TabSnitraLounes Matoub, Lounes Matoub - Allah wakbeṛ, Lounes Matoub - Tamsalt n Sliman (1983), Paroles

Lounes Matoub – Allah wakbeṛ

Lounes Matoub – Allah wakbeṛ

Asmi d-testeqsa lehna
Nerra-tt si lḥaṛa
Nenna-yas aqlaɣ labas
Neṛwa lxiṛ d lbaṛaka
Ur ɣ-ixuṣ wara
Ad yekkes ayen nettu yibb°as
Zzint wallen ɣer lqebla
Am waken syinna
Aa d-iwwet ubeḥri n tissas
Allah wakbeṛ Allah
***
Taεṛabt d awal n Ṛebbi
Dg-es tamusni
Mačči am tigad nniḍen
Fella-s ma tebb°ḍeḍ s ifri
Xas grireb ɣli
D Muḥemmed aa k-id-iselken
Ḥader ad ak-d-yeldi yeẓri
Qqar kan Sidi
I widen i k-yezzuzunen
Allah wakbeṛ Allah
***
Ḥader a d-tak°iḍ si tnafa
Aqlik di lxelwa
Asebsi n lkif d aṛfiq-ik
Ttmuqul kan Lqebla
D Lkeεba crifa
D nitni i t-tafat-ik
Kkat aqerru-k di lqaεa
Ur ssemḥas ara
Sel kan i sidi ccix-ik
Allah wakbeṛ Allah

TabSnitraLounes Matoub, Lounes Matoub - Aɣrib, Lounes Matoub - Les deux compères (1986), Paroles

Lounes Matoub – Aɣrib

Aɣrib / Ul-iw meskin ihujer

Mačči seg wul i kem-ǧǧiɣ
Imi ur d am-n-rriɣ
Leǧwab ɣef tebrat-inem
Ḥeḍren leḥbab mi i ɣliɣ
Assen mi tt-ɣriɣ
Rḥan-iyi lehḍur-inem
Kerheɣ lektiba ad tt-waliɣ
D leqlam bḍiɣ
Aẓar izdeɣ-it ssem
***
Yeḥzen lemri ideg i muqleɣ
Asmi i kem-ctaqeɣ
Udem-iw rẓag i tmuɣli
Am uẓegḍuf i uɣaleɣ
Σerqeɣ i wid sneɣ
Qqaren-d ma d keččini
Ṣṣber ay axxam ideg i luleɣ
Am wass-a ad n-aseɣ
D lmektub ad ɣ-d-iwali
***
***********************
***
Ul-iw meskin ihujer
Icerreg lebḥer
Kul aṭṭan yezdel fell-as
Yuɣal sellaw seg uḥebber
Aṭas i yeṣṣber
Γef tin εzizen fell-as
Yecfa asmi akken i s-d-yeṭaxer
Tebɣa ad t-id-teḍfer
Teẓra lɣerba d m txidas
Mi meqqreḍ ad k-id-tdeqqer
Temẓi-k ad tt-tenker
Ad k-d-teḍleq mebla tuɣmas
***
D lɣerba i d iyi-kelxen
D temẓi-w yeccḍen
Asmi tt-id-teqsed taluft
Imal wul s anda nniḍen
Yettu i ṣaṛen
D ttin akken yeǧǧa di tmurt
Meskint fell-as i terhen
Lxiq d leḥzen
Tεemmed i temẓi-s ad tfut
Leεwam ad ttemseḍfaren
Qqnent-iyi wallen
Ttuɣ ɣurreɣ-d tameṭṭut
***
Tεemdeḍ i rregmat irkul
Tekniḍ-as i ddel
Yessefsi ssem ɣef temẓi-m
S ugudu beddleɣ laṣel
Yeffeɣ-iyi leεqel
Rehneɣ ula d amur-im
Σecra snin tisin tebṭel
Aḍar-iw yenfel
Regment-kem tezyiwin-im
Ass-a lḥif yeččur sḍel
Azekka ad d-yenɣel
Ad tbin taḍsa s udem-im
***
Yiwen wass uqbel lεica
Ad n-beddeɣ s teḍsa
Ad am-kkseɣ ineẓman
Ad n-afeɣ teεmer lǧamaε
Wa ad yeqqar i wa
Ma d flan i d-yennulfan
Mi ḥeqqen akk d nekk aya
Yak ur jaḥeɣ ara
Ad tebdu taḍsa n wuglan
Iḍelli heddren merra
Qqaren-as d cmata
Isellem ula deg yimawlan
***
Ur yessakad ḥedd taεrurt-is
Yettwali lǧar-is
Iɣil leεyub-is ṣren
Ur ilehhu d ccɣel-is
Ad yezyen yisem-is
Yettṣeggid wid i t-yifen
Tineggura ɣer yixef-is
Mi i yerreẓ yiccew-is
D ndama ad t-id-iṣaḥen
Ad yettɣeẓẓiẓ accaren-is
Mi ara ad iẓer lḥeqq-is
Wwin-as-t wid yeṭṭurcen
***

