TabSnitraL, Lounes Matoub, Lounes Matoub - Afalku bezru leɣrib, Lounes Matoub - Tamsalt n Sliman (1983), M, Paroles

Lounes Matoub – Afalku n Uẓru n Leɣrib

Afalku n Uẓru n Leɣrib

S ucewwiq

Atan wul-iw yesmiḥin
Aṭṭan i t-yullin
D burku yuɣen ttemṛa
Ussan-a ɣelben lesnin
A ttṛaǧǧuɣ tisin
Tassa-w a theddeṛ tekfa
********************
Ay aẓṛu leɣṛib aḥnin
Ekkes fell-i lɣim
Nhudd iṭṭij ɣer lḥaṛṛa
(*2)

S ccna

Afalku n weẓṛu leɣṛib
Ma ak-sɛuɣ d aḥbib
Kker nekk yid-k ad nḥewes
Seg wedrar bbiɣ-d abrid
Barmesiun di lǧǧib
Yemma ad arzuɣ ɣuṛ-s
Yezzi-d useggas ajdid
Ad tt-ɣafṛaɣ d lɛid
Gar lehmum tezdeɣ waḥdes
**************************
Ɣer yidurar n at-Ɛisi
Ad ɣeṣbeɣ tikli
Drus n-ttriḥ id-fkan
Ṛuplan at ttezi
Am yesɣi nig-i
Tesraḥ wis w-aka yellan
S-lbaṛṛud ad sisti
Amzun d abrurri
Ad mteɣ meden ur ẓṛan
***************************
Annaɣ a yemma ad mteɣ
Yarn-ur kem ẓeṛṛeɣ
Ass-a yesawel-ed lajel-iw
Si gar w-allen-im m-id ṭaxṛeɣ
Γilleɣ ad uɣaleɣ
Am nek-ini am atmaten-iw
Ziɣ ad metɣ ur neṭlaɣ
Aẓẓeka ut kesbaɣ
D uccanen ara yeččen aksum-iw
************************************************
Ay at u-malek
Ay aẓṛu leɣṛib ḥerrek
************************
Muqqelɣ abrid ik yebbi-n
Kečč d tezyiw-in
Ttɛenniɣ-t ak-id yer yibbas
Qaṛṛen-iyi l-maǧǧahid-in
Aqlaɣ neẓṛa mmi-m
Ḥedṛut-id ata ay-id yas
*************************
Ay at u-malek
Ay aẓṛu leɣṛib ḥerrek
*************************
Xas ggulen ur ttamen-aɣ
Amek ara smaḥseɣ
I-bnaddem ay-id yeḥkku-n
Temẓi-w felak itt ṛehnaɣ
Xas ur k-ɣaḍḍeɣ
Aɛfiɣ-ak a bbu leɛyun
**********************
Ay at u-malek
Ay aẓṛu leɣṛib ḥerrek
****************************************
Ifxiṛ muteɣ ur teẓṛiḍ
W-ala dit walliḍ
Akka att-ɛicc-eḍ deg-sirem
Att ɣilleḍ mazal liɣ
Yibbas ard ziɣ
Ad kfun lehmum dayen
W-ama ma yella teḥṣiḍ
A yemma d-teɣliḍ
Ulac wa m-izemn allen
************************
Temẓi-m felli ttet-ṛahnneḍ
Felli ttet-ṣaṛfeḍ
D ddunit kem d-amdegger
Teggul-eḍ ur teḥnit-eḍ
Ur kem yuɣ wayeḍ
Tuffa-kem id di ddel tewser
Ttif xiṛ-am ur tẓaṛṛeḍ
Win aken t-ḥemlleḍ
Qaṛ kan mazal ye-dder
Mačči d ayen um-it zemreḍ
A yemma ad ḥebs-eḍ
Negred d asfel i-ldzayer
**************************

TabSnitraLounes Matoub, Lounes Matoub - Ay izem, Lounes Matoub - Ay izem (1978), Paroles

Lounes Matoub – Ay izem

Ay izem anda telliḍ
Amkan i d-teǧǧiḍ
mi teɣliḍ
I t-iɣellten d wiyaḍ
Mi lluẓen ad ak-ttren
Mi ṛwan ad ak-ččen
Ḥuzan-aɣ ẓḍan tissas
Win i d-yemmeslayen
Γer lfinga ad t-ḍeqqren
Win i d-yemmeslayen
Iles-is ad as-t-gezmen

