkaf
Deffir-s lmut la d-teddu umeḥbus-iw
Siwel-as ay ul-iw, siwel-as
Ma yesla-d ini-as
Ḥader win i d-yeznuzuy umeḥbus-iw

S ccna

Ay aḍu ihuzzen izemran
Ttxilek ini-d ay aḍu
Cbiɣ leǧdra yerkan
Ugin medden d aserɣu
Anda tella ssebba i t-yenfan
I t-yecleqfen si gar yimawlan
Ay aḍu i yi-d-inudan
Ma iweṣṣa-k-id neɣ ala umeḥbus-iw?
**************************************************************************
Ma fkiɣ awal i medden
Ɣef ccɣel ad yarez ufus-iw
D tasa-w i yi-ismendagen
Tessibrik deg wussan-iw
Ufiɣ imdanen la heddren
Mi ḍalleɣ bran i wallen
Ay aḍu d kečč ara yi-imlen
Ma mazal yedder neɣ ala umeḥbus-iw?
**************************************************************************
La d-yeggar wul nnhati
Mi d-yebbeḍ uqebli n meɣres
Mi refdeɣ abuqal s imi
Ad d-tas lḥaǧa ad iyi-t-tekkesǝ
Ass-a ḥsiɣ ifat-iyi
Tiṭ dayen t-tettwali
Ay aḍu qqim-d mmel-iyi
Anida i as-tebra lmuǧa i umeḥbus-iw
**************************************************************************
Talwit ttraǧuɣ tebṭel
Nefka ttɛid ur d-tusi ara
Taluft tucbiḥt tkeḥḥel
Thenna-yi-d ɣer lḥara
Ass-a ẓriɣ ayen i iɛeṭṭel
Tisin-is ayɣer tebṭel
Yugi ad yeknu zdat ddel
Iḥerra-t Berwagiyya umeḥbus-iw
**************************************************************************

TabSnitraLounes Matoub, Lounes Matoub - Tirgin, Lounes Matoub - Tirgin (1982), Paroles

Lounes Matoub – Tirgin

S ucewwiq

Ad regmaγ qebl iman-iw
Uqbel ad n-zziγ γur-wen
Ma fferγ-awen laɛyub-iw
Klaleγ ad iyi-tkeṛhem
Uqbel ad ḍelqeγ i iferr-iw
Ad ken-ǧǧeγ ay at tmurt-iw
Ad wen-menniγ asirem
Ass-a mi icebbel lmux-iw
Yegla ula s tezmert-iw
Selt-d qebl ad iyi-tfarqem
Mi kfiγ rgmeγ iman-iw
Γur-wen ad n-zziγ udem-iw
Ass-a sardeγ-t s-useγwen