TabSnitraLounes Matoub, Lounes Matoub - Abrid ireglen, Lounes Matoub - Rwah rwah (1988), Paroles

Lounes Matoub – Abrid ireglen

Abrid ireglen (La route entravée)

Abrid i reglen as-nreẓ asalu
Deg neɣ Win iεewjen at-id-nesselhu
Tamurt iεetben as-nekkes azaglu
Amcum ɣ-icekben ass-en at-niru
***
Limmer ad-ferz’eɣ tberned tafsut
Si mebεid ad-cummeɣ rriḥa n ttbut
εemdeɣ ad ɣabeɣ ad nfuɣ si tmurt
εemdeɣ ad ẓleɣ deg rebbi n lmut
***
Ufan-aɣ abrid wigi s nig-neɣ
Nettẓeyyir lqid i yiman-neɣ
Aya lweqt ajdid iyad ɣafer-aneɣ
A nfek i wemɣid amḍiq ger-aneɣ
***
Ɣurwat wi taysen as-tinim tekfa
Times ɣi zedɣen deg ulawen ur-tensa
Widak si-qaṛṛen Tamaziɣt tefna
D wid iɣelten ayen ud-ḥarn ara

TabSnitraLounes Matoub, Lounes Matoub - A ṭṭaffareɣ deg wussan, Lounes Matoub - Kenza (1994), Paroles

Lounes Matoub – A ṭṭaffareɣ deg wussan


A ṭṭaffareɣ deg wussan (L’agneau oblatif)

Ṭṭafareγ deg ussan
Ay ass fell-i ifran
Ad yawi yid-es amur-is
***
Yesbab iyi ṭṭlam zman
Rwiγ aṛzagan
Tiẓeṭ yebεed wemḍiq-is
***
Teqqim-ed lbaḍna-w εaryan
S-kra bbin iεeddan
Teqqim-ed lbaḍna-w εaryan
S-kra bbin iεeddan
***
Ixezzeṛ di twessaft-is
Ixezzeṛ di twessaft-is
***
A yemma yemma
Anda akka teddiḍ
Teγli-yi tduli
Ifetti-n wegris fell-i
Yeγli-d fell-i y-iḍ
Ifetti-n wegris fell-i
Yenγa-yi usemmiḍ
***
Mi-y-iḥṛeṣ lehlak tura
Leslak ur yella
Asirem indem cefeṛ-is
***
Aẓet-ed ad ḥṣuγ anwa
Ur nbeddel ara
Mi akka ibeddel zman tikli-s
***
Anda yella uḥbib n lebda
Mi γilleγ yella
***
Anda yella uḥbib n lebda
Mi γilleγ yella
***
Yewwit lexyal d amwanes-is
Yewwit lexyal d amwanes-is
***
A yemma yemma
Nezfeγ ur teẓriḍ
Teγli-yi tduli
Ifetti-n wegris fell-i
Yeγli-d fell-i y-iḍ
Ifetti-n wegris fell-i
Yenγa-yi usemmiḍ
***
Mi tbeddeḍ inek akk medden
Mi kkawen ifadden
Yal wa ad isderg iman-is
***
Limer segg id yeṭṭurcen
Brarḥent wallen
Taqlaṭ ur cukkeγ ad tikris
***
Mi-d ḍḥiγ seg izamaren
D lεid id ibbḍen
***
Mi-d ḍḥiγ seg izamaren
D lεid id ibbḍen
***
Ay ineγ zman d asfel-is
Ay ineγ zman d asfel-is
***
A yemma yemma
Anda akka teddiḍ
Teγli-yi tduli
Ifetti-n wegris fell-i
Yeγli-d fell-i y-iḍ
Ifetti-n wegris fell-i
Yenγa-yi usemmiḍ