Tluγ temda seg ntess
Ay izem anda teddiḍ
Amkan i d-teǧǧiḍ
Mi tenɣiḍ, mi teɣliḍ
I t-iɣellten d wiyaḍ
Limmer s tiṭ-ik ad twaliḍ
Ad k-yewwet usemmiḍ
Ad tagiḍ, ad tagiḍ
I mmi-k ad yekkes icifaḍ
Ssurfan-ak teɣlid
Tagrawla i d-teǧǧiḍ
Γef weεrur n yifis tecceḍ

Mi lluẓen ad ak-ttren
Mi ṛwan ad ak-ččen
Ḥuzan-aɣ ẓḍan tissas
Win i d-yemmeslayen
Γer lfinga ad t-ḍeqqren
Win i d-yemmeslayen
Iles-is ad as-t-gezmen
Tluγ temda seg ntess

S tulemmda i γ-d-sekkren
Deg wawal-nsen
Qqaren tussna d aseklu n tjaddit
Imezwura mi mmuten
Lejdud-nneγ mi mmuten
D acu d aγ-d-ǧǧan
D ayen ilhan
Tamment n tzizwit tuffirt
Talast i yurzen
Agdud n Yugurten
Tizi ad as-d-teḍher talwit

Mi lluẓen ad ak-ttren
Mi ṛwan ad ak-ččen
Ḥuzan-aɣ ẓḍan tissas
Win i d-yemmeslayen
Γer lfinga ad t-ḍeqqren
Win i d-yemmeslayen
Iles-is ad as-t-gezmen
Tluγ temda seg ntess

TabSnitraLounes Matoub, Lounes Matoub - Ay arrac, Lounes Matoub - Lmut (1988), Paroles

Lounes Matoub – Ay arrac


Ay arrac (La jeunesse)

Ay arrac n tmurt, ayɣer
Ay arrac n tmurt, ayɣer
Tessɣerṣem aẓar n ttbut?
***
Mi d-xaḍem yiwen ijifer
Akin tekkerker
Ifuk lxiḍ di takurt
Mi d-xaḍem yiwen ijifer
Akin tekkerker
Ifuk lxiḍ di takurt
***
D acu iwumi nessen
Siwa i txidas d tmurdas
Ulawen ččuren
Ddɣel yesgujaɣ tissas
Zzux ulac wi ɣ-yifen
S wawal nif akk leğnas
Ajeğğiḍ win i t-yeṭṭfen
Alamma yeḍla-t i gma-s
Zzux ulac wi ɣ-yifen
S wawal nif akk leğnas
Ajeğğiḍ win i t-yeṭṭfen
Alamma yeḍla-t i gma-s
***
Mi d-iban wergaz
Ad s-d-nenced ixṣimen
Nezga nemberraz
Nessefraḥ wid ɣ-iḥekmen
Ulac lḥerma d lεezz
Nnif d nekkni i t-yekksen
Amzun iεedda deg umehraz
Ur d-yeqqim webruy yeṭṭfen
Ulac lḥerma d lεezz
Nnif d nekkni i t-yekksen
Amzun iεedda deg umehraz
Ur d-yeqqim webruy yeṭṭfen
***
Nekkni s Leqbayel
Nkerreh tidet qerriḥen
D tuffɣ n leεqel
Deg wallaɣ-nneɣ i izedɣen
Yibbas lemmer ad neddukel
Idurar ad rmimzen
Tamurt-nneɣ ad tt-id-nḥell
Ad nekkes azaglu i ɣ-yeqqnen
Yibbas lemmer ad neddukel
Idurar ad rmimzen
Tamurt-nneɣ ad tt-id-nḥell
Ad nekkes azaglu i ɣ-yeqqnen
***
Ahaw san yibbas
Ad nelḥut deg yiwen webrid
Ahaw san yibbas
Ad nεeqlet wi llan d lğid
S lğehd ad neṛṛẓet leḥbas
ulac anwa ara icekkeb lqid
Seg Uheggar alamma d Aṭlas
Agdud ad yeddu d lwaḥid
S lğehd ad neṛṛẓet leḥbas
ulac anwa ara icekkeb lqid
Seg Uheggar alamma d Aṭlas
Agdud ad yeddu d lwaḥid
***
Ahaw san yibbas

