lekdeb teṭfeḍ di ṣrima-s
nnan-ak anef-as
ma teddiḍ yid-s a ttamseḍ
ul-iw bezzaf ɛebbaɣ-as
ttaɛebga tmal-as
cfuk-id a gma tɣelṭeḍ
Ah…
tbeddleḍ ddheb s nḥas
dayen qeḍɛeɣ layas
zriɣ ur d-ttiḥnineḍ
***
Tadukli i nebna
Cukkeɣ tecfiḍ-as
Rriɣ-n laɛnaya
T-huddeḍ-as lsas
Xtareɣ-k d gma
Lhemm-iw teḍṣiḍ fell-as
Ad k-ttuɣ terra tmara
i iɛeddan dayen iɛedda
Ayen i d-yussan mreḥba-s
ini-d ma tecfiḍ
assen deg yideflawen
ini-d (an)wi i tufiḍ
di temda i iɣemqen
ur ḍelmeɣ tezriḍ
ass-a tesɛiḍ iḥbiben
ass mi ara tendemeḍ ad akiḍ
tadukli ad tt-immektiḍ
ddaw n wakal zedɣaɣ dayen
Mačči akka i nwiɣ
Ad d-ffeɣ targit
T-deggreḍ-iyi ɣliɣ
Anda ulac talwit
D azrem i d-uffiɣ
Deg uxxam mi zziɣ tameddit
Ɛamdaɣ yeqqes-iyi ad twaliɣ
Ddunit yid-s friɣ
Uma ssriɣ i lferḥ ucmit
ɣur-k ad tɣileḍ
yerna-yi usawen
mi i teǧǧiḍ helkeɣ
di tmura i beɛden
lmut ad tqableɣ
mačči seg wid yugaden
d lmektub akka a ttneɣeɣ
xas d aɣrib ara neṭleɣ
am ufrux deg yideflawen
Ur ttgalla ur ḥennet
G wayen deg ur tettḥeqqeḍ ara
Ur ttamen ṣṣaba ar tterwet
Imiren adder-ed lɣella
Ahbuh!
Keč tetturebbaḍ i ccwal
Tbeddleḍ laṣel-ik s tejɛal
Amek I tt-tenwiḍ tagara
Am win yectaqen aserwal
Yal amḍiq yefsi axellal
Ad ḥṣun madden a ta yesɛa
i d iyi-cqan
Ur teggareḍ di lḥemṣa
I diyi-ɣaḍen d BuƐednan
D yergazen at lbaḍna
Acu i txuṣṣeḍ ay aɛeyan
Ma t-tixutam i k-d-ihwan
idammen-is I tt-inɣan
Neɣ ammi ar d timucuha
Terwi tebberwi
Yegguma a d-iḍheṛ yexf-is
Terwi tebberwi
Ur teɛqil faḍma argaz-is
Aḥlil
Tidett yyaw a tt-nemyeḥkut
A s-nefk ttriḥ I lekteb
Ayen akk a yezzelzen tamurt
Yessen-it kan t-n-jaṛṛeb
Wiyaḍ nniḍen
Ɣran neɣ sebken
Cban zzeyar yuḍnen
Mi ten-id-yezzuzen ṭṭaleb
Ayen d-ilulen seg ukabar nnsen
Xas d agejdur a t-leqmen
W iṭṛaman a ten-iqerreb
Tidett a ttan di tmurt-iw
Zzur fellas yeckunṭeḍ
Ula d ayen ẓrant wallen-iw
Qqaren a teshetrifeḍ
Snefsit leɛqel
Kkset-as cckel
Di ddiq tagmatt tennukbel
D asfel d lɛib a tt-nenneḍ
Muqlet mebɛid ttxil-wat
Wigi la ineqqen banen
I leḥkem ẓẓayit tuyat
Ur sɛin f wayeg aa ḥiren
Faqen s uzekka
Ur ten-iḍemmen ara
Tetɣebbel tzehher tnefsa
xelqentt id deg-s ɛewqen
Eh oui
Assa deg-sen nettwali
Di leḥkem d nutni
I tmegḥelt bedlen tayett
S wallaɣen thuba tmusni
I deg ẓẓan iswi