TabSnitraLounes Matoub, Lounes Matoub - A yemma yemma, Lounes Matoub - Communion avec la patrie (1993), Paroles

Lounes Matoub – A yemma yemma

A yemma yemma (La fleur saxifrage)

Deg ujeǧǧig g-gefri mi ɛecqeɣ
Ur wehhemt a medden
Mačči di lɛeqel i6nxeṣṣeɣ
D ui-iw ig ḥemqen
***
Deg ujeǧǧig g-gefri mi ɛecqeɣ
Ur wehhemt a medden
Mačči t-tisselbi ay selbɛy
D ul-iw ig ccebwelen
***
Ayemma yemma
Terẓẓa-yi tmara
Giɣ abrid i yeɛdawen
ad aṛwun taḍṣa
Giɣ abrid i yeɛdawen
Armi rwan taḍṣa
***
Ssebbweɣ lexrif iḍudan
Lebyi-w a t-kellexeɣ
Ɣileɣ am kem ulac tin yellan
Asmi i kem-xtaṛeɣ
***
Ayemma yemma
D acu-t akw waya
Ayen yakw fi ɛetbeɣ eḍḥeɣ
Ut t-ɣelliteɣ-ara
***
Ɣef medden t-dher-ed tesfut
Ǧǧuǧǧegent teɣzza
Felli iɣemɣemen tagut
Uɣen yal tama
***
Ayemma yemma
Ur frizeɣ-ara
Ẓẓher-iw yeẓheḍ tabburt
Ur d-ibrin-ara
***
Keṛheɣ rriḥa n tmeṭṭut
Ulla di tnafa
Menyif ay-gɛeddan ifut
Wamma yir ṭtmeɛ
***
Ayemma yemma
Ur iyi-ttnadi-ara
Amar ma beddleɣ tamurt
Ad beddlent tirga

TabSnitraLounes Matoub, Lounes Matoub - A yemma amek, Lounes Matoub - Communion avec la patrie (1993), Paroles

Lounes Matoub – A yemma amek

A yemma
A yemma amek i dam-teḍra
***
Srewteɣ εebban wiyaḍ
Gwriɣ-d am weblaḍ
S wallen ttawiɣ lewhi
Γef wul-iw yenneɣl ccyaḍ
Iles-iw d asemmaḍ
Ggummaɣ a d-refdeɣ timmi
Mi ẓriɣ iziker aneggaḍ
Yels a-d icifaḍ
Ḥemmleɣ w’iteddun ḥafi
***
A yemma ṣebr ur ttru
Deg umezruy a kem-naru
***
W’iεeddan neɣ wi d-yusan
D aṛumi neɣ d mmi-s n Crif
Di tayett acu i d-rnan
Siwa ttεebga uɣilif
Assa ḥedṛeɣ i yiḍan
Ɛebbweln i wedrar n nnif
***
Ur s-qqar mmi yenṭer
Ur jerreḥ deg wul inem
I igersan aqlaɣ neṣber
Wala ibbeεtiyen at lhem
Tagrawla neṛğa a tt-nẓer
Ma nemmut Ṛebbi a ɣ-yeṛḥem
***
Γef yiles-iw mi tettnadim
Iḥudd-ed weεdaw tilas
Ḥdeṛɣ-awen mi tɣellim
Ttaččaṛen yiss-wen leḥbas
Assa ḥedṛeɣ temserwim
Am waken negrent tissas
***
A yemma εzizen ur ttru
Ttaṛ-im a m-t-id-rreɣ
Di lεezza-m hdeṛ rnu
D agrawliw ttḥaṛabeɣ
D agrawliw ttnaḍaḥeɣ
***

TabSnitraLounes Matoub, Lounes Matoub - Communion avec la patrie (1993), Lounes Matoub - Tuzzma n temɣer, Paroles

