Lounes Matoub – Ammus yezga izedɣiten
Ammus yezga izdeɣ-iten
Ma d tezdeg ur as-zmiren
Lbaṭal ilul-d yid-sen
Abhim yuɣal d lḥakem
Ass-n n lexṭba
Akka ay tefra
Widak nɣil d irgazen
Akersi mi ara sen-t-ṛegmen
S weryal ass-n a k-beddlen
Leḥḥun ff yiɛebbaḍ-nnsen
Lzzayer texla
Kullci yenqedwa
Lekdeb bnan-as axxam
Ttẓurun-t rran-t d lemqam
Teɣli tcacit yemmels weɛmam
Qrib bessif a tettẓallam
A Ṛebbi amek akka
Ers-d a ncaṛeɛ
Lounes Matoub – Yeḥzen Lwad Aεisi
Yeḥzen Lwad Aεisi (Oued Aissi en deuil)
Yeḥzen Lwad Aεisi
Mi-gebda imenɣi
Yebb°eḍ-iten lεeskeṛ deg-yiḍ
Tuddar slant irk°elli
Ṣubbent ɣer Tizi
Kul abrid a yettfeggiḍ
Aayen a yettfeggiḍ
Ur telli t-tisselbi
Neḥwağ tilelli
Uqbel a ɣ-ḥeṛṛen ɣer lhiḍ
***
Akken nella zik an-nili
Ma yella imenɣi
W’immuten a d-yennerni mmi-s
A wid iḥekmen ayenni
Ur nelli d ulli
Tamurt iban-d llsas-is
Tamaziɣt at-tennerni
Arṣeḍ ad yeffi
Kul lḥağa tesεa bab-is
***
I tmes i-gceεlen m’at-texsi
Yeqqim-d usteqsi
Uzzal igezm-it ṣṣdid
Ma d lεeskeṛ yebb°eḍ Tizi
D lbaṭel i-gebb°i
Γer Lezzayer yegzem webrid
Ayen yegzem webrid
Tendeh tmurt irk°elli
Begset ya lɣaci
Γurwat a ɣ-cudden s lqid
***
Teg°ra-d s idim ma yeɣli
Nnif a d-yali
Si zzman nesfa-d ur nerkid
Ayen ur nerkid
Ṛṛuman seg-neɣ yebbi
Wi d-yusan yebb°i
Nezga nezdeɣ di ttweḥid
Xas εeddan leqrun nugi
Neched s ujenwi
Mi ɣ-d-bb°in awal ajdid
***
S yeqjan d leslaḥ begsen
Akken ad kublen
Widak i d-yeggurreεn tidett
Acḥal deg widak ḥebsen
Ur neẓri ma ddren
S iciwi rran-aɣ tirgett
T-tirebba i ten-id-ceggεen
S leslaḥ nnsen
Wehhan-asen adrar ččet-ett
***
Di ṛebεa u εecrin yid-sen
Begsen-d bb°in-ten
Mi tzehher tmes di Tizi
Ttun sεan atmaten
Aa ten-id-yessufɣen
Myefkan lεahed irkelli
***
Beḥten-ten wwten-ten
Ulac acu ur sen-xdimen
A d-inin ayen ur nelli
Ğeṛğeṛ yefṛeḥ mi d-ffɣen
Yark° yeḥwağ-iten
Mlalen-d di Lwad Aεisi
Ma d widak yessefsaden
Assa nerna-ten
Ssqef n teεdawt yeɣli
Lounes Matoub – Sleεb-itt ay abeḥri
Sleεb-itt ay abeḥri
Nuɣ-ed abrid n tlelli
Sleεb-itt ay abeḥri
Assagi deg wassenni
***
Ay adrar ger idurar
Ay iṭij ṛğu ur ɣelli
S ccbaḥa nnwen i d-nufrar
Xas akka zgant ccḥani
Ma d lebḥer asm’aa yeqqar
Tamaziɣt assen a tt-nag°i
***
Deg urebbi-k i ɣlin leḥṛaṛ
Anumalah ccbaḥa nni
Leεnaya-k tuɣ-d leqrar
Taqbaylit at-tennerni
F ccbaḥa nnwen i nufrar
Tecfam-d i wat zikenni
***
Wissen m’a d-tban tṣebḥit
Melmi an-nemmager tafsut
Wissen m’u nzeddeɣ targit
Neɣ a d-neffeɣ si tagut
A yemma mmi ṛebbi-t
Ma yenkeṛ laṣel zlu-t
***
A tamurt ideflawen
Xas beggn-ed ṣṣifa b-b°udem-im
Ğeṛğeṛ d Luṛis yiwen
Imaziɣen d arraw-im
Rgemn-aɣ nerra-yasen
Widak yellan d iεdawen-im
Lounes Matoub – Ay adrar n At Yiraten
Imi icaḍ si fad yeqqur
Mi nezdeɣ ger isennanen
Mmi-s n tsedda meḥqur
Mi t-εezlen igerfiwen
Deg unebdu i meggren leεṛur
Di ccetwa I sserwaten
Ay adrar n At Yiraten
Si Micli εeddi akin
Akfadu ṛṛe ḥba meqqren
D lmaṛsa n lmuǧahidin
Akal wi i t-id-iḥeṛṛan
Cceḥna anwa tt-yebwin
Lebḥeṛ ma iḥudd-ed tilas
Iṭij ad yenfu dayen
I lfuci ma ifuk rṣaṣ
Am uεekkaz ger ifassen
Ẓẓay mačči d afessas
Awal s wayes i ɣ-ssumnen
Inijjel ireglen abrid
Semmḥen deq-s wid t-ifersen
Tamurt a tt-itett ṣdid
Aḍar yugad asawen
Yennulfa-d waqel eg-wejdid
Lejhel d leεqel i t-yifen
Ay ul ifuden lgirra
Ṣber ar d-yas lawan
Ma d wid i yḥekmen tura
Walan ay d-bwin wussan
Tamaziɣt teḥwaǧ lehna
Tejreḥ uqbel a ṛṛuman
Ay adrar n At Yiraten
Si Micli εeddi akin
Akfadu ṛṛe ḥba meqqren
D lmaṛsa n lmuǧahidin
Akal wi i t-id-iḥeṛṛan
Cceḥna anwa tt-yebwin
Deg izilan d ideflawen
N-leḥḥu abrid iḍul
Aka wi I t-id-iḥeṛṛan
Buren iɣeblan ɣef ul
Nebwi irden nejmeε-iten
Anda akken ittqeggil weɣyul
Lounes Matoub – Sleεbitt ay abeḥri (1981)
Volume 1
Sleεb-itt ay abeḥri (Le vent de la liberté)
Defreɣ-k s wallen-iw
An-nerreẓ wala an-neknu (Plutôt rompre que plier)
Ay adrar n At Yiraten (La montagne des Aït Irathen)
Volume 2
Yeḥzen Lwad Aεisi (Oued Aissi en deuil)
Ammus yezga izedɣiten
Lwexda iṣaren (Terrible malheur)
Berzidan (Président)