Tamurt alamma quccen-tt
Zhir di tikli
Ɣer-sen ur yelli
Ccut kecmen leḥkem f tefdent
Zemren I uṛaǧi
Mi srekden imɣi
Ad aɣ-d-inin qablet-ett
Imeslayen nni
B-bemdakkel Lhacimi
D Dda-Lḥusin neɣ Saɛdi
Yettakken abeḥri I turett
A te-ṛbun maḍi
Fellag neɣ nekkini
D ugeswaḥ n Dilem Aɛli
Lkaṛṭa n tudert sɣersen-tt
Ayen yerǧan Xalida nni
I sen-isxerben taguni
Ay ay ay ulayɣer tmeyzem ma ṭṭfen-tt
************************************
Am wi yettseqqin I wasif
Yiwet ur tt-iṭṭif
Yesnezh-ed dg-es leɛṛac
Uqbel at-tgerm asurif
At-tezzwerm nnif
M’ulac tamaziɣt ulac ulac ulac
Teɣli teslent deg Illulen
Thubb Iɣallen
Tḥuza yiwen di Mlikec
Mačči d yiwet I d-ilulen
Ara d-ilalen
Tin d-ilulena d-teṭṭuṛṛec
Ay ahṛuḥu ay d-ittṣaren
Ula d atmaten
Ansi nekka d asawen
Iḍarren xnubṛen
Zztur deg-neɣ yetḥennec
Nḥemmel dderz nettɛeggiḍ
Netnakow am ceṭṭiḍ
Ntettutu ansi I d-nɛedda
Iɛerq cced uyeddid
Nettnadi f ssmid
Anda akken i-gzad ukerfa
Tameslayt i ɣ-d-inǧeṛn abrid
Ḍlan-as ssḍid
Ula d bab-is yestehza
Cceɣl ur yelli d ajdid
Neggul ur nerkid
Seg-neɣ i d-tjebbu tyita
Aẓeṭṭa n tegmatt yebṭel
Lemmer yezwar laɛqel
Tili assa yefra cceɣl-is
************************************
Ẓriɣ ay aḥbib tuyseḍ
Xas tesmuzegteḍ
Lmendad ur t-tgiḍ ara
Taɣzut akken tennumeḍ
S tidi tmeggleḍ
Tṣaḥ-ed I yat ttnefxa
Tenfiḍ si tmurt themleḍ
Tenwiḍ at-tḍilleḍ
wegud n lemtahna
Ay anda tebɣuḍ tawḍeḍ
Ur teṭṭelliqeḍ
I wayen akk k-yezzan tasa
Seg wul zeddigen I tḥemmleḍ
tfou tqedḥeḍ
Tettcebbiḥ-ak tanafa
Seg wul zeddigen I tḥemmleḍ
Fella-s I tjehqeḍ
M aa k-ttwaxeblent tirga
Ah a la isekker
T-taɛzizt-is i d-ifekkeṛ
G wul-ik izad usemmiḍ
Deg ugur tuẓiḍ
Cekklen-k leqyud n ccfaya
Yezzem-ik wul ɣef tin teǧǧiḍ
Lemmer di tt-tugiḍ
A s-nini d yir leḥmala
Imi keč daxel tezziḍ
Isem-is mi s-tesliḍ
At-tnefleḍ ɣer ttberna
Deg wussan tettektiliḍ
G seggasen tettsenniḍ
Am waken iɛeǧb-ak waya
Ah a la isekker
T-taɛzizt-is I d-ifekkeṛ
Ẓriɣ acu I k-iḥerṣen
D wacu I k-yesbeɛden
Ẓer kan I txeddem lmerta
T-tamurt nneɣ i-gexnunsen
Tfal seg dammen
Wa yemmut wayeḍ innejla
Ma d nekkni s wid d-iqqimen
A ɣ-ddeqqimen
An-nettsennid f tmara
Mi ɣ-ḥwaǧen a ɣ-d-ssiwlen
Mi fuken a ɣ-ḍelqen
Tturaren yiss-neɣ lebda
Ah a la isekker
T-taɛzizt-is i d-ifekker.
