TabSnitraParoles, Slimane Azem, Slimane Azem - Nettruḥu nettuɣal, Slimane Azem - Nettruhu nettuɣal (19xx)

Slimane Azem – Nettruḥu nettuɣal

Annaɣ a Ṛebb-i lkamel,
Ɣur-k ay nmuqel,
Ay agellid axellaq.

Yak kulci ɣur-k yeshel,
Azen-aɣ-d leɛqel,
Aqlaɣ bezzaf nehmeq.

Yekker deg-neɣ ccwal,
Kif neqqim, kif neṛḥel;
Anga nedda neɛweq.

Mi d-nusa, nebɣa ad nuɣal
Mi nuɣal, nebɣa ad d-nas.
La nettṛuḥu, nettuɣal,
Am yefrax ifilellas.

Mi d-nusa, nebɣa ad nuɣal,
Macci s lebɣi , macci bessif.
Ɛerqen-aɣ meṛṛa lecɣal,
Anda nedda, neshetrif.
Nettwali ur nettaɛqal
Am win iẓeṭlen s lkif.

Mi nuɣal, nebɣa ad d-nas,
D lɛqliyya nneɣ tettbeddil.
Akka i irad uɛssas,
Ak d nekni nettkemmil.
Neggumma a nebnu lsas,
Nuɣ tannumi nettṛeḥḥil.

L a nettṛuḥu, nettuɣal,
Am lmujat di lebḥuṛ.
Nekkat ssira d uqlaqal
Di tmacint aw d lbabuṛ.
Nettawi ddnub ur nuklal,
Kul yiwen d acu d iɣuṛṛ.

TabSnitraParoles, Slimane Azem, Slimane Azem - Nettruhu nettuɣal (19xx), Slimane Azem - Yekfa laman

Slimane Azem – Yekfa laman

Yekfa laman tura dayen
Tekfa nneyya deg wulawen
D laɣdeṛ w nkeṛ id yeqqimen
Ger laḥbab d w atmaten
***
Yekfa laman tura d ṣṣaḥ
Zman yefḍaḥ
S tidett mačči s lekdeb
Mi nesεa aḥbib ṣbaḥ
Anɣil d ṣṣaḥ
Tameddit a t-naf yaqleb
Ul yettru tassa tejraḥ
Aqlaɣ tura n taεǧǧeb
***
Negwrad di zman lǧahel
Kulci y-beddel
Kra bwi yelhan yenṭeṛ
Yaxleḍ lḥaq d lbaṭel
Kulci yaḥṣel
Bu lxiṛ a k-idyer ccaṛ
Yella ula di lemtel
Kra bwi tḥabbeḍ ak yaḥqeṛ
***
Ṛebbaɣ-d yiwen wefṛux
Yella d amecṭuḥ
Ala nekk kan i g-ssen
Ttakeɣ-es lmecmac d lxux
Yettimɣur wefṛux
Armi ycab deg wafriwen
Tura yesraffeg iṛuḥ
Yedda d yaεdawen
***
Ufiɣ-d azrem deg webrid
Yerẓat usemmiḍ
Iɣaḍ-iyi a d-askemmleɣ
Ddmeɣ-t-id erriɣ-t ɣer lǧib
Ḥesbeɣ-t am aḥbib
Γileɣ d lxiṛ i s-xedmeɣ
Mi d-yukwi a yettjellib
Yettgalla ar d-akenɣeɣ
***

TabSnitraParoles, Slimane Azem, Slimane Azem – Cfiɣ ttuɣ, Slimane Azem – Cfiɣ ttuɣ (19xx)

Slimane Azem – Cfiɣ ttuɣ


Slimane Azem – Cfiɣ ttuɣ

Mi d mmektiɣ weḥdi ttruɣ
Tikwal cfiɣ tikwal ttuɣ
Ma yfat ttuɣ zhiɣ ḍṣiɣ
Mi d mmektiɣ uɣaleɣ ttuɣ
Tikwal cfiɣ tikwal ttuɣ
Tikwal ḍṣiɣ tikwal ttruɣ

Mi d mmektiɣ d wayen iɛêddan
Ttweḥḥideɣ Ṛebbi di ddunit
Ṣṣura-w teqqim deg wemkan
Laɛqel-iw iṛuḥ am targit
Ḥeṣleɣ ger sin iberdan
Yiwen yaɛṛeq wayeḍ dirit

Mi ara yili lliɣ ger yeḥbiben
Yekkes-iyi lweḥc zhiɣ ḍṣiɣ
Tebbi-yi lhawa gar-asen
S lfeṛḥ ara sen-ttmesliɣ
Mi ṛuḥeɣ ttuɣ yak lemḥayen
A yi-d-steqsin amek lliɣ