Lounes Matoub – Tuzzma n temɣer

A tayri amek iga wudem-im
Acḥal aya ɣunzaɣ lemri
Smekti-yi-d kan temẓi
Iɣab-n fell-am yetri
Iɣab-n fell-am yetri
***
A neqbeɣ deg wussan-iw
Ajenwi iεelleq nnig-iw
Ciṭ ciṭ ad yettaẓ s ixef-iw
Lxiḍ i t-icudden
Lxiḍ i t-icudden la ifetti
***
Ḍewwreɣ-ten asmi tḥeyyreɣ
Iɣuraf n wallaɣ-iw
Ssefraɣ ɣef wayen akk cewḍeɣ
D wayen akk yeğğan lebɣi-w
***
A tayri mi kem-id-bedreɣ
Tettas-d rriḥa n temẓi-w
Ɣas lebɣi-w ar ɣer-s wwḍeɣ
Isem-im yura di lekfen-iw
***
Tikwal kan i kem-id-bedreɣ
Asmi akken lliɣ d agrawliw
Ttuɣ zemreɣ ad ḥemleɣ
Am nekk am tizyiwin-iw
***
Lweqt iεedda ur faqeɣ
Ur qḍiɣ deg-s ccɣel-iw
A tayri asmi kem-zegleɣ
Ay ẓriɣ weddreɣ temẓi-w
***
Lweqt iεedda ur faqeɣ
Ur qḍiɣ deg-s ccɣel-iw
A tayri asmi kem-zegleɣ
Ay ẓriɣ weddreɣ temẓi-w
***
Am timmi sbin-d udem-im
Ttxil-m bedd-d ɣef ṭṭaq
***
Jmeɣ tamuɣli n wallen-im
Acḥal-aya i d-nemsefraq
Acḥal-aya i d-nemsefraq
Ɣas tzewğeḍ s warraw-im
Ul-iw yeqqim d aleqqaq
Ul-iw yeqqim d aleqqaq
Daxel-is iweccem yisem-im
Temlkeḍ-iyi a zzin arqaq
Temlkeḍ-iyi a zzin arqaq
***
Iεedda acḥal d asseggas
Di sin ur nemẓir ara
***
Yal taswiεt nḥulfa-yas
S ugris uḥebber i nensa
Deg gris uḥebber i nensa
***
Ulawen d ayen qqaren-as
Amek akka i wayeḍ teḍra
Amek akka i wayeḍ teḍra
D lmuḥal qeḍεen layas
Ɣas zzman deg-sen yeḍsa
Ɣas zzman deg-sen yeḍsa

TabSnitraLounes Matoub, Lounes Matoub - A tamurt-iw, Lounes Matoub - Tamurt-iw (1986), Paroles

Lounes Matoub – A tamurt-iw

Lecture plein écran

A tamurt-iw (Ma patrie)

S cewwiq

Ṭṭfeɣ leğmeε d rray-iw
Tezzmeɣ iman-iw
Ma ɣezzif yiles-iw
Init-d ma s-εeḍfeɣ
***
A tamurt-iw, a dduḥ n temẓi-w
Acimi i d-luleɣ ?
***
Luleɣ-d, ḍalleɣ-d ɣer ddunit
Ziɣemma d targit
Kriɣ-tt tameddit
Ṣṣbeḥ a tt-ffɣeɣ
***
A tamurt-iw, a dduḥ n temẓi-w
Aḥbib ma t-kesbeɣ
***
Tawwurt yeffren lesrar-iw
Llin-tt yeḥbiben-iw
Kecmen-tt yeεdawen-iw
Lbaḍna-w teffeɣ
***
A tamurt-iw, a dduḥ n temẓi-w
Fell-am ma ad rewleɣ ?
***
Imi d-luleɣ d aqbayli
Isem-iw imenɣi
Xas teḥfa tdukli
A tt-id-ssmesdeɣ
***
Ay at tmurt-iw
S tidi lmux-iw
Ara ken-in-dehneɣ
***