D ungifibubben tabburt
Akken i wen-teḍra
Ma tɣilem ad ḍelqen I tsarutt
Tesɛam nniyya
W iɛerḍen tacriḥt n tsekkurt
Ur iqenneɛ ara
Ddwa-s a-ncerreg tamurt
An-nebrez tura
Amar assen ay atma
At-naqel Lezzayer
Seg uɣurru seg uɣurru seg uɣurru
Mačči d yiwen i d-iẓedmen
Isenta tuccar
Ay amcum deg-neɣ yeffɣen
Yeǧǧa-d tisigar
Di Lezzayer tagmatt tuḍen
Tenṭer ur ur tettnekkar
Ssus iṛebba acciwen
Ad yesni idurar
Iɛeṭṭel a d-ijbu liser
Ara tt-ifersen
Seg uɣurru seg uɣurru seg uɣurru
Xas yeqqed-aɣ laẓ d facal
F ṣṣber ur nettsennid
Skud mazal tarwa n laḥlal
Ur s-nkennu I lqid
Akken yebɣa izzelz uzaylal
Ur nxellef abrid
I g-gemmaren a tiḥemmal
Ur neffiɣ f lǧid
S laṣel d ṣṣfa lɛeqqal
Ss an-nezwi Lezzayer
Seg uɣurru seg uɣurru seg uɣurru
Musique Chaabi Kabyle
Intro Instrumentale
Solo guitare et grille d’accords
Mode : Sihli (Mineur Harmonique) En Ré
Rythme : 4/4
Tempo : 92 Bpm
Niveau : Intermédiaire
Taεekkemt n tegrawla (Epreuves de révolution)
Lemmer di yetteε lxaṭer
Ddiq deg wul m’ad-yili
A nettweḥḥid netḥeyyeṛ
Imɣi n ṣṣwab a ifetti
Agwni n liser mi ɣ-d-iḍheṛ
Nettḥiri a t-nerr d asuki
Negguma a nwexxeṛ i lewhi
B-bwidak i ɣ-yesmunedlen
Ula t-tamaziɣt nni
I nenwa ara ɣ-yesduklen
Bḍan-tt arkw d leqsabi
lqerra mačči yiwen
***
Mi nɣil neffɣ-ed ɣer luḍa
Ad aɣ-d-immager usawen
Leqbayel si zzman akka
Di tegmatt i deg i tt-uɣen
Acḥal n yergazen at ṣṣfa
Nesɣim-asen-d nekkes-iten
Amek ara ɣ-yebru facal
Amek ara nqabel azekka
Ma nekna i uhubbu n temsal
Aεdaw ur ɣ-izeggel ara
Akken a d-nerret i ccetla azal
A-nḥelles a-nbeddel ssira
***
Mi ɣ-tekkes tuqqsa usemmiḍ
Tayeḍ a tt-id-nesnulfu
Yeggumma a ɣ-yeffeɣ yiṣṣiḍ
Nefhem izedɣ-aɣ waḍu
Deg yeẓri n leğnas nettɣiḍ
Qqaren-as amek ara tefru
Neẓra assen m’ara tefru
A tt-ɣellten wid tt-iceεlen
Ma d wid yebbwin ddeεwessu
Lfeṛḥ-is ur s-ḥeddṛen
A d-tegwri tağğalt tettru
At-tezzağğaw deg meṭṭawen
***
D tteɣzizat i ɣ-yenɣan
Nettṛebbi afud i tismin
Gar-aneɣ argaz mi d-iban
A d-nexleq deg-s amqennin
D winna i kwen-iğğan εeryan
Kul yiwen akken la iheddar
Stufan-d i ccer
Imdanen yegga yiseɣ
A s-qqaren yettwaqher
Ssuzlen-iyi le3mer
Ma d nekk di rebbi I ttfeɣ
Adrar n ǧeṛǧeṛ ad yi-ḥqer
ma ttuɣ assen gi xnunseɣ
Adrar n ǧeṛǧeṛ ad yi-ḥqer
ma ttuɣ assen gi twawteɣ
***
A taḥeccaṭ n ubrid
Ɛawen-iyi deg imeṭṭi
Lechur lehlak yettzid
Teṭṭef-iyi tegdi
Tasa-w a-tt-igezzem ṣdid
Lxateṛ ur yerkid
S adrar i twehha tmuɣli
Ma yexleq-d ujdid
Nunef i uɛdaw yetseggid
Wid yugin lqid