La steqsayen medden irkel
Bɣan ad ẓren amek lliɣ
Aql-i am win iɣeẓẓan lebṣel
Ur iban ttruɣ ur iban ḍṣiɣ
A ssawaleɣ am iḥiqel
ɛerqen-iyi lehbab d ttɣimiɣ

Leɛqel-iw meskin yetɣeṛṛeb
Yezger akin i lebḥuṛ
Ul-iw yectaq ayen yeṛɣeb
Ar daxel i yessexzen yeččuṛ
Win yellan d lmujaṛṛeb
Fiḥel as-ḥkuɣ yefhem lumuṛ

TabSnitraParoles, Slimane Azem, Slimane Azem - Muḥ yettabaɛ Muḥ, Slimane Azem - Taqsiṭ n Muḥ, Slimane Azem - Wid yemmuten (19xx)

Slimane Azem – Muḥ yettabaɛ Muḥ

Tagi d taqsiṭ n Muḥ
La tettnerni tettenbeddal
Seg asmi yella di dduḥ
Almi d mi d-yewweḍ lmijal
Si zik Muḥ yettabaε Muḥ
Mi d-ilul Muḥ wayeḍ ad iruḥ
La tettnerni tettenbeddal
Mi yemmut Muḥ wayeḍ ad d-ilal
***
Mi ttrebbin kan tiḥdayin
Heznen ɣillen negren warrac
Mi d Muḥend i la d-yettnernin
Ccɛecɛen am yiṭij n ttnac
Σziz Muḥend ulac wissin
Σziz Rebbi nnig-s ulac
***
Muḥ yettimɣur yettnerni
Akken akw i d-kkren warrac
D lɣerba i d-yettmenni
D tamurt-is i yettewḥac
Mi iruḥ ur iban sani
Am ufrux i d-yufgen si lɛecc
***
Taqsiṭ n Muḥ d asefru
Am ayen akw i tjerrbem kunwi
D ajenyur n dduminu
Yeɣra-tt-id di leqhawi
S teḥjurin kan i yebennu
Mi yebna lḥaǧa ad tt-yerwi
***
Muḥ tura icab mellul
Am-mɣar bu-sebɛa n leqrun
Ttaḍsan yakw asmi i d-ilul
Tura yeǧǧa-d widen aa yettrun
Γas yemmut ḥeznen seg-wul
Ferḥen s widen i d-irennun!
***

TabSnitraParoles, Slimane Azem, Slimane Azem - Ay afṛux ifilelles, Slimane Azem - D aɣrib d aberrani (19xx)

Slimane Azem – Ay afṛux ifilelles

Afṛux ifilelles

Refrain :
***
Ay afrux ifilelles,
Ak-k ceggɛeɣ awid ttbut,
Ɛlli di tegnaw, ɣewwes,
Awi-yi-d lexbaṛ n tmurt.
***
Abrid-ik iḍheṛ , iban,
Deg genni iqerb umecwaṛ;
Ɣer Sidi Ɛbdeṛṛeḥman,
Lwali iqublen lebḥeṛ.
In ‘as i bab n lbeṛhan:
Aql-aɣ di lɣerba nenṭeṛ.
Sellem af leḥbab akken llan,
Am wassa ncalleh a nemẓeṛ.
***
Refrain
***
Ɛlli di tegnaw, ṛeḥḥel,
Syinna tṛuḥeḍ qbala;
Ar tmurt n Leqbayel,
Zuṛ it id ak s lǧemla.
Idurar ak d sswaḥel,
Leɛzayeb, tuddar, lexla
Sellem ak af wid nḥemmel,
Kul yiwen anda yella.
***
Refrain
***
Zwir si Draɛ Lmizan,
Ḥewwes kra yellan d Iḥuma-s;
Ad tɛeddiḍ ɣef Izemran,
Tinirit d tɣezza Umecṛas,
Ad teffɣeḍ s Agni g-Geɣran,
Lḥara nneɣ rzu fell-as;
Sellem af leḥbab akken llan
Ɣas ad tenseḍ din yibbas.
***
Refrain

TabSnitraParoles, Slimane Azem, Slimane Azem - Zzux d lmecmel, Slimane Azem - Zzux d lmecmel (1958)

