Lounes Matoub – Ay asɣersif
Luleɣ-d deg urebbi n twaɣit
Yezga uḍad isewɛed-iyi
Rrbeḥ ula di targit
Yezga ireggel fell-i
Akka d win i terẓa ddunit
Deg umureǧ tessexnunes-it
Ger leḥbab-is tcemmet-it
Leɛmer irfed s timmi
Ay asɣersif
Uǧweɣ-d amud uɣilif
***
Asawen leɛmer yekfi
Kul tiɣilt la d-tessawal
Mi d-yewwet ciṭ n uberḥri
D aqebli i d iyi-ittuɣal
Ula deg wass n tziri
Itri-w iɣab deg yigenni
Yegguma ad d-yeflali
Dima d zzyada n temsal
***
Bennqer i yi-tewwet ddunit
Ur ddireɣ ur mmuteɣ
Ula d asirem tenqeḍ-it
Di lebɣi-s kan i ttɛaceɣ
Tekkes leḥjeb i twaɣit
Tessames-iyi s temdellit
Teḥsed-iyi ula di targit
Udem n talwit ad t-ɣafreɣ
***
Tessenta tuccar deg-i
Am turet ḥuzan yimcac
S leɛyub tcemmet-iyi
Qqleɣ d aqell ger warrac
Mi qqimeɣ ger lɣaci
S nnuba ay regglen fell-i
Ttafeɣ-d iman-iw weḥd-i
Ttewteɣ am yigider ɣer lɛecc
Lounes Matoub – Qelleb lmetl-im
roh aker kelev el methlim
madhnek ourmedssahaghe ara
yourdhitsara dhechaghlim
assirem ni nzik yekfa
arasse areza iwoulim
mavghantiyi walnim
alniwe oukmevghintara
zik ghilagh dhimawlanim
amar ourdhinavghara
zigh themchawaredh dhlevghim
aken id javedh ssebba
yal aznik theldidh imim
thetsgaladh sselmouthim
ayourtoughagh ouryaghriyara
ourthehjivedh lessrarim
dnouv tswav iyirim
ma fghentam thirgga m’khalfa
Lounes Matoub – Tamsalt-iw
Tamsalt-iw (Mon épreuve)
D acu kan i ugadeɣ
Ma yeḍḥ-d ur das-ṣebbreɣ
Ugadeɣ a yi-teğğeḍ at-tṛuḥeḍ
Mačči di bnadem i usmeɣ
At-tenwuḍ ad as-d-sɣimeɣ
Ma yella azekka tzewğeḍ
Ttamεict i m-ssarmeɣ
Lemmer zmireɣ ad am-tt-fkeɣ
I yiman-iw a tt-kkseɣ
Awi-d kan at-tidireḍ
***
Lemmer ḥṣiɣ lehna a tt-tafeḍ
Ad waliɣ tennecṛaheḍ
Ad qebleɣ tebrek n zzman
Lemmer ḥṣiɣ at-tidireḍ
Temɣer a kem-id-tessiweḍ
Ad kkeɣ ṣṣeḥṛa bla aman
Di ssaεa ney di tayeḍ
Ẓriɣ amnaṛ a t-tekkeḍ
Sand’akken ur d-tettuɣaleḍ
At-ternuḍ ɣer wid yefnan
***
Ma ad ḥṣuɣ ur kem-ẓerreɣ
Ugadeɣ a medden ad jehleɣ
D yir abrid aa di-yefken
Isem n ṣṣber a t-εefseɣ
D lmuhal a t-id-bedreɣ
Xas ad iyi-ɣunzun medden
S kra bbwi keṛheɣ a t-nɣeɣ
S rrṣaṣ yiwen ur t-zeggleɣ
U d isem n Ṛebbi a t-nekṛeɣ
S yis-s u ttamneɣ dayen
***
Teffɣ-ed lemεehda qerrḥen
Alamma cudden-i lekfen
Ddunit weḥdi ara tt-kemmleɣ
Xas ul-iw yemmuɣebnen
Mi-gṛuḥ ad yelhu dayen
S ccfayat a t-snedfeɣ
Ma yuddr-ed tin nniḍen
Ihi fehmet a medden
Leḥmala-w d ayen ṛxisen
D lmuḥal dg-es εecqeɣ
***
Ay asenduq n teslit
Amek akkagi i k-gan wussan
Aggus d lfuḍa n zzit
Lğebba amendil yeḍwan
A d-ttcetkin i ddunit
F tkekkuct i ten-yebdan
***
Amendil awraɣ yeḥzen
Ineggi di leεwaceṛ
Di texzant i-gettwaxzen
Ur d-yeffiɣ acḥal n ccheṛ
Yemmuɣben yettru
Yeggumma ad yettu
Tin akken i s-yerran leqder
Ddaw wakal yebda-tt rekku
A yir ddunit a yir ddunit
***
Yefka lemεahda ur yeḥnit
Di lḥaṛa mi tt-ssarden
Alamma tefna ddunit
Ur t-telsi tin nniḍen
Iεemmed i wurɣu
Tiɣersi a t-tekfu
Ammus a t-yegzem dayen
Wala taεzizt a tt-yettu
A yir ddunit a yir ddunit
***
Lemmer leḥnana umendil
Ikesb-itt ula d akal
Ṣṣifa-s tili ur tettbeddil
Xas iḍal fell-as lḥal
Lemmer imeṭṭawen
Ad i-tt-id-rren
Ad neggiɣ deg yiḍ deg uzal
A ɣelbeɣ iɣeẓrawen
A yir ddunit a yir ddunit
***
Anda-t wexxam-ik a ṣṣber
Txil-ek εeṛḍ-iyi yibbwass
Iẓri-w icebbel am lebheṛ
Rniɣ ṭṭlam timḍellas
A tanṭelt ihin
Ttxil-em rnu-yi-n
Eg-iyi tardast ttama-s
Laxeṛt a tt-nennaɣ di sin
A yir ddunit a yir ddunit
***