Ma nessusem ad aɣ-mḥun
Ḥzen a mlaɛyun
***
Ssu-as, sbuḥru-as
I mlaɛyun
Tɛebba anezgum aṭas
Siwa win tt-isrun
***
Wissen anida tewwed teɣri
Seg uleddu i necciɣ
Siwa win illan d aqbayli
Ad yi-d-yini sliɣ
Yettwakkes sser dayenni
Yiwen ur d-indegwi
Ad as-yini ɣef tsar ma ɣliɣ
D argaz anifi
A yat yiɣil n at ɛissi
Ma ad-tḥarbem fell-i
Weḥceɣ ayen id-irrennun
Ḥzen a mlaɛyun
***
Ssu-as, sbuḥru-as
I mlaɛyun
Tɛebba anezgum aṭas
Siwa win tt-isrun
***
Ay amsebrid s at yanni
Ḥebes ad-k-steqsiɣ
Ɣef uǧadarmi akken n Micli
I yi-gezmen ɣliɣ
S ukecrured ɣer tikli
Ad yebnu fell-i
Tuntect-is ar d-as-tt awiɣ
Xas akken ad-tt-yagi
Yedder weɛrab aḥraymi
Di ǧeṛǧeṛ yerza-yi
Ur d-kkiren ara ad-tezlun
Ḥzen a mlaɛyun
***
Ssu-as, sbuḥru-as
I mlaɛyun
Tɛebba anezgum aṭas
Siwa win tt-isrun
***
Tetteɣiḍ tejra n lim
M isɛawden ttelqim
Teḥced tuɣal d isɣaren
***
Semmeḥ-t-iyi a leḥbab-iw
Xas felli at-hubbun laryaḥ
Taɛreq cehada i yilles-iw
Ad-inniɣ yenjered arwaḥ
Teǧǧayi teqbaylit-iw
Ma d nek itt-yeǧan la smaḥ
***
Gareɣ-aken tiɣri a zher-iw
Ttexilek m’ad tareḍ awal
Atah yemxudnaq yexef-iw
Tameddit ad tett lḥal
Ugadeɣ azekka, ugadeɣ aẓekka
Ugadeɣ ayen ur d-n-ttuɣal
Ur s uffiɣ ddwa i fad n ttemara
Ar ɣures ig senned lmuḥal
***
Ay, ayen ad yefk igenni
Ad as yizmir wakal-iw
Ssber-iw as rebbi-ɣ imɣi
Xas zriɣ yenza yixef-iw
Anefet-iyi kan, d nek ig ḥulfan
I teyita id yerzan s yirri-w
Ma d leǧruḥ ḥellan, lɛib id segwran
A yesseqecar di nnif-iw
***
Tarwiḥt atta di cedda-s
Ssaɛd yugi ad inaqel
Ṭṭeqetent-ed tkarkas
Afus aten-teyefsin yefcel
Ttemektay-ed kan, ayen akken i yiǧan
Ttakeɣ afud i laɛqel
Tiẓeṭ bwussa, ɣer imdanen kan
Itt-ẓarey ma d nek fiḥel
***
Semmeḥ-t-iyi a leḥbab-iw
Xas felli at-hubbun laryaḥ
Taɛreq cehada i yilles-iw
Ad-inniɣ yenjered arwaḥ
Teǧǧayi teqbaylit-iw
Ma d nek itt-yeǧan la smaḥ
Sleεb-itt ay abeḥri
Nuɣ-ed abrid n tlelli
Sleεb-itt ay abeḥri
Assagi deg wassenni
***
Ay adrar ger idurar
Ay iṭij ṛğu ur ɣelli
S ccbaḥa nnwen i d-nufrar
Xas akka zgant ccḥani
Ma d lebḥer asm’aa yeqqar
Tamaziɣt assen a tt-nag°i
***
Deg urebbi-k i ɣlin leḥṛaṛ
Anumalah ccbaḥa nni
Leεnaya-k tuɣ-d leqrar
Taqbaylit at-tennerni
F ccbaḥa nnwen i nufrar
Tecfam-d i wat zikenni
***
Wissen m’a d-tban tṣebḥit
Melmi an-nemmager tafsut
Wissen m’u nzeddeɣ targit
Neɣ a d-neffeɣ si tagut
A yemma mmi ṛebbi-t
Ma yenkeṛ laṣel zlu-t
***
A tamurt ideflawen
Xas beggn-ed ṣṣifa b-b°udem-im
Ğeṛğeṛ d Luṛis yiwen
Imaziɣen d arraw-im