Slimane Azem – Zzux d lmecmel

Refrain

Zzux zzux d lmecmel
Ttalasen deg-s akk leǧnas
Γer medden merra yeshel
Menwala ad izzux ayla-s
Zzux d lhedra baṭṭel
Ulac fell-as lexlaṣ
***
Helken-aɣ imessasen
Neḥsel gar-asen
Nettxellis ayen ur nexdim
Kul yumm nemmal-asen
Gguman ad ḥessen
Wessi-ten hder neɣ qim
D zzux i yeqwan deg-sen
La qqaren akk nessen
Sebḥan-k a Llah lεaḍim
***
Refrain
***
D acu n tmara i ten-yerran
Lεibad ur nemεan
Ttzuxxun ur zmiren
Ad tili lḥaǧa i ten-yexḍan
Γer medden i tt-slan
Ad as-εawden ad tt-metlen
Walfen jemmeεen iɣsan
Mi sen-εawden wwan
Amzun d nutni i d-inefqen
***
Refrain
***
Aql-aɣ tura nebbeḥbeḥ
Neεya deg umeddeḥ
D at zzux ara ihedren
I aɣ-tt-iḍeggren d lǧayeḥ
I uderɣal i iceṭṭeḥ
Iɣil d netta ay d-iḥerran
Am wass-a ad d-yeḍher sseḥ
Kulci ad yefḍeḥ
Ad d-banen widen iẓewren
***
Refrain
***
Bexlaf win yellan deg uẓekka
Isenned yetekka
I ihennan seg yir lehdur
Newhem tura amek akka
Tbeddel ssekka
Ad fell-aɣ cehhden s ẓẓurr
Aql-aɣ nessusem berka
Ulay ay i d-neḥka
Nettraǧu ad d-ḍehren lumur
***
Refrain
***
Lḥila n zzux teččur
Yendeh ṭṭembur
Lfahem ifhem iman-is
Berka si lketra n lehdur
Yakk ferzen lumur
Kul wa ad t-iqabel lfeɛl-is
Ma d lεebd yellan d aḥrur
Ma yezmer ad iẓur
Ma ulac in ad yeṭṭef imi-s
***
Refrain

TabSnitraParoles, Slimane Azem, Slimane Azem - Aha Lala Lala, Slimane Azem - Aha Lala Lala (19xx)

Slimane Azem – Aha Lala Lala


AHA LALA LALA

Refrain :
Acu i yexdemn akka,
Ẓẓher w lmektub di sin;
Mi meyyzeɣ ad rreɣ akka,
Afeɣ-d iman-iw akin.
***
Mi ttmeyyizeɣ d acu-yi ,
Ufiɣ-d lɛebd ḍḍaɛif.
Ul-iw irɣeb di lfani
Ma d nekkini ṛwɣ lḥif.
Tedduɣ ur iban sani
Am weclim d-yebbi wasif.
***
Refrain
***
Zzman-agi d bu leɛyub,
Wagila ibeddel ṣṣifa;
Kulci iteddu s lmeqlub,
Ruḥent ak tirga mxalfa.
Mi la ttṛaguɣ di lmerɣub,
Zwarent-tt-id tlufa.
***
Refrain
***
Ttnadiɣ f lɛeqliyya,
Ṛṛay-iw ay amehbul.
Bɣiɣ ad rebḥeɣ lemziyya,
Fkiɣ-as cclaḍa i weɣyul.
Ziɣen ččuṛeɣ d nniyya,
Ḍemɛeɣ lxir di bu wexlul.
***
Refrain
***
Sked akken ur xdimeɣ,
Lḥeq-nni n zik yekfa.
S anga rriɣ ttuzwareɣ,
Kellexn i’ sḥab lḥerfa.
Ččan lḥeb d-srewteɣ,
Ǧǧan-iyi-d akerfa.
***
Refrain

TabSnitraParoles, Slimane Azem, Slimane Azem - Anekkar leḥsan (19xx), Slimane Azem - Nnan-as yakk ccah

Slimane Azem – Nnan-as yakk ccah

Paroles :

