TabSnitraLounes Matoub, Lounes Matoub - Mi neztel s lkif, Lounes Matoub - Tirgin (1982)

Lounes Matoub – Mi nezṭel s lkif

Mi nezṭel s lkif
S ucewwiq

Nerra ayen ilhan di rrif
Nger deg uɣilif
Qqersen fell-aɣ yemraren
Neqbel ad necceḍ s asif
Ur aɣ-iḥettem ssif
Ass-a qqaren-aɣ d imcumen
Mi nezṭel s lkif
Mmi-s n Crif
Yeǧǧa ikufan d ilmawen

S ccna
**************************************************************************************
S lḥif i nebda ccetwa
Ur aɣ-terri tmara
Talwit mi d-teqerreb ad tarwel (*2)
Acu ara aɣ-id-teg leqraya
Ma ur nefhim ara
Tiɣri-nneɣ ḥedd ur as-isell (*2)
Ma d wid tt-id yufan tebna
Ur d-cliɛen ara
Deg widenni ur yeffiɣ ddel
Nga-as i weɛdaw littaɛ
Gar-aneɣ i d-tekka
Yeɛreq mmi-s n lasel
Yemmut wa taḥya s wa
Awi-d kan ass-a ad neqqim ur nxeddem ara
**************************************************************************************
Ddel d lbaṭel ggunin
Ameɣbun meskin
Ẓran ad t-yeṭṭef umecwar (*2)
Yeqwa leḥsed di tudrin
Ṭṭuqtent tismin
Argaz ur as-ngi leqrar (*2)
Wa yeqqar i wa ecc akin
Ula ay k-id-yebbin
Ad iyi-d-tbeddeḍ ɣef umnar
Di lbuṭ d lbaṭel i tt-yebbin
Lewzir d tismin
Lekdeb icebbeḥ am lefnar
**************************************************************************************
S cci-k ur tettɛeddiḍ ara
Ma tjebḍeḍ-d ddreɛ
Siwa di lḥebs ara d-teggriḍ
Ssmid ma ur t-tesɛiḍ ara
Tlaq smana
Ula akken wiss ma ad d v-tawiḍ
Limer d lweqt n lgirra
Ad aɣ-terr tmara
I wass-a yak yekfa yiḍ
D tamussni i tt-yeččan tura
Ma ur tt-tesɛiḍ ara
Ur ak-qqaren sbaḥ-lxir
**************************************************************************************
Zik-nni tella lɣerba
Llint tebbura
Ttinigen medden irkelli
Fransa tura teɛya
Ur tessekfa ara
Summen-tt ak lberrani
Di tmurt-nneɣ ula d ccemma
Ma ur k-yessin ara
Ur ak tt-iznuzu ukumirsi
Ma d sskeṛ akked lqahwa
Ad tenseḍ dinna
Ɣef tebburt n Munupri
**************************************************************************************

TabSnitraLounes Matoub, Lounes Matoub - Ameḥbus-iw, Lounes Matoub - Tirgin (1982), Paroles

Lounes Matoub – Ameḥbus-iw


Ameḥbus-iw

S ucewwiq

Ṛṛuḥ-is la d-yesselqaf
Am uɛeqqa gar yiɣuraf
Yettraǧu nnuba-s yettru umeḥbus-iw
Yuggad ad as-tinim d amcum
Taggara ar ad t-tettum
Ɣer-s anwa ara yerẓen asalu umeḥbus-iw
Lbaṭel iger-d isuraf
Ɣer zdat d lkaf
Deffir-s lmut la d-teddu umeḥbus-iw
Siwel-as ay ul-iw, siwel-as
Ma yesla-d ini-as
Ḥader win i d-yeznuzuy umeḥbus-iw