Rgemn-aɣ nerra-yasen
Widak yellan d iεdawen-im
Taqbaylit nugi att-nissin
Nettnadi ayen umi ur nezmer
Nettsewwiq deg wayen ur nemεin
Deg uɣilif nerǧa liser
Acu i d-iṣaḥen i tudrin
Limer nettxemmim
Mazal ger-aneɣ amdegger
D atmaten-nneɣ i-ɣ-d-yettawin
Icwura n tergin
Akk d taεrabt ɣer Lzzayer
Ru ay ul
***
Lbaṭel ass-mi i ɣ-d-inuda
Ynna anwa ad yerẓen awal-iw
Amdan mi ad s-tiniḍ yya
Ad k-yini urzen ifassen-iw
Am wakken i s-yenna Ğeḥḥa
Mi d-tewweḍ zznezla
Uggadeɣ ɣef taddart-iw
S axxam-is mi d-testeqsa
Acu i sen-yenna
Ad ḥarbeɣ ɣef uqerruy-iw
Ru ay ul
***
Ixleḍ lḥebb d ukerfa
I umi ad ḥkuɣ i umi ad iniɣ
S ulac teṭṭuqeṭ tazzla
Yeɣli-d lekdeb ttwaliɣ
Inet-aɣ anwa a-namen tura
Ula d Ben Bella
Ad s-yeqqar nekk d amaziɣ
Adrar n Ğerğer yecfa
Ɣef wasmi i ɣ-yenna
Isem n weqbayli ur t-ǧǧiɣ
Ru ay ul
***
Asmi d-luleɣ d ass amcum
Deg ufus i d-kemseɣ lehmum
Akken ur diyi-ttixiṛen ara
Lukan ul-iw d ageṭṭum
A t-greɣ daxel n lkanun
Akken ur s-ttḥessiseɣ ara
Imi s ṣṣura-w i-gɣumm
Labud a s-d-jabeɣ nnum
Imi ur di-yessgan ara
Tkellxem-iyi di temẓi-w
Xellṣeɣ-awen ayen ur d-uɣeɣ
Tekksem-iyi imawlan-iw
Temḥam ayen ak° ssarmeɣ
Lmeḥna tnejṛ iɣes-iw
Uqbel a d-ters lmut-iw
Ayen yak° yejmeε wul-iw
S yiles-iw a t-in-ḍummeɣ
Lemmer zmireɣ a d-snesreɣ
Di lεid a n-beddeɣ ɣur-wen
A n-aseɣ a k°en-ɣafṛeɣ
Ay imawlan εzizen
Di tafat mara n-beddeɣ
Xas temcakktem ur wehhmeɣ
Mačči d udem i sii ṛuḥeɣ
Aa d-mlilent wallen nnwen
Seg wakken ur di-d-yetteεqal
Mm-i ad yerwel fell-i
Tameṭṭut-iw n leḥlal
Wissen kan ma d-temmekti
Ad asen-sxerbeɣ lecɣal
Ad asen-yeεreq wawal
Taggara maa nemyeεqal
Taddart a d-teεjel ɣur-i
Ayagi yak° d asirem
Targit-iw u tḍul ara
Ibeddel-iyi zzman isem
Yefka-yi lḥerz n tlufa
Tabburt n lḥebs fell-i tezzem
Fell-as tawriqt-iw tweccem
Tura testenyaḍ ṣeggem
Ṭṭul n leεmeṛ i temmeṛka
Monsieur le Président,
C’est avec un coeur lourd que je m’adresse à vous. Ces quelques phrases d’un condamné étancheront peut-être la soif de certains individus opprimés. Je m’adresse à vous avec une langue empruntée, pour vous dire, simplement et clairement, que l’Etat n’a jamais été la patrie. D’après Bakounine, c’est l’abstraction métaphysique, mystique, juridique, politique de la patrie. Les masses populaires de tous les pays, aiment profondément leur patrie, mais c’est un amour réel, naturel, pas une idée: un fait. Et c’est pour cela que je me sens franchement le patriote de toutes les patries opprimées.