Wah Ṛebb-i wah !
Wah Ṛebb-i wah !
***
Refrain
Wigad ḥemmleɣ i d iɛdawen,
Wah Ṛebb-i wah !
Wigad umneɣ i d-yezwaren ;
Wah Ṛebb-i wah !
Uɣalen-iyi-d yak d iɛdawen,
Kettern-iyi di lemḥayen
Nnan-as : Ccah !
***
Wigad-nni umi xedmeɣ lxiṛ ,
Wah Ṛebb-i wah !
I la yi-reggmen s deffir;
Wah Ṛebb-i wah !
ǧǧan-iyi leɛqel-iw yeddewwir
Ma d ul-iw  irkeb-it lḥir ;
Nnan-as ccah!
***
Refrain
***
Hedṛen fell-i, nek di lɣayeb,
Wah Ṛebb-i wah !
Ḥekmen fell-i ẓẓur d lekdeb;
Wah Ṛebb-i wah !
Cehden fell-i , nnan-as yesleb,
ǧǧan leɛqel-iw meskin yexṛeb;
Nnan-as ccah!
***
Refrain
***
Skaddben fell-i , nnan-as d ṣṣeḥ,
Wah Ṛebb-i wah !
Ma d ul-iw iṣber, isumeḥ;
Wah Ṛebb-i wah !
Nitni ṛwan taḍṣa d unecreḥ
Ma d nekkini tasa-w tejreḥ;
Nnan-as ccah!
***
Refrain
***
Bɣan ad iyi-ccemten tafsut,
Wah Ṛebb-i wah !
Ad qḍɛen fell-i lqut;
Wah Ṛebb-i wah !
Nnan-as : Neẓra-t , nebbi-d ttbut.,
Neḥder asmi yenṭel, yemmut;
Nnan-as ccah!
***
Refrain

TabSnitraParoles, Slimane Azem, Slimane Azem - Anekkar leḥsan, Slimane Azem - Anekkar leḥsan (19xx)

Slimane Azem – Anekkar leḥsan

Anekkar leḥsan

Refrain:
Teččiḍ lmelḥ seg ufus-iw,
Nek buddeɣ-k seg wul yeṣfan.
Mliɣ-ak ak sser-iw,
Texdaɛḍ-iyi di laman.
Tuɣaleḍ-iyi-d d aɛdaw-iw,
Annaɣ a nekkar leḥsan.
***
Ma yella mazal tecfiḍ
Asmi i k-xedmeɣ leḥsan:
Macci akkagi i telliḍ,
Imir-nni yeṭṭef-ik zzman;
Teẓriḍ d nek i tufiḍ,
Annaɣ a nekkar leḥsan.
***
Refrain
***
Ẓẓiɣ-ak ajeǧǧig n lxir,
Rriɣ-as targa n laman;
La yeǧuǧǧug yettnewwir,
Tileɣ ad as-texdemḍ ccan.
Tuklet, terkiḍ-t deg wexmir,
Annaɣ a nekkar leḥsan.
***
Refrain
***
Annaɣ wah ya ɛaǧaba,
Tettuḍ yak ayen iɛeddan.
Thuddeḍ ṣṣur n lemḥibba,
Lsas-is teǧǧiḍ-t ɛeryan.
Tenkerḍ-i mebla ssebba,
Annaɣ a nekkar leḥsan.
***
Refrain
***
Ma yella ihenna wul-ik ,
Nek teǧǧiḍ-d deg-i urfan,
Mi d-mmektiɣ d lfaɛl-ik ,
Ttḥireɣ, ur gganeɣ aḍan;
Mazal ttarguɣ lexyal-ik ,
Annaɣ a nekkar leḥsan.
***
Refrain

TabSnitraParoles, Slimane Azem, Slimane Azem - Terwi tebberwi, Slimane Azem - Zman nɣaṭi (19xx)

Slimane Azem – Terwi tebberwi

Terwi tebberwi

Terwi tebberwi
Yegguma ad iḍher ixef-is
Terwi tebberwi
Labud ad-taɛqel bab-is
***
Terwi-d si mkul amkan
Mkul lǧens yetnewwa
Ameqṛan d umeẓyan
Kul wa yeqqaṛ akka iyi ihwa
Zik d RRus d Marikan
Tura yerna d Ccinwa
***
D imeksawen id-t-ixelṭen
Kul wa d-ansa id iḥlelli
Yaṛṛeẓ uɛekkaz mi t-feṛqen
Uccen yeggan ger wulli
Hemlen izamaren
Ǧǧan amṛaḥ d lxal
***
Lwaqt akka i yelḥa
Yewwi-tt id s uzayeḍ
Mi texsi deg yiwet lǧiha
Ad-ta tcaɛl-ed si tayeḍ
ɣas yella yiwen yelha
Ad-taf-eḍ idahmit wayeḍ
***
Lwaqt d amuḍin
Ilaq-as ddwa ḥellu
Lqum yebḍa ɣef sin
Wa ibennu, wa yetthuddu
Acḥal n lesnin
Temcubbak tugi ad-tefru
***
Ikker-ed lqum n teǧǧal
Am weṭṭuf id iṛaḥḥel
Yuɣal ccwaṛ ɣer tuǧǧal
Yewhem bab n laɛqel
Awtul yuɣal d ačeqlal
Mi s yesla yizem yerwel
***
Yekfa ssuq, tefra ṛṛaḥba
Bu laɛqel dunnit teǧǧa-t
Ma d win tellan d tabaɛ
Yaḥmeq yezwar ar zdat
Lweqt akka i yebɣa
D ssbaṛ id ddwa n lmeḥnat