TabSnitraLounes Matoub, Lounes Matoub - Ay adrar n At Yiraten, Lounes Matoub - Sleεbitt ay abeḥri (1981), Paroles

Lounes Matoub – Ay adrar n At Yiraten

Imi icaḍ si fad yeqqur
Mi nezdeɣ ger isennanen
Mmi-s n tsedda meḥqur
Mi t-εezlen igerfiwen
Deg unebdu i meggren leεṛur
Di ccetwa I sserwaten

Ay adrar n At Yiraten
Si Micli εeddi akin
Akfadu ṛṛe ḥba meqqren
D lmaṛsa n lmuǧahidin
Akal wi i t-id-iḥeṛṛan
Cceḥna anwa tt-yebwin

Lebḥeṛ ma iḥudd-ed tilas
Iṭij ad yenfu dayen
I lfuci ma ifuk rṣaṣ
Am uεekkaz ger ifassen
Ẓẓay mačči d afessas
Awal s wayes i ɣ-ssumnen

Inijjel ireglen abrid
Semmḥen deq-s wid t-ifersen
Tamurt a tt-itett ṣdid
Aḍar yugad asawen
Yennulfa-d waqel eg-wejdid
Lejhel d leεqel i t-yifen

Ay ul ifuden lgirra
Ṣber ar d-yas lawan
Ma d wid i yḥekmen tura
Walan ay d-bwin wussan
Tamaziɣt teḥwaǧ lehna
Tejreḥ uqbel a ṛṛuman

Ay adrar n At Yiraten
Si Micli εeddi akin
Akfadu ṛṛe ḥba meqqren
D lmaṛsa n lmuǧahidin
Akal wi i t-id-iḥeṛṛan
Cceḥna anwa tt-yebwin

Deg izilan d ideflawen
N-leḥḥu abrid iḍul
Aka wi I t-id-iḥeṛṛan
Buren iɣeblan ɣef ul
Nebwi irden nejmeε-iten
Anda akken ittqeggil weɣyul

TabSnitraLounes Matoub, Lounes Matoub - Ass-agi lliɣ, Lounes Matoub - Assagi lliɣ, Lounes Matoub - Assagi lliɣ (1981), Paroles

Lounes Matoub – Ass-agi lliɣ

Assagi lliɣ azekka wissen
Nniɣ-d ayen ẓriɣ
D wayen a ttwaliɣ
Cfut di targa ma ɣliɣ
D anza-w aa wen-d-yessiwlen

Ya lemri fki-ɣ-ak-n udem-iw
Tṛeğmeḍ-t-id s ccwami
Mi kkerɣ ad qazmeɣ lebɣi-w
Iḍelb-iyi-d ayagi
D idammen-is neɣ d idammen-iw
D netta neɣ d nekkini

Ifer n leḥbeq yugad
Yugad taɣert d-ileḥḥun
Ul-iw kecment-ett tiqqad
T-times i t-id-yettsuḍun
Abeḥri n lḥif a yettzad
Bɣan awal a ɣ-t-ɣbun

Bɣan a ɣ-ḥeṛṛen s amḍiq
Iweryan heggan-aɣ-ten
Mi newqeε an-nettijjiq
Llazuq ger wafriwen
Ajenwi a d-yas s aεenqiq
A ɣ-zellun yiwen yiwen

Xas ḥeṛṛen-iyi ṛebεa leḥyuḍ
Xas lfinga a tt-waliɣ
Xas lḥif a yi-d-isuḍ
Xas yecceḍ webrid aa awiɣ
Ma nnan-iyi-d s anda tleḥḥuḍ
A sen-iniɣ nek d Amaziɣ

TabSnitraLounes Matoub, Lounes Matoub - Ass-a tesεiḍ-d mmi-m, Lounes Matoub - Assa tesεiḍ, Lounes Matoub - Tirgin (1982), Paroles, Sélection TabSnitra

Lounes Matoub – Ass-a tesεiḍ-d mmi-m

Lecture plein écran

Ass-a tesεiḍ-d mmi-m (Mon coeur sous une dalle)

