TabSnitraLounes Matoub, Lounes Matoub - A mmi aεzizen, Lounes Matoub - At Yiraten (1981)

Lounes Matoub – A mmi aεzizen

Refrain
A mmi Aɛzizen
Ayen akka tɣabeḍ ɣef wallen
A mmi aɛzizen
Zzenzen-k widenni iḥekmen

Ɣer lǧamaɛ i yi-d-ssawlen
Xas aɛjel i k-yuɣen
Axxam yeččuṛ d lɣaci
D mmi i yi-d-ssawḍen
Di tesga ay t-ẓẓlen
Ddunit tezzi yis-i
A widak yessefsaden
I warraw-nnwen
Fket-ten a ten-nwali

Refrain

Tenɣam mmi d amecṭuḥ
Tessawlem-as-d iṛuḥ
Anda akken qebbḍen leṛwaḥ
Di ṣṣura ur ḥellun leǧruḥ
Tɣillem a wen-icuḥḥ
Ddnub-iw mebɣir smaḥ
Teǧǧam-d iẓri-w a yettnuḥ
Mi t-ssarden di lluḥ
S aẓekka yenjer-as ṛṛwaḥ

Refrain

Ma ddreɣ ad yiɣzif leɛmeṛ
Tagnitt a d-teḥḍer
Abrid n ttaṛ a t-aɣeɣ
Ur qebbleɣ yiwen a d-yehḍeṛ
A yi-d-yini ṣber
D lmektub ur t-ttamneɣ
Ṣṣeḥra tban-d am lebḥeṛ
S idammen tɛemmeṛ
Nettnaɣ ur nesɛi iɛdawen

Refrain

TabSnitraLounes Matoub, Lounes Matoub - At Yiraten (1981), Paroles

Lounes Matoub – Anef-iyi ad ruɣ

I waḍu mi a d-iɛezzem
Fell-ak a d-yeẓdem
Ad iglu s iferrawen-ik
Ahatt si ttnaṣfa a k-yeddem
A k-yerreẓ ifadden
A k-iddem d lekmal-ik
Di ddunit a k-iḥeccem
A k-ibeddel isem
A k-yecmet deg umkan-ik
Anef-iyi ad ruɣ
Serreḥ-iyi ad ruɣ
***
Yeffeɣ-d wejgu gg umagraman
Ibeddel iẓuran
Yesseṛwa i zzman taḍṣa
Yettzuxxu i medden s wurfan
Ɛeǧben-as wussan
Waqila ibeddel ccetla
Acuɣer i k-ɣunfan waman
Dima d arẓagan
Tmenɛeḍ awtul di lɣaba
Anef-iyi ad ruɣ
Serreḥ-iyi ad ruɣ
***
Beṛka-k lemɛanda ar wiyaḍ
Ulac win tifeḍ
Kul ajeǧǧig s lqima-s
Ur tzerrɛed ur tmeggreḍ
Weḥd-k i d-tessemɣayeḍ
Ur yeḥmil ḥed a k-imess
Tḍurreḍ ur tenfiɛeḍ
Di nnḥas i tgemmeḍ
Tif-ik lǧedra n maras
Anef-iyi ad ruɣ
Serreḥ-iyi ad ruɣ
***
Bɣan akk medden a k-gezmen
D lɣaba a tt-fersen
I wakken ad tesggem tferka
Ṛǧan a d-yas wa a k-yekksen
S tḥila a k-qerrben
Ssikiden i wudem n lqaɛa
Tusiḍ-d ur k-yebɣi yiwen
Tezgiḍ ger wallen
Tekfa deg wudem-ik leḥya
Anef-iyi ad ruɣ
Serreḥ-iyi ad ruɣ