TabSnitraParoles, Slimane Azem, Slimane Azem - Amqerqer n wemdun, Slimane Azem - Taqessit n wemqerqur (19xx)

Slimane Azem – Amqerqer n wemdun

Refrain :
***
Mell-iyi amek ara k-ḥemleɣ
Ay ameqerqer n wemdun
Mi fudeɣ bɣiɣ ad sweɣ
Terwiḍ aman am weḥḍun
S anda rriɣ ad k-in-afeɣ
Ay amqerqer n wemdun
***
Keččinni ur ttesseḍ
Ur tettaǧǧaḍ win ara yeswen
D lmenker i dgi txeddmeḍ
Deg wigad yeffuden.
Iban kan ansi id cetleḍ,
D atmaten i k i d ccwaṭen.
***
Refrain
***
Teṭṭfeḍ kan yiwet Lḥerfa,
Sennig wemdun i te-tɣimiḍ
Mi tesliḍ i kran lḥaffa,
Tasa-k turew-d asemmiḍ.
Mi yella wemdun yeṣfa,
Tjellbeḍ ɣur-s ad terwiḍ.
***
Refrain
***
Lukan tettɣenniḍ cwi
Kra n ssut ḥninen,
Neɣ ma d lluɣa tajḍiṭ,
Balak ad teɛǧbeḍ medden;
Kec qerqer am tyaẓiṭ.
Ulac w’ ara k-d-ifehmen.
***
Refrain
***
Mi llan waman zeddig-it,
Tḍewwerḍ i wemdun s lâum.
Lukan tḥezzbeḍ i tmeddit.
Ara yeḍrun yid-k ay amcum.
Ur k-tenfeɛ tirgigit,
M’ ara k-iṭṭef wezrem a k-isum
***
Refrain
***

TabSnitraParoles, Slimane Azem, Slimane Azem - Iya weyyak a Ḥmed, Slimane Azem – Iya weyyak a Ḥmed (19xx)

Slimane Azem – Iya weyyak a Ḥmed


Refrain :

Ya w-yak a-ḥmed
T-ṣeṛwaḍ iyi lemṛaṛ
Ak tt-weṣṣiɣ a ḥmed
Tuɣaleḍ-iyi am mrar
Mi ak lliɣ att-beddeḍ
Mi ak xḍiɣ att-nḍeḍḍ
Ya w-yak a ḥmed
***
M-id ak lliɣ att-beddeḍ
M-id ak xḍiɣ att-nḍeḍḍ
Ya w-yak a ḥmed
***
Si zik ila kett weṣṣiɣ
Segmi teliḍ d-ameẓyan
Acḥal llumṛ ik-mliɣ
Aken-aɣ yak ibardan
T-ttuḍ lehduṛ ik-nniɣ
Iten-i fehmen d-lğiran
Ya w-yak a-ḥmed
***
T-ttuḍ lehduṛ ik-nniɣ
Iten-i fehmen d-lğiran
Ya w-yak a-ḥmed
***
Refrain
***
Ttweṣiɣ-k qaṛṛeɣ-ak ẓwaṛ
Lukan teḥsabḍ l-qimma
Γileɣ att ṣsɛḍ kra lefkaṛ
Niḍḍam akk d-lxwedma
Kečč t-ṭafaṛ-eḍ leqwmeṛ
Ccṛab dexxan d-ccema
Ya w-yak a-ḥmed
***
Kečč t-ṭafaṛ-eḍ leqwmeṛ
Ccṛab dexxan d-ccema
Ya w-yak a-ḥmed
***
Refrain
***
Am win i-zeraɛn aclim
Heddar i-teddem w-aɣḍḍu
Att weṣṣiɣ hdaṛ neɣ qqim
Kif a cetwa ay a-nebdu
Amer att sɛuḍ aḥkim
Yella ṛebb-ak id yehdu
Ya w-yak a ḥmed
***
Amer att sɛuḍ aḥkim
Yella ṛebb-ak id yehdu
Ya w-yak a ḥmed
***
Refrain
***
Ṛṛebbaɣ-k id armi meqqṛeḍ
Ma tura xedm ṛay-ik
Ma yehda-k ṛebbi t- ṣsegmeḍ
Ad tecbuḍ tizyiwin-ik
Ma d-yir brid it ḍefṛeḍ
Ak-i semllil d-lfaɛl-ik
Ya w-yak a ḥmed