Am(2)Muqel ay-d-uǧAm(2)wen wussan
Dsus2(2) Limer i am-giɣ leḥDE2(2)san
Ass-a ur d-ttagDE2(2)raɣ weḥd-i
Am(2) Ul-iw d ddnub i t-yeɛman
Celxent-t lemḥan
Rẓiɣ iferr di lxali
***
Zzher-iw umi kkren yisɣan
Ulac wi i ten-iẓẓɛen
Sneslaxen-t deg uzal qayli
***
Limer d ay telhi twenza-m
Ad tecbuḍ tizya-m
Taseṭṭa-m ad terr tili
************************************************
Rriɣ-as tablaḍt i wul
Fket-iyi ttwab-is yemmut
**************************************************
Limer ur kem-ẓriɣ axir
Limer ur nemyehdir
Tili as-iniɣ d ayenni
***
Igenni mi ara d-ittɛemmir
Iɣẓer iḥebbir
Ireǧǧem-ikem-id s usmekti
***
Nekk d uzzal ddnub-im d ddkir
Ijebbed-iyi lḥir
Fell-i kan i ittnadi
***
Ass-a tesɛiḍ mmi-m alxir
Ma d nekk am ṭṭir
Kul tiɣilt undin-iyi
*****************************************************
ariɣas tablatt i w-ul
fektiyi ttwab-is yemut
*****************************************************
Ǧǧiɣ ul-iw yuli-t wadal
Qqeraɣ mazal
Am wakken attdum temẓi-w
***
Ass-a mi i yi-ifat lḥal
Yebbi-yi uḥemmal
Umsen akk yidisan-iw
***
Ɣliɣ deg urebbi n cwal
Xas lukan s tejɛal
Ur d-fedduɣ taṛwiḥt-iw
***
Fkiɣ i yeɛdayen awal
Ṛwiɣ timcukkal
Ɣer lbir izder ssut-iw
Ma suɣaɣ ulac wi ara d-yeslen

TabSnitraLounes Matoub, Lounes Matoub - Arrac n tmanyin, Lounes Matoub - Rwah rwah (1988), Paroles

Lounes Matoub – Arrac n tmanyin

Acimi akka nessusem?
Acimi akka neggugem?
D acu i d sebba n waya?
Arrac n tmanyin feclen
Wigi-ni d-yettnekkaren
Helken tawla n lemḥibba
D tiḥdayin i ten-iceɣlen
Nedder nettwali atmaten
Ula ttemsetḥin ara!
***
S lɛib ur ttsetḥin ara
Ma tneḍqeḍ-d diri-t waya
S tecmatt ad k-ssirden.
Ay rekku uẓar n lḥerma
Xas hesbet-tt yenqedwa
At nnif yid-s ad ɣaben
Zik leqbayel s tirugza
I s-iqublen adrar, luḍa
Tura qlen d iceṭṭaḥen
***
Nnif i ɣef neseḥbibir
Yeberttax ɣer daxel n lbir
Yemmut neɣ yedder wissen?
Ur yekcim yimdanen lḥir
Win testeqdaḍ ad k-yini bxir
Titni mbeɛid i tneqniqen
Lfahem yeqqel ɣer deffir
Yunef i webhim ad yezwir
D netta ara d-isewqen!
***
Yeqqel uqelmun s iḍarren
Zzuɛama tt-id-iḥellen
Ass-agi ur ttnebdaren ara
D wid cebḥen irumyen
S lbistat d ibeckiḍen
Uɣur i d-tegra ṣrima
Imi lqum yugi irgazen
Akka ara ɣ-deqqimen
Azaglu ur ɣ-itekkes ara

TabSnitraLounes Matoub, Lounes Matoub - Anef-iyi, Lounes Matoub - Ay izem (1978), Paroles

