Ur d-bbin talwit lesnin
Amek ara yiḥnin
Win yewwet laẓ s aqeṛṛu
***
Leɛlam neḥrez s tismin
ɣef ǧlent tlawin
Tɣunfa-t tiṭ ad tewɛu
***
Yefsex yiṭij n tmanyin
Rekment tudrin
Fell-asent izelz uɣuṛu
***
Yefsex yiṭij n tmanyin
Rekment tudrin
Fell-asent izelz uɣuṛu
***
···
***
Ur nettruḥu d iseflan
ɣef ayen ur ɣ-yecqan
Terram tamurt d lmecmel
***
D kunwi iten-id-irebban
Iten-id-isnernan
Ass mi akken nuda ɣef laṣel
***
Ass-a gar sin iberdan
Lber ur iban
A win yengern lewḥel
***
Ass-a gar sin iberdan
Lber ur iban
A win yengern lewḥel
***
Ay at yitran ɣef tuyat
tcegbem taswaɛt
trebbam afud i tlafsa
***
lemmer tettnadim tifrat
Ad teggem taseqqart
I widen teǧǧa seḥḥa
***
Tunfem i lhem yesserwat
Lḥeb-is yeẓḍa-t
Ad t-isaǧaw ɣef tmura
***
Tunfem i lhem yesserwat
Lḥeb-is yeẓḍa-t
Ad t-isaǧaw ɣef tmura
···
A widni iqeblen tigi
Azekka ad yilli
tamurt ad as-tebru tawla-s
***
Xas ad ken-izgel wesweɛdi
I tyita lemri
Init-d ma ad tebnum fell-as
***
tuzma mi ara ad teḥlelli
Sxebbel d tirni
Ayen akk tebnam si lsas
***
Tuzma mi ara ad teḥlelli
Sxebbel d tirni
Ayen akk tebnam si lsas
***