S cna

Fkiɣ ɣer ssuq isem-iw
Γer rreḥba izzayriyen
Ad yezzenz imeṭṭawen-iw
Ma llan wid ara ten-yaɣen
***
Ğeεleɣ a d-qḍuɣ lebɣi-w
Ziɣen teqleb tewriqt-iw
Anda akken ufiɣ leḥbab-iw
I d-ttnejmaεen yeεdawen
***
Nestufa-d akk i tɣersi
Ammus ɣef leεḍam yettban
Ntett ayen ur d aɣ-nehwi
Neqqar wa d aẓidan
***
Tidet ttecceḍ deg yimi
Degmi akka nuder d tirni
Sebεa qama di lxali
Lberr yexreb, ur iban
***
Nettḥir ad nleqqem lekdeb
I wakken ad nɣellet lɣella-s
Nemḥezwar s asegrireb
Nettemḥezwar ɣer txidas
***
Mi d-iban wemdan d ddheb
Fell-as a d-nger leεğeb
Di tidet a t-neskideb
Alamma nhudd-as tissas
***
Anda-t weqbayli iseḥḥan
D tisegnit daxel n walim
Ur iban wemdan yeɣran
Ur iban win yellan d abhim
***
Asmi d-neffeɣ s iberdan
Ziɣ akken a d-nawi imekwan
I Sidi akk d Si Flan
Ass-a kul wa anda yeqqim
***
Nnan win yeččan, yečča
Win yegran tarbut tekkes
Uɣalen akk d iqerra
Widen i wumi ɣezzif yiles
***
Annar i sen-d-nḍerra
Nnif deg-s i yexnunes
***
Cfiɣ usan-d s teḍsa
Ad dduɣ di lğerra-nsen
Nnan ilaq-aɣ tura
Tamurt a s-nbeddel udem
***
Yuɣal mi akken ur qbileɣ ara
Ggullen ar d iyi-ssimsen
Ass-a wa yeqqar i wa
Aqcic-nni d imciṭṭen
***
Sswen aẓar n tecmat
Yuɣ amḍiq di ddunit-iw
Ur d iyi-d-teqqim tegmat
Ṭṭlam idel tafat-iw
***
Lfinga undin-tt, qurεen-tt
Alamma tezla lferḥ-iw
***
Ḍḥiɣ-d d aqell ger tizzya-w
Anda ddiɣ a yi-yessweεden
I leḥbab qqleɣ d aεdaw
Qlil win ɣaḍeɣ seg-sen
***
Win i d-yuẓan ɣer lğerra-w
Ad as-nnḍen am wegraw
Lmux-is ad s-t-ssirden
***
Cfiɣ ttejra yeknan
Σebban ddel wafriwen-is
Teṣber i tmes d iḥerqan
Teṣber i cctawi d wegris
***
Leḥbab ur iyi-gan ccan
Rniɣ deεwessu imawlan
Tewwi-yi ddaw iferrawen-is
***
Cfiɣ aḍu lemḥibba
Ul-iw assen mi t-yedhen
Ggulleɣ ur ḥniteɣ ara
Wwiɣ-as-d win i t-yessferḥen
***
Di taddart ur bɣin ara
Nnan-as irkell winna
Ilaq win a t-yessferɣen
***
Xas akken wwḍeɣ lebɣi-w
Temɣi tteɣziza qerrḥen
Xas akka aql-i s wexxam-iw
Mazal-iten deg-i a kkaten
***
Tɣedreḍ-iyi a tamurt-iw
Ur teğğiḍ ara ixṣimen-iw
A sen-ẓmeɣ lebṣel s allen
***
Tɣedreḍ-iyi a tamurt-iw
Teğğiḍ mmaren idammen-iw
Xnunsen di lqaεεa-inem
***
Ah annaɣ a tamurt-iw
Teswiḍ tidi leεḍam-iw
Terriḍ ɣer lḥebs asirem
***
Ad ruḥeɣ ad beddleɣ isem-iw
Ssamsen-as wat taddart-iw
Nnif-iw yettwaqeccem
***
Skud akka ur yefcil wul-iw
Ad nnejliɣ a tamurt-iw
Ad rewleɣ si lbaṭel-inem
***
Ur d iyi-d-yeqqim weḥbib
D acu iyi-d-yegran d nnṣib
Siwa lemḥibba leḥlal
***
Yid-s ad awiɣ abrid
Ur d aɣ-d-iḥebbes usemmiḍ
Iṭij ur d aɣ-yessefcal
***
Ad nqelleb ɣef lweqt ajdid
Balak di tmura lebεid
Ara naf ddwa n temsal
***
Ammar a d-ṣfun wussan
A ɣ-d-iṣaḥ umur di zzman
Wamma ass-a aql-aɣ di lmuḥal
***
Ad nɣellet tidi-nneɣ yerɣan
Am nekkni am imeɣban
Nettrağu itri-nneɣ a d-ilal
***
Akken wid i ɣ-yessweεden
A sen-yezzi s weεrur lawan
Ad asen-yessexreb lecɣal
***
D iẓekwan imawlan-iw
Ara d-ğğeɣ d aẓar-iw
Ur yelli wayen nniḍen
***
Imi yi-yenker wakal-iw
Ad ruḥen ad beddleɣ laṣel-iw
A d-yaki sseεd-iw yeṭṭṣen
***
A d-lhiɣ deg wexxam-iw
Ad sseɣreɣ arraw-iw
D luɣa n medden ara ḥefḍen
***
Dayen tefsed tmurt-iw
Fkan afus watmaten-iw
Zzenzen-tt i yeεdawen
***
Γef wakken i ɣ-d-qqaren
Di ccfaya-nsen yemɣaren
Leεmer i ɣ-yeffiɣ wammus
***
Larebεa n At Yiraten
Irumyen mi tt-id-kecmen
D nekkni i yefkan afus
Mazal timsal-nniḍen
Γezzifit am yemraren
Ayen i d-ḥkiɣ drus
***
I yi-tt-igan d idammen-iw
Mačči d kemm a tamurt-iw
Ur lliɣ d aεdaw-inem
***
I yi-ixedεen d atmaten-iw
Asmi akken i sen-ldiɣ ul-iw
Uɣaleɣ la ttnaɣeɣ yid-m
***
Ssmaḥ, ssmaḥ a tamurt-iw
Xas ad tebεed tenṭelt-iw
Err-itt-id s irebbi-inem
***