S ccna

Ay aḍu ihuzzen izemran
Ttxilek ini-d ay aḍu
Cbiɣ leǧdra yerkan
Ugin medden d aserɣu
Anda tella ssebba i t-yenfan
I t-yecleqfen si gar yimawlan
Ay aḍu i yi-d-inudan
Ma iweṣṣa-k-id neɣ ala umeḥbus-iw?
**************************************************************************
Ma fkiɣ awal i medden
Ɣef ccɣel ad yarez ufus-iw
D tasa-w i yi-ismendagen
Tessibrik deg wussan-iw
Ufiɣ imdanen la heddren
Mi ḍalleɣ bran i wallen
Ay aḍu d kečč ara yi-imlen
Ma mazal yedder neɣ ala umeḥbus-iw?
**************************************************************************
La d-yeggar wul nnhati
Mi d-yebbeḍ uqebli n meɣres
Mi refdeɣ abuqal s imi
Ad d-tas lḥaǧa ad iyi-t-tekkesǝ
Ass-a ḥsiɣ ifat-iyi
Tiṭ dayen t-tettwali
Ay aḍu qqim-d mmel-iyi
Anida i as-tebra lmuǧa i umeḥbus-iw
**************************************************************************
Talwit ttraǧuɣ tebṭel
Nefka ttɛid ur d-tusi ara
Taluft tucbiḥt tkeḥḥel
Thenna-yi-d ɣer lḥara
Ass-a ẓriɣ ayen i iɛeṭṭel
Tisin-is ayɣer tebṭel
Yugi ad yeknu zdat ddel
Iḥerra-t Berwagiyya umeḥbus-iw
**************************************************************************

TabSnitraLounes Matoub, Lounes Matoub - Letnayen iṛuḥ d tlata, Lounes Matoub - Tirgin (1982), Tabs

Lounes Matoub – Letnin iṛuḥ d ttlata

Lecture plein écran

Letnin iṛuḥ d ttlata

Letnin iṛuḥ d ttlata
Ɣer larebɛa ad mlilen
(*2)
Bɣan ad ẓren ayen akka
Lɛuqqal mi akka ten-sguggmen
(*2)
Lexmis mi yuɣ lǧemɛa
Yak di lezzayer i myezwaǧen
Ssebt lḥed ur neẓra
Ma d tidett i zen-d-ssuksen
(*2)
******************************************************************
Dayen la ttkawent tgecar
Yekfa lkuṛaǧ i tmara
(*2)
Nefka afus nebra i leqrar
Gar yiɣuraf n zzman yewqeɛ
(*2)
Nnif yesburr-as lɛar
Yuggad lehwa n tirrugza
Aɣyul yeksa deg ubuneqqar
D amencuf yekkat tiqraɛ
(*2)
*******************************************************************
Tafejrit yekker (yuki) lbaṭel
Yebges ad yeẓẓiẓ tilas
(*2)
Tasebḥit mi isubb lefḥel
Yufa tbeddel tferka-s
(*2)
F ddewla i ɣef-way-deg ittkel
D ccreɛ ara as-id-isbanen ayla-s
Mi d-yebbeḍ wass deg ara iqabel
Jujdebbi icerreg lkarṭa-s
(*2)
********************************************************************
Yettwakkes uyefki i llufan
Mi d-iluɛa s teqbaylit
(*2)
S leḥzen i sgelfen yiḍan
Ɣef wayen ara d-tarew tefjrit
(*2)
Deg uzal i d-ẓedmen yilfan
Sɣersen afrag n tnaslit
La ttkellixen s qassaman
Ziɣ wi iɣlin gma-s yečč-it
(*2)
*********************************************************************

TabSnitraLounes Matoub, Lounes Matoub - Tirgin, Lounes Matoub - Tirgin (1982), Paroles

Lounes Matoub – Tirgin

S ucewwiq

Ad regmaγ qebl iman-iw
Uqbel ad n-zziγ γur-wen
Ma fferγ-awen laɛyub-iw
Klaleγ ad iyi-tkeṛhem
Uqbel ad ḍelqeγ i iferr-iw
Ad ken-ǧǧeγ ay at tmurt-iw
Ad wen-menniγ asirem
Ass-a mi icebbel lmux-iw
Yegla ula s tezmert-iw
Selt-d qebl ad iyi-tfarqem
Mi kfiγ rgmeγ iman-iw
Γur-wen ad n-zziγ udem-iw
Ass-a sardeγ-t s-useγwen