Ay aḥbib n tegrawla
Xas terka lğetta
I lebda a d-beddern isem-ik
Xas henni ur nfeccel ara
Ayen ibɣun yeḍra
D nekni i d imawlan-ik
Yeṛğa-yaɣ yakw uẓekka
Assa neɣ azekka
A n-nernu s idisan-ik
Tamara ur tt-nettağğ’ara
Ad aɣ-teεfes tirrugza
Tefka-yaɣ-d lεahed lmut-ik
Tettnaɣeḍ ɣef izerfan
Ay ṛekḍen yiḍan
Ḥemmlen akw medden i ṣṣut-ik
Sliɣ-asen mi s-nnan
Widenni i ɣ-yecqan
Tikelt-a ur das-yeslik
Xas ṭṭeṣ iḍes n ṣṣebyan
An-neεwez i yetran
A d-nettmektay tudert-ik
Ma t-tikli ss iteddu zzman
Ur daɣ-tt-ittbeddil wemdan
Thedden mdel ccefṛ-ik
Deffir-ek d izli i n-yernan
Myeɣleb iẓekwan
Wala ixxamen di tudrin
Lecyax yettṛebbin lexwan
Ṛwan iseflan
A sen-ttqezziben a tt-rkin
Sseɣlin-d rrehba g zenqan
Ur zgilen amkan
Zellun s yisem n ddin
Ẓẓur d lfuci imeεfan
Γeṭṭlen yis-s widak yeɣran
Tezdeg m’ara tt-id-awin
Weltma-k sliɣ-as tuɣwas
Tẓemḍ-itt yemma-s
Mebεid serrḥent teɣratin
Leεlam icudden layas
A gma ur yetteɣras
Nεemmed i tuğğla n tlawin
At rrebrab d at tkerkas
Yetthuddun tissas
Mğamalen ad a tt-rwin
Abhim nni εerqent-as
Yeggumma ad yerẓ ṣṣrima-s
A sen-iqqar hennant tudrin
Icebbel lbeḥṛ-iw iluɣ
Yal ass a ttṛağuɣ
Nnuba-w a d-teḥlelli
Leεyub deg-sen ttεumuɣ
Ay ggummaɣ a ten-mḥuɣ
Ay ugiɣ-ten bɣan-iyi
Siwa ṛebbi i wum’ ara ḥkuɣ
Ay ammer ad ḥluɣ
Ad rreɣ i weεdaw tisfi
***
Ayen yak tezzayzageḍ
Yettaweḍ-iyi-d lefwaṛ-is
Qqaren-iyi-d tendemmeḍ
Qqarent tettezzem iman-is
Deg wegris mi di-tḍelqeḍ
Ah a lmeḥna
Deg wegris mi di-tḍelqeḍ
Mi m-nnan yebbeḍ lḥed-is
Widenni mu tesmeḥseḍ
D nitni aa m-d-ijaben ixf-is
***
Tuɣeḍ abrid ur d-tuɣaleḍ
Lgêrḥ-iw yessebb d aqdim
Ad-yas wass deg aa termimzeḍ
Ad am-d-tessiwel tmurt-im
Taddart amek aa tt-tqableḍ
Ah a lmeḥna
Taddart amek aa tt-tqableḍ
Amek ara tnaqleḍ timmi-m
Nek cukkeɣ ur di-d-tettafeḍ
Akken am-sefḍeɣ lexdayem-im
***
Sḥesbeɣ qasseɣ ktaleɣ
Imal lmizan ɣur-em
Fkiɣ lεahed mi kem-uɣeɣ
Siwa ma tekka-d sg-em
Ula d kem akken i ɣileɣ
Ah a lmeḥna
Ula d kem akken i ɣileɣ
An-nemyeksab akken ilzem
Ɣef wecṛuf mi nneqlabeɣ
Yeddegdeg yid-i usirem
***
Win aa kem-yaɣen azekka
D udem-iw aa m-d-ittbanen dg-es
Mi d-tedduqqseḍ si tnafa
Ad-tafeḍ lxiq d amwanes
Steqsi win mu teḍra
Ah a lmeḥna
Steqsi win mu teḍra
M’a d-tağğwed ṣṣber ɣur-es
Nek akken jeṛṛebɣ assa
Cukkeɣ-t a kem-id-yessayes
***
I-gellan deg yeẓri a t-truḍ
Ṭṭlam n nndama a d-yeɣli
Tabburt mi tt-teldiḍ tettuḍ
Ma ɣ lber neɣ d lxali
Temṛa nni i ss tettzuxxuḍ
Ah a lmeḥna
Temṛa nni i ss tettzuxxuḍ
A m-tt-iqeccem webruri
At-tjefleḍ at-tetthummuḍ
abrid u m-d-ittban sani