Lounes Matoub – Anef-iyi

Anef-iyi ad ruɣ
Eǧǧ-iyi ur tedduɣ
Ṣṣber ur yelli
D lmeḥna ad s-cfuɣ
Di lkaɣeḍ ad tt-aruɣ
Akken ad nemmekti
***
Beddeɣ am lexyal
Lmektub imal
Ur iban lateṛ-is
Leḥbab nḥemmel
Ttun-aɣ kamel
Yiwen ur d-yeḥbis
Di lmeḥna i d-yettlal
Mmi-s n leḥlal
Ddunit s lqis
Anef-iyi ad ruɣ
***
I d-mennant wallen-iw
Yettagwi-t wul-iw
Ur ḥsiɣ ayen
Ssakdeɣ ɣer lateṛ-iw
Kemmleɣ abrid-iw
Ḍemεeɣ ig yelhan
Tagara sseεd-iw
Yerwel d zzehṛ-iw
Ɣur-i ur d-uɣalen
Anef-iyi ad ruɣ
***
Inεel bu-k a lḥif
Ig rennun urrif
Neṣber-ak neεya
Teṛṛiḍ-aɣ ɣer rrif
Seg yiɣes adif
Ur d-yegwri ara
Ulac uɣilif
Mi ɣ-regmen wid nif
Neṣber i tlufa
Anef-iyi ad ruɣ

TabSnitraLounes Matoub, Lounes Matoub - Anda-tt teεzibt, Lounes Matoub - Au nom de tous les miens (1997), Paroles

Lounes Matoub – Anda-tt teεzibt

Yak nnan telha nniya
D lḥila n ṣṣfa
Bab-is xas yeɣli ad yekker
Tettak udem i tagara
Tettṛebbi lqima
Wi-tt yesɛan ur inegger
Nekk ay atma ur iyi-tehwa ara
Armi id-nemsegra
I d-yendeh s yisem-iw liser
***
Anda-tt teɛzibt ut nerḍiḥ
Neɣ asebsi ur nendiḥ
S Lḥesnaoui d Lɛenqa
Slesɣ-as i lɣerḍ jiḥ
Ass-a a d-tettiqsiḥ
Tedwilt-nni ur ṛğiɣ ara
***
Yak nnan leɛmeṛ yerbiḥ
Bnadem ur neqbiḥ
D lweqt ar niqbiḥ tura
Ɣer tiḥerci ad ncerreg ttriḥ
A sen-neḍlu amsiḥ
I wid yesburren nniya
***
S rrba i di-yesrebḥen
D idim yemmaren d aneɛyabu ttwargameɣ
Ṣeddeḍen lerbug ak celxen
Ula iyi-d-yeṭṭfen
Deg weḍref wegni g-gseɣ
Allen zik yettneḥcamen
Ur ttadrent dayen
Xas ma zdat wi ttqadareɣ
Tagmatt a s-rzeɣ ifadden
As gerrzeɣ lekfen
Deg uzabuq ad as serḥeɣ
***
Ṣṣifa leḥbab att-bedleɣ
S tiḥerci a tt-jegreɣ
S tumlilt n tmenqas-iw
Bu ttrika ɣer-as ad sennedeɣ
Ma d wayeḍ at ḥeqreɣ
Xas yefruri-d seg uẓar-iw
Ɣur Ṛebbi afus at-id-kkseɣ
Aḥezzeb at-nefḍeɣ
At-nfuɣ seg disan-iw
At ẓẓur aten-id-necdeɣ
S yis-sen ad nefḍeɣ
Widen ur icekkeb lɣeṛḍ-iw
***
D usfih i-g-sburren ṛṛxa
Yeḍsan ɣef lḥerma
Ig-ferrun tilla ass agi
D ungif yeččan deg uɣenja
Ur d-tegwra tɣawsa
F iderman ad yettṛayi
Taddart ma tḥemmel zzayla
Ttekki g mezwura
I s-dittḥuccun mebla acetki
Ma teseɛteb-ik tmara
Zuf beddel tama
Tettuḍ amek iga iḍelli
***

TabSnitraL, Lounes Matoub, Lounes Matoub - Amğazi, Lounes Matoub - Communion avec la patrie (1993), M, Paroles

Lounes Matoub – Amğazi

Paroles : Amğazi / Matoub Lounes
Matoub Lounes et Nouara : Amğazi (Communion avec la Patrie 1993)

Tamurt :

I-nnek ig ɣunfa iẓeṛ-iw
D-ac ay d-asfel-iw
Anda yella dwa ḥellu
************************
Xas lḥir yezdeɣ ul-iw
Kkawen ifadden-iw
Mi ẓṛiɣ lğedra trekku
D tiktiwin bb-arraw-iw
Ayen yerwin alleɣ-iw
Yal yiwen akken l-ay fetu