**********************************************************************
S ccna

Γuri mi d-tejbiḍ lḥif
Ad tzedγeḍ bessif
Ttxil-k acu ay-d-sseba
Ttxil-k acu ay-d-sseba
Teγliḍ-d am lehwa n lexṛif
Sawdeγ d lewṣif
Deg umureǧ tegr ṣṣura
Deg umureǧ tegr ṣṣura
Susmeγ neγ meǧǧedeγ kifkif
Zzahr-iw d ukrif
Yaṭṭef-it zman di ṣrima
Yaṭṭef-it zman di ṣrima
*****************************************************************
Yir zhaṛ yir ddunit
Ma d lebγi-w ucmit
D idammen-iw i d lqut-is
D idammen-iw i d lqut-is
Ayen akken yelhan iḍeqqer-it
Ayen i iẓra iḍuṛṛ-it
Yextarit-id d aṛfiq-is
Yextarit-id d aṛfiq-is
Win f ur testenya ddunit
Ad t-tedhem talwit
Wayeḍ ad s-tɛebbi nṣib-is
Wayeḍ ad s-tɛebbi nṣib-is
********************************************************************************
Ur fṛizeγ iṭij d lehwa
Ma d lehna n tmara
Hubaγ ad d-bderγ isem-is
Hubaγ ad d-bderγ isem-is
Γurwat ad s-tinim yezha
Ur tyuγ w ara
Ur ttmennit amkan-is
Ur ttmennit amkan-is
Uliw a iteddu i leḥfa
Yeγreq di tẓegwa
Kul aṭṭan yeddem amur-is
Kul aṭṭan yeddem amur-is
*************************************************************************************
Zgiγ d aḥbib n tmara
Akka i d-iyi-yura
Ur cbiγ tizyiwin-iw
Ur cbiγ tizyiwin-iw
Di nnegr ara mmeteγ azekka
D ur zriγ ara
Ur ṭṭifeγ mmi deg irebbi-w
Ekker a yaḍar-iw tura
Ad nbed f tmura
Win iyi-yessnen ad yettu isem-iw
Win iyi-yessnen ad yettu isem-iw
****************************************************************************
Ad ruḥeγ ad sbeɛdeγ
Ayen iyi-cudden ad t-gezmeγ
Dayen-i
Ad ruḥeγ ad inigeγ
Sabbanyul ad tt-id-furreγ
Irkelli
« Madrid » ad ḥebseγ
Tidet ad tt-afeγ
Ass-a ad ken-id-feḍḥeγ
Acḥal tenγam s yir tḥerci
Abrid werɛad i t-kfiγ
Ayen uγur tedduγ lḥiγ ad t-afeγ
« La suisse » ur ḥebbeseγ ma ɛyiγ
Mačči d adrim i yebbiγ ad t-freγ
D taɛekkemt i bbiγ γer
Lalman i ddiγ
I wakkan ad waliγ
Anda nγan izmawan-nneγ
***********************************************************************************
Bbin tamurt ar wesfel
I wakan ur ẓẓaṛṛen medden
Ii γ-yuγen
Dhen-as i tmurt ddel
Widak nnera d imɛelmen ad
La γ-tetten
Acimi newḥel
Nekkni s leqbayel
Axaṭar nedγel
S tismin i nneq irgazan
***************************************************************
Yettγiḍ win umu gzemn awal
Xas inuda ad icetki i wumi
Ass-a yeddu d ṛas lmal
Aglim uxeddam yezwi seg uɛebbi
Ṭṭuqten lɛuqqal
Yeččuren d awal
Tezla d uqlaqal
Mi γ-yudi ad γ-yeṭṭef uparti
*************************************************************************
Iya-d a flan ha-t-a umekkan
Ayen tmannaḍ tessarmeḍ
Ad t-tawḍeḍ
D nekkni i k-igan laḥsan
Ur ttak awal ad tqebleḍ
Ad tjehleḍ
Leqbayel akka i gan
Gar-asen i ttmeččan
Win umu fkan amkan
Mi iwala gma-s ad t-yerkeḍ
*****************************************************************************
Ulac ticraḍ zeddigen
Ur d-nefka ara idamman
Neγ tejra ur ihuz waḍu
Tayuga n yezgaren
S ccuka ma-tḥeṛseḍ-ten
Yibbas ad ṛṛzen azaglu
Ma d wid i itetten
Deg uksum-nsen
Xas nekfa ad d-yegri yiwen
Ad sen-yecfu
********************************************************************
Anwa amsedrar yestaɛfan
Ur ḥuzan ara izilan
Neγ axxam yugad lhemm
Ur d-yeqqim uɛqub yeṣfan
Umi gan yemdanen ccan
Ur nufi afus yettwalqem
Lefrissa yellan
Itekka af umkan
Ad γ-d-yettγenni qassaman
I wakken ad t-namen
******************************************************************************
Mačči d nnek kan ad d-yinin
Mačči d nnek ad ken-yawin
Anda akken yettqeggil yiffis
Mazal cfant tzemrin
Mazal jjujma n tudrin
Γef win yefran iman-is
D tidet ad d-yinin
Ad wen-tefk limin
Idrimen idammen n tudrin
A-ten-id di lbankat n Sswis
*******************************************************************
Yiwan yeqqar nekk d zzaɛim
F tmaziγt ad fkeγ idim
Yettmeslay s tfenṭazit
Xuḍi ma ara d-yeγli lγim
Ad t-tafeḍ yeffer yeqqim
Yettraǧu ad tt-beɛd twaγit
Flan s Ṣuṣyalizm
Iɛabba adrim
Argaz ibbuṭi neγ iqqim
Yeqqen cta-cta tacacit
Ah ya Si Lḥusin
Tfehmeḍ nekk d abhim
Reḍl iyi-d kra n twiztin
Ad d-aγeγ targit

