06 – Textes et paroles – » Acawrar » :
Wwiγ abrid yiwwet yiwwet,
Kcemeγ `g webrid d-tewwi yiwet
Nniγ-as yya-n a-nurar,
Tenna-k illa babba aγ-iwwet
Nniγ-as ma ilaq a-neffer,
Sdeffir ugellu a-nexmet
Yerna d urar maçi d lεar’
Tenna-yi r’uh’ R’ebbi a-k-iccemet
Nahanana nekk d acawrar
Nahanana h’emmeleγ urar
Wwiγ abrid xmat xmat
Mi walaγ tisek°rin ksant
Swadda isent-id-kkiγ,
Di tazwara ur yi-d-z’rant
Ziγen as’eggad ula d netta
Am izirdi id-itezzi
Mi t-walaγ iqerreb-d γurneγ,
Huzzeγ lecd’ud’ ; uffegent d tirni
Nahanana nekk d acawrar
Nahanana h’emmeleγ urar
Wwiγ abrid akkin akka,
Ulac anda u’ grarbeγ ara ;
Da d ak°essar, yed’leq yifer
Da d asawen, tidi terγa
Xas ma yella laεmer’-iw yelh’a,
Xas ma yessers-aγ uh’ebber’,
Deg ul inu ssya γer da
Tettak°i-d lemcihwa n wurar
Nahanana nekk d acawrar
Nahanana h’emmeleγ urar