Agrawliw :

D tiktiwin bb-arraw-im
Im yerwin alleɣ-im
Yal yiwen akken l-ay fetu
*******************
Yal yiwen aken l-ay fetu
Lbaḥṛ uɣuṛṛu
N kecm-it wis m-aɣ yeḍleq
**********************
Ḍḍlan i-tmurt daɛwesu
At neggi la tettru
M-it ẓra ungif d-amsewweq
***********************
Mačči s qelhu w-ellahu
Is ara teḥru
S leqraya s tegmatt d lḥeq
************************
Mačči s qelhu w-ellahu
Is ara teḥru
S leqraya s tegmatt d lḥeq
*******************
W-is tqsa-ɣ ad yinni kfan
Nfan neɣ fnan
W-igad itt magaren lmmut
*******************
W-id dd-iğğa ṭṛad iɛeddan
Ẓẓay-it ṛwan
Kan deg merga n-tefsut
********************
Di lğefna abruy ur teğğan
S-umazruy glan
Ɣer lkaf zuɣren tammurt
*******************
Wis ma d tallit ig bedlen
Neɣ d-nukni ig ɛewjen
Iwɛeṛ leḥsab i-itifin
Ay a mesbaṭli iṛuḥen
Add yeğğ i-wweṭṭen
D tfrurrux-en d tilkin
**********************
Ay uggadeɣ d w-igad d tismundlen
Ar-ad yeɣalen
Yids-en an berrez lesnin
****************************

Tamurt :

D w-igad kken ye-smunddelen
Ass-id yuɣallen
Yid-sen ad berzzem lesnin
***************************
Iw grawliw akken tḥemmlem
Ekkert ad tnadi-m lateṛ-is
Ama mazalt am zik yeḥḍem
Tanaṣlit tuzzel deg idamen-is
Steqsit ad tin tesneɛdem
Aɛdaw yuẓed di tikli-s
Am-ikken id iğaweb ad twehmem ad twehmem
Yal wa ad yesikked aṛfiq-is
***************************
Am-ikken id iğaweb ad twehmem
Yal wa ad yesikked aṛfiq-is
***************************
Nqesed-ik id ad aɣ temmleḍ
Amek aka ay teddunt temsal
****************************

Agrawliw :

Luḍḍa agi iseg id kkam
Sneɣ-tt ass mi d-asawen
Iɛdawen agi d-snulfa-m
Yid-sen i neḥafen ifadden
Ammek ara y-iṛṛefṛef leɛlam
Ma uggint at qadṛent w-allen
Amk ara y-ibnin w-exxam
Ma mecbbal-en iɛegalen
***********************
Ẓṛiɣ leqṛaya teɣṛam
Teɣṛam arkkel tilufa
Teɣṛam tent ur set ḥulfa-m
Fell-awen ur ɛeddant ara
Ass ma kwnid qesden laɛwam
S cutteḥ bb-ayen akk n-sɛedda
As tinni-m ziɣ d-asemmam
Useqi nni n tegrawla
********************
Zemreɣ am kunwi ad iliɣ
Ass m-akken leggaɣ zman
Ad sisseɣ ayen akk nwiɣ
Tagara ugadeɣ ilefḍan
Ḥettmeɣ di lebɣi ayen bɣiɣ
Bɣiɣ ṣef imeɣban
Xas aka di tesga kfiɣ
Ur ndimmeɣ deg ayen iḍṛan
**************************
Nadi-t aẓaṛ n-teɛdawt
Lamer ad ban ger-awen
Afet-ett uqbel akken ifat
Lḥal ur yelli yidwen
Ma tewwet ikken akk tmager
Aret iffeẓ am izamaren
W-iwen inna-n d-acu d tafat
Inet-as d-iɣallen dduklen
********************
D nnuba-w akun esteqsiɣ
Ğawebt iyid ay atma
Ḥercaw webrid id bbiɣ
Xas ass-a semṛeɣ di tesga
Inet iyi isem amaziɣ
Ma d tililli s-tegrqwla
Nneɣ aken d tmeyizeɣ ttwaliɣ
S akkarsi teɣṣeb tazla
******************

Imdanen:

