Ur d iyi-sseḍlam
Ur d iyi-sseḍlam
Sseḍlem lmektub yeɛṣan
Ur yuli wexxam
S tayri n temẓi i ɣ-yeǧǧan
Tagara nezdeɣ di ṭṭlam
Iṛuḥ kra nessaram
Ddunit tɛebba-yam
Yura wayagi i d-yeḍran
***********************
Yennuɣ ṣṣber d imeṭṭi
Ur gganeɣ
Kukraɣ ad muqleɣ lemri
Ttagadeɣ
Udem-iw teḍleq-it temẓi
Temɣer tesseqerb-ed tikli
Lḥiɣ ɣef tergin ḥafi
Ma d lebɣi-w ur t-wwiḍeɣ
*************************
Abrid-iw yezreɛ d ssem
Yekfa lmenṭeq
Ul-iw teǧǧiḍ iqeccem
Wiss ma a m-yeɛreq
Winna akken a n-yasen a kem-iddem
Ahatt si zik i kem-issarem
Uqbel ad yezweǧ yid-em
Akken udem-im ad iyi-iɛreq
*************************
Nečča si ttejṛa uɣilif
Ur neẓra ara
Neṣber mi nettnaɣ urrif
Xas nettgalla
Di sin a nemmager lḥif
Ur yerriẓ lqid n nnif
Ur ɣ-igzim leqḍiɛ n ssif
Ur d-nebḍir tagnitt am ta
*************************
Taggara tefxes tergit
Deg i nelḥa
S wacu i ɣ-d-tẓur tṣebḥit
Ay s tlufa
A lhem aḥbib n ddunit
Terriḍ ṣrima i talwit
Tcebbḥeḍ-as-ed i twaɣit
I wakken ad terkeḍ lehna