**********************************************************************
S ccna

Γuri mi d-tejbiḍ lḥif
Ad tzedγeḍ bessif
Ttxil-k acu ay-d-sseba
Ttxil-k acu ay-d-sseba
Teγliḍ-d am lehwa n lexṛif
Sawdeγ d lewṣif
Deg umureǧ tegr ṣṣura
Deg umureǧ tegr ṣṣura
Susmeγ neγ meǧǧedeγ kifkif
Zzahr-iw d ukrif
Yaṭṭef-it zman di ṣrima
Yaṭṭef-it zman di ṣrima
*****************************************************************
Yir zhaṛ yir ddunit
Ma d lebγi-w ucmit
D idammen-iw i d lqut-is
D idammen-iw i d lqut-is
Ayen akken yelhan iḍeqqer-it
Ayen i iẓra iḍuṛṛ-it
Yextarit-id d aṛfiq-is
Yextarit-id d aṛfiq-is
Win f ur testenya ddunit
Ad t-tedhem talwit
Wayeḍ ad s-tɛebbi nṣib-is
Wayeḍ ad s-tɛebbi nṣib-is
********************************************************************************
Ur fṛizeγ iṭij d lehwa
Ma d lehna n tmara
Hubaγ ad d-bderγ isem-is
Hubaγ ad d-bderγ isem-is
Γurwat ad s-tinim yezha
Ur tyuγ w ara
Ur ttmennit amkan-is
Ur ttmennit amkan-is
Uliw a iteddu i leḥfa
Yeγreq di tẓegwa
Kul aṭṭan yeddem amur-is
Kul aṭṭan yeddem amur-is
*************************************************************************************
Zgiγ d aḥbib n tmara
Akka i d-iyi-yura
Ur cbiγ tizyiwin-iw
Ur cbiγ tizyiwin-iw
Di nnegr ara mmeteγ azekka
D ur zriγ ara
Ur ṭṭifeγ mmi deg irebbi-w
Ekker a yaḍar-iw tura
Ad nbed f tmura
Win iyi-yessnen ad yettu isem-iw
Win iyi-yessnen ad yettu isem-iw
****************************************************************************
Ad ruḥeγ ad sbeɛdeγ
Ayen iyi-cudden ad t-gezmeγ
Dayen-i
Ad ruḥeγ ad inigeγ
Sabbanyul ad tt-id-furreγ
Irkelli
« Madrid » ad ḥebseγ
Tidet ad tt-afeγ
Ass-a ad ken-id-feḍḥeγ
Acḥal tenγam s yir tḥerci
Abrid werɛad i t-kfiγ
Ayen uγur tedduγ lḥiγ ad t-afeγ
« La suisse » ur ḥebbeseγ ma ɛyiγ
Mačči d adrim i yebbiγ ad t-freγ
D taɛekkemt i bbiγ γer
Lalman i ddiγ
I wakkan ad waliγ
Anda nγan izmawan-nneγ
***********************************************************************************
Bbin tamurt ar wesfel
I wakan ur ẓẓaṛṛen medden
Ii γ-yuγen
Dhen-as i tmurt ddel
Widak nnera d imɛelmen ad
La γ-tetten
Acimi newḥel
Nekkni s leqbayel
Axaṭar nedγel
S tismin i nneq irgazan
***************************************************************
Yettγiḍ win umu gzemn awal
Xas inuda ad icetki i wumi
Ass-a yeddu d ṛas lmal
Aglim uxeddam yezwi seg uɛebbi
Ṭṭuqten lɛuqqal
Yeččuren d awal
Tezla d uqlaqal
Mi γ-yudi ad γ-yeṭṭef uparti
*************************************************************************
Iya-d a flan ha-t-a umekkan
Ayen tmannaḍ tessarmeḍ
Ad t-tawḍeḍ
D nekkni i k-igan laḥsan
Ur ttak awal ad tqebleḍ
Ad tjehleḍ
Leqbayel akka i gan
Gar-asen i ttmeččan
Win umu fkan amkan
Mi iwala gma-s ad t-yerkeḍ
*****************************************************************************
Ulac ticraḍ zeddigen
Ur d-nefka ara idamman
Neγ tejra ur ihuz waḍu
Tayuga n yezgaren
S ccuka ma-tḥeṛseḍ-ten
Yibbas ad ṛṛzen azaglu
Ma d wid i itetten
Deg uksum-nsen
Xas nekfa ad d-yegri yiwen
Ad sen-yecfu
********************************************************************
Anwa amsedrar yestaɛfan
Ur ḥuzan ara izilan
Neγ axxam yugad lhemm
Ur d-yeqqim uɛqub yeṣfan
Umi gan yemdanen ccan
Ur nufi afus yettwalqem
Lefrissa yellan
Itekka af umkan
Ad γ-d-yettγenni qassaman
I wakken ad t-namen
******************************************************************************
Mačči d nnek kan ad d-yinin
Mačči d nnek ad ken-yawin
Anda akken yettqeggil yiffis
Mazal cfant tzemrin
Mazal jjujma n tudrin
Γef win yefran iman-is
D tidet ad d-yinin
Ad wen-tefk limin
Idrimen idammen n tudrin
A-ten-id di lbankat n Sswis
*******************************************************************
Yiwan yeqqar nekk d zzaɛim
F tmaziγt ad fkeγ idim
Yettmeslay s tfenṭazit
Xuḍi ma ara d-yeγli lγim
Ad t-tafeḍ yeffer yeqqim
Yettraǧu ad tt-beɛd twaγit
Flan s Ṣuṣyalizm
Iɛabba adrim
Argaz ibbuṭi neγ iqqim
Yeqqen cta-cta tacacit
Ah ya Si Lḥusin
Tfehmeḍ nekk d abhim
Reḍl iyi-d kra n twiztin
Ad d-aγeγ targit

TabSnitraLounes Matoub, Lounes Matoub - At Yiraten (1981), Paroles

Lounes Matoub – Anef-iyi ad ruɣ

I waḍu mi a d-iɛezzem
Fell-ak a d-yeẓdem
Ad iglu s iferrawen-ik
Ahatt si ttnaṣfa a k-yeddem
A k-yerreẓ ifadden
A k-iddem d lekmal-ik
Di ddunit a k-iḥeccem
A k-ibeddel isem
A k-yecmet deg umkan-ik
Anef-iyi ad ruɣ
Serreḥ-iyi ad ruɣ
***
Yeffeɣ-d wejgu gg umagraman
Ibeddel iẓuran
Yesseṛwa i zzman taḍṣa
Yettzuxxu i medden s wurfan
Ɛeǧben-as wussan
Waqila ibeddel ccetla
Acuɣer i k-ɣunfan waman
Dima d arẓagan
Tmenɛeḍ awtul di lɣaba
Anef-iyi ad ruɣ
Serreḥ-iyi ad ruɣ
***
Beṛka-k lemɛanda ar wiyaḍ
Ulac win tifeḍ
Kul ajeǧǧig s lqima-s
Ur tzerrɛed ur tmeggreḍ
Weḥd-k i d-tessemɣayeḍ
Ur yeḥmil ḥed a k-imess
Tḍurreḍ ur tenfiɛeḍ
Di nnḥas i tgemmeḍ
Tif-ik lǧedra n maras
Anef-iyi ad ruɣ
Serreḥ-iyi ad ruɣ
***
Bɣan akk medden a k-gezmen
D lɣaba a tt-fersen
I wakken ad tesggem tferka
Ṛǧan a d-yas wa a k-yekksen
S tḥila a k-qerrben
Ssikiden i wudem n lqaɛa
Tusiḍ-d ur k-yebɣi yiwen
Tezgiḍ ger wallen
Tekfa deg wudem-ik leḥya
Anef-iyi ad ruɣ
Serreḥ-iyi ad ruɣ