Nem yi-steqsa nemsefham
Nefhem d-ac ara nqabel
Tiɣṛi nneɣ ad tefeɣ si ṭlam
Yal amdan ard-as issel
**********************
Y alala lala
Ass amynut n-saram
Yalala lala
Andeht-as ad iɣiwel
Yalala lala
Yis nneɣ ig icbeḥ leɛlam
Yalala lala
D nukni id tarwa laṣṣel
*************************
A tiɣri nneɣ dhen tudrin
Smekti-tent ɣef iḍelli
Mi seṛɣayen tizemrin
Mi sengaren leḥwaṛi
*********************
Yalala lala
Azend ṣebṛ i-tlawin
Yalala lala
D tilmeẓyin ğlent d tirnni
Yalala lala
Ad rent s-taɣṛatin
Yalala lala
An ṛṛeẓ asalu n-tuggdi
***********************
Aḍṛef yellan d-asuki
At n-garrez ad yefk lqweḍ
Tiɣṛi nneɣ d tiɣṛi tdukli
Ɣer-lmaṛɣub ar-d-at nawweḍ
*************************
Yalala lala
Xas yakan akk nemserwwi
Yalala lala
Di leɣlaḍ ur tenneḍ
Yalala lala
Nluẓẓ neɣ nedda ḥafi
Yalala lala
Di tegmatt ur nṛekkeḍ

TabSnitraLounes Matoub, Lounes Matoub - Ameni, Lounes Matoub - L'ironie du sort (1989), Paroles

Lounes Matoub – Ameni

Paroles : Amenni / Matoub Lounes

Ma d ṛṛsas ig-neqqen aqli ur muteɣ ara
Ma d lehlak id xelqen ur iyi zdiɣ ara
Widen igullen ad iyi simsen ula d elmut-a
Xas semḥeɣ-asen tsemḥem-asen ur tettuɣ-ara
***
U ḥeq idamen-iw yuzlen di lbaṭel
Aked d tameṭṭut-iw d taqrurt qrib teǧǧel
Ay ur rriɣ aḍar ay ibɣun iṣar imi d leqbayel
Ma d lkumisar neɣ aǧadarmi n elɛar ur s-kniɣ i ddel
***
Zik ttaggadeɣ gma ad iy-iɣdeṛ
Ass-agi thedneɣ s-idis-iw yeḥdeṛ
M-ig isla ttewteɣ ṛzeɣ nṭaṛṛeɣ di ttnasfa n Ǧaṛǧeṛ
Yenna-yi ad suɣeɣ tarwa-k att id jemɛeɣ ag-d naɣ leɛmeṛ
***
Teǧǧuǧeg tamurt-iw tnesred tafat
Xas yeda leɛmeṛ-iw dduklent tuyat
Tamaziɣt tban iserreḥ-as-d zman xas ḥarcet ɣur-wet
A widak yeɣran beddet asen i imeɣban zizdeget tasweɛt

TabSnitraLounes Matoub, Lounes Matoub - Allah wakbeṛ, Lounes Matoub - Tamsalt n Sliman (1983), Paroles

Lounes Matoub – Allah wakbeṛ

Lounes Matoub – Allah wakbeṛ

Asmi d-testeqsa lehna
Nerra-tt si lḥaṛa
Nenna-yas aqlaɣ labas
Neṛwa lxiṛ d lbaṛaka
Ur ɣ-ixuṣ wara
Ad yekkes ayen nettu yibb°as
Zzint wallen ɣer lqebla
Am waken syinna
Aa d-iwwet ubeḥri n tissas
Allah wakbeṛ Allah
***
Taεṛabt d awal n Ṛebbi
Dg-es tamusni
Mačči am tigad nniḍen
Fella-s ma tebb°ḍeḍ s ifri
Xas grireb ɣli
D Muḥemmed aa k-id-iselken
Ḥader ad ak-d-yeldi yeẓri
Qqar kan Sidi
I widen i k-yezzuzunen
Allah wakbeṛ Allah
***
Ḥader a d-tak°iḍ si tnafa
Aqlik di lxelwa
Asebsi n lkif d aṛfiq-ik
Ttmuqul kan Lqebla
D Lkeεba crifa
D nitni i t-tafat-ik
Kkat aqerru-k di lqaεa
Ur ssemḥas ara
Sel kan i sidi ccix-ik
Allah wakbeṛ Allah