TabSnitraLounes Matoub, Lounes Matoub - Tirgin (1982), Lounes Matoub - Tiɣri idurar, Paroles

Lounes Matoub – Tiɣri idurar

S ucewwiq

Axxam aqdim wi t-yebnan
Ay ay wi i as-yezlan
Asfel mi yuli llsas-is
Baba-k ɣeḍlen-t s laman
Ur ak-t-mlan
Asmi tettnadiḍ lateṛ-is

S cna

Siked kan legṛad i asen-fkan
I wid yeddmen rruḥ-is
Ma d keččini fkan-as leɛlam
Deg yizenqan ttzuxxu yis-s
(*2)
***

S ucewwiq
Iqdimen nnuɣen xesren
Ay ay kellxen-ten
Asmi llin tabburt i ccerq
Deg unnar deg i ttmettaten
Ay qeblen
Rran aɛrab d imsewweq
S cna
Wigini terram d atmaten
Ad zzin a3rur i lheq
Ma mazal tettamnem yis-sen
Nekkini ffɣeɣ d amnafeq
(*2)
***

S ucewwiq
Tidett ɣeḍren-tt yimawlan
Mi tt-fkan
Ɣer lbaṭel tedda d tislit
Arrac ḥeffḍen ur ẓran
Ayen uran
Seg uyeffus a gma senṭeq-it
S cna
Wigini yeṭṭfen imukan
Wid i ten-yuklalen qlilit
Ihi ma ttuɣ ayen iɛeddan
Yemma mačči d taqbaylit
(*2)
***

S ucewwiq

Amek akka ara as-geɣ leqrar
I uɛeṭṭar
Yeččan tigemmi n yimawlan
Ass-agi cebbḥen i lɛar
Am lefnar
La ttwalin yis-s iberdan
S cna
Ma walan yekker-s ccaṭer
Ad t-ɣeḍlen qbel ad d-ban
Ger-asen Aqbayli ma yeẓwer
Ad xellsen win ara t-yerf(ɛ)en
(*2)

TabSnitraLounes Matoub, Lounes Matoub - Ru ay ul, Lounes Matoub - Tirgin (1982), Paroles

Lounes Matoub – Ru ay ul

Ru ay ul (Nos reniements)

Taqbaylit nugi att-nissin
Nettnadi ayen umi ur nezmer
Nettsewwiq deg wayen ur nemεin
Deg uɣilif nerǧa liser
Acu i d-iṣaḥen i tudrin
Limer nettxemmim
Mazal ger-aneɣ amdegger
D atmaten-nneɣ i-ɣ-d-yettawin
Icwura n tergin
Akk d taεrabt ɣer Lzzayer
Ru ay ul
***
Lbaṭel ass-mi i ɣ-d-inuda
Ynna anwa ad yerẓen awal-iw
Amdan mi ad s-tiniḍ yya
Ad k-yini urzen ifassen-iw
Am wakken i s-yenna Ğeḥḥa
Mi d-tewweḍ zznezla
Uggadeɣ ɣef taddart-iw
S axxam-is mi d-testeqsa
Acu i sen-yenna
Ad ḥarbeɣ ɣef uqerruy-iw
Ru ay ul
***
Ixleḍ lḥebb d ukerfa
I umi ad ḥkuɣ i umi ad iniɣ
S ulac teṭṭuqeṭ tazzla
Yeɣli-d lekdeb ttwaliɣ
Inet-aɣ anwa a-namen tura
Ula d Ben Bella
Ad s-yeqqar nekk d amaziɣ
Adrar n Ğerğer yecfa
Ɣef wasmi i ɣ-yenna
Isem n weqbayli ur t-ǧǧiɣ
Ru ay ul
***