TabSnitraL, Lounes Matoub, Lounes Matoub - Kenza (1994), Lounes Matoub - Tatut, M, Tabs

Lounes Matoub – Tatut

Lecture plein écran

Paroles :

A ttnadiɣ tatut
Ahaqqel alamma d lmut
A medden ad tt-afeɣ
Rẓag deg yimi lqut
Xas iṭij yefreḍ tagut
Ggummaɣ ad ferẓeɣ
Kkert ad temmagrem tafsut
Ay arrac ur d-iyi-ttṛaǧut
Yif-it ur tedduɣ
********************************************
Refrain:
Ǧǧet-iyi ad nfuɣ, Amar ad ttuɣ (*2)
Tkubel-iyi tayri iɛeddan, Ggummaɣ ad bruɣ
Texlef-iyi-d uguren aṭṭan, Ger-asen a ttɛummuɣ
*********************************************
Ẓeddmeɣ ur ẓriɣ
Armi i ifat i d-ttakiɣ
Akka i tṛuḥ temẓi
Yecweḍ wul zziɣ
G tizzya-w mi ara ttwaliɣ
Rekkmen idammen-iw
Ftint arkel ur tent-cbiɣ
Ɣer ẓelmeḍ mi akken i tt-rriɣ
I ẓriɣ a ten-ruɣ
***********************************************
Refrain
***********************************************
Nnuɣeɣ d wuḍan
Zgiɣ la ḥettbeɣ itran
Aṛfiq-iw d aɛwaz
Xas ttseqqi-d kan
D ccṛab neɣ d ayen yellan
Allaɣ yettwakraz
Cnu-d ay aḥbib f zzman
Smekti-d tinna i yi-iǧǧan
Tunfeḍ-iyi ad ruɣ
***********************************************
Ǧǧet-iyi ad nfuɣ, Amar ad ttuɣ (*2)
Tkubel-iyi tayri iɛeddan, Ggummaɣ ad bruɣ
Texlef-iyi-d uguren aṭṭan, Ger-asen a ttɛummuɣ
***********************************************
Ay ya leɛtab-iw
Tewwet rrba daxel n tgemmi-w
Yenqdwa kullci
Rrebg i nnif-w
Anwa i t-yefsin d lɣerḍ-iw
Ma d tuzzma iwumi?
S lkif i ttṣebbireɣ ixf-iw
Ibeṭṭu-yi d yiman-iw
Ttagadeɣ ad cfuɣ
***********************************************
Refrain
*******