TabSnitraLounes Matoub, Lounes Matoub - Kumiṣar, Lounes Matoub - Tirgin (1982), Paroles

Lounes Matoub – Kumiṣar

Win yebɣan ad yesgem, yilqiq
Tallit ad as-d-tefk nnuba
Win yebɣan ad yuzur, yirqiq
Fell-as ad d-terzu lḥerma
Wiss ma urɛad i d-yelḥiq
Umeddakel acqiq
Ad aɣ-d-iḥku amek teḍra
Yeǧǧa-aɣ di lxiq
Di tegnit n ddiq
Wiss ma ad as-d-ḍelqen tura
**************************************************************
Yemma-s ur tesbir fell-as
Kul amḍiq ur teǧǧi ara
Teḥssa mmi-s yekcem leḥbas
Wwin-t ur teẓri ara
Leḥkem amessas
S ujenwi n nḥass
I igezzem i medden taasa
Cukkeɣ ad d-yaweḍ
Ideg ara mmesden lemwas
Amcum ad t-lḥeq tiyita
****************************************************************
Ttxilek a Ssi Kumisaṛ
Anda akka i as-tebram i mmi
U lukan daxel n lebḥaṛ
Ad t-id-ḍeqrent lemwaji
Tɛacem s lmenkaṛ
Ihi ulayɣaṛ
Ad t-ḍemɛem tijaɛal deg-i
Mmi xas yenṭaṛ
Ad yesber i ccaṛ
Mačči d ccmata am kunwi
***************************************************************
Wissen anda ara aɣ-yebru yifis
Ma di lber naɣ di lxali
Ameḥbus ma ad yaf lḥeq-is
Naɣ akka ara yettraǧu Rebbi
Yeẓra tarwiḥt-is
Ma t-sebbel-itt tikti-s
Deg ulawen ad yedder irkelli
Leqbayel n service
Buddeɣ-asen Tifis
Ad ten-yessenger wakali

TabSnitraLounes Matoub, Lounes Matoub - Ass-a tesεiḍ-d mmi-m, Lounes Matoub - Assa tesεiḍ, Lounes Matoub - Tirgin (1982), Paroles, Sélection TabSnitra

Lounes Matoub – Ass-a tesεiḍ-d mmi-m

Lecture plein écran

Ass-a tesεiḍ-d mmi-m (Mon coeur sous une dalle)

Am(2)Muqel ay-d-uǧAm(2)wen wussan
Dsus2(2) Limer i am-giɣ leḥDE2(2)san
Ass-a ur d-ttagDE2(2)raɣ weḥd-i
Am(2) Ul-iw d ddnub i t-yeɛman
Celxent-t lemḥan
Rẓiɣ iferr di lxali
***
Zzher-iw umi kkren yisɣan
Ulac wi i ten-iẓẓɛen
Sneslaxen-t deg uzal qayli
***
Limer d ay telhi twenza-m
Ad tecbuḍ tizya-m
Taseṭṭa-m ad terr tili
************************************************
Rriɣ-as tablaḍt i wul
Fket-iyi ttwab-is yemmut
**************************************************
Limer ur kem-ẓriɣ axir
Limer ur nemyehdir
Tili as-iniɣ d ayenni
***
Igenni mi ara d-ittɛemmir
Iɣẓer iḥebbir
Ireǧǧem-ikem-id s usmekti
***
Nekk d uzzal ddnub-im d ddkir
Ijebbed-iyi lḥir
Fell-i kan i ittnadi
***
Ass-a tesɛiḍ mmi-m alxir
Ma d nekk am ṭṭir
Kul tiɣilt undin-iyi
*****************************************************
ariɣas tablatt i w-ul
fektiyi ttwab-is yemut
*****************************************************
Ǧǧiɣ ul-iw yuli-t wadal
Qqeraɣ mazal
Am wakken attdum temẓi-w
***
Ass-a mi i yi-ifat lḥal
Yebbi-yi uḥemmal
Umsen akk yidisan-iw
***
Ɣliɣ deg urebbi n cwal
Xas lukan s tejɛal
Ur d-fedduɣ taṛwiḥt-iw
***
Fkiɣ i yeɛdayen awal
Ṛwiɣ timcukkal
Ɣer lbir izder ssut-iw
Ma suɣaɣ ulac wi ara d-yeslen