TabSnitraL, Lounes Matoub, Lounes Matoub - Tiɣri g-gemma (1996), Lounes Matoub - Tiɣri n tağğalt, M, Tabs

Lounes Matoub – Tiɣri n tağğalt

Lecture plein écran

paroles et accords :

A yettseggix wul-iw
A ijeffel ɣef win i t-yeğğan
D wagi i d ẓẓher-iw
Ad ğğleɣ ur d-yebbwiḍ lawan
A gma ur k-ttayseɣ
Xas zewğeɣ
A k-id-ttaddren wuḍan
Muḥal a t-ḥemmleɣ
Akken i k-ḥemmleɣ
Di sin i ɣ-cerḍen wussan
***
Uden-ik muḥal a gma ad yesfeḍ
Xas zzman agi ad i-yeṛkeḍ
Ḥṣu ur d ttaddreɣ wayeḍ
Siwa s tmara
Xas ger wallen-iw assa tɣabeḍ
Deg wul-iw mazal-ik teddreḍ
Ayen yakw i diyi-d-txulfeḍ
Ur s-zmireɣ ara
Yiss-ek i zehhuɣ
Assa ttruɣ
Allen-iw ur nneḥtament ara
Akka ara ttṛağuɣ
Melmi ara n-rnuɣ
An-nemyekkes lweḥc uẓekka
***
Ṭṭṣen waman d yesɣaren
Ggummant ad medlent wallen
Yir ussan i yi-d-yemmalen
Ur sen-zmireɣ ara
Tasa-w tebḍa akw d icriḥen
A neffqent seg-s lemḥayen
Ulac tin i tt-izelgen
A tneggi tekfa
At-tεeddint leεyub
Ul-iw yeffud
Ṣṣber fell-i ur d-isteqsa
A Ṛebbi lmeεbud
Rnu-d ṛṛεud
D wayen akw yeɣlebn aya

TabSnitraL, Lounes Matoub, Lounes Matoub - Kenza (1994), Lounes Matoub - Mmi mezran, M, Tabs

Lounes Matoub – Mmi mezran

Lecture plein écran


Ah am imezran
Ah am imezran
Ur ggan ɣaben-aɣ itran
Ur ggan ɣaben-aɣ itran

Ah am imezran
Ah am imezran
Ur ggan ɣaben-aɣ itran
Ur ggan ɣaben-aɣ itran
Ah am imezran

Ma mazal abruy n sswab
Qbel ad yebbuṛket leɛtab
Ad nerret azal i tmusni
Ma tqeddered azekka nɣab
Tallit fell-aɣ tenneqlab
Aẓar n ccetla ad yefti
D lesnin yecḍaɣ leḥsab
S yir awal nettmğawab
I tegmat ad nesɣimi
Ass-a m-id yeɣli rrebrab
D lawan ad nemjarab
Ad neɛqlet wid da ɣ-yecqan

Ah am imezran

Innit-d amek ara nkemmel
Abrid imi nedderɣel
A wid iferẓen timsal
Iyaw kan att nfeṣṣel
S tmusni att nbeddel
Ad nrebbi afud i lɛeqqal
Ma neğğa-tt akka terkel
Ad-s-nenḥedder ad ten-nenṭel
S ddɣel ad ɣ-d-yerjem wakal
Ma neddukel s leqbayel
Ad yefsus fell-aneɣ cɣel
Azekka aɣ-d-ḍṣen wussan

Ah am imezran

Si leqdim n zzman akka
Taluft ur d-nesteqsa
D abrid urɛad i tufi
Xas mazal ad nemsawa
Ad nfers abrid i uzekka
I tarwa ma ad tennerni
Taɛrabt ur tsɛi lfayda
Ɣer lisser ur tenğir targa
Ur tesnernay di tmusni
Ansa iɣ-d-fɣent lwafaɛ
Yesnusuyen itran ass-a
Si lakul n lzzayer iḥfan

Ah am imezran
Ah am imezran
Ur ggan ɣaben-aɣ itran
Ur ggan ɣaben-aɣ itran

Ah am imezran
Ah am imezran
Ur ggan ɣaben-aɣ itran
Ur ggan ɣaben-aɣ itran