Walaɣ yellis n wedrar
Leɛqel-iw iḥar
Ufiɣ-tt-in teggun’ aẓru
Am t-id iɛemṛen tuddar
Wer tettunebdar
Teṭṭef mmis seg-ufus tettru
Argaz-is yemmut yuzzer
Ɣer ṛṛsas yezwar
Nnekwa-s yeddem-itt waḍu
Nerra-yak aggur teẓẓleḍ deg-s
Nerna-yak itri tneṭleḍ deg-s
Newt-ak afus mi tmmuteḍ
Sliɣ i tegnaw tunṭaḥ
Adfel yebda-d d ameččim
Tamɣart tebded ger lelwaḥ
F mmis anida n-yeqqim
Yesnulfa-yam-d lkifaḥ
Di lǧennet a m-ig amkan-im
Sliɣ i ṛṛsaṣ yeṭṭerḍeq
Yekker uɣebbaṛ di tɣaltin
Tamɣart tbedd ɣer ṭṭaq
F mmis m’ ad as-t-id-awin
Ɣas theddn ul-im ma ixaq
D ṛṛayes l-lmuǧahidin
Sliɣ la tzehher ṛṛuplan
Iceqqeq wedrar yetti
Tamɣart tettnadi f wemkan
N mmis anida yeɣli
Ur ttagad i d as-nnan
Lḥurriy’ a m-tt-id-yawi
Sliɣ i lɣaba tcebbel
D wasif mi d-yerra ssut
Tamɣart telha-d d umuqel
F mmis anida yemmut
Ger waytmas i-gettwanṭel
Asmi gruḥ s adar ttu-t
Yensa lkanun deg wexxam
Times d iɣed irkelli
Tamɣart tɛawez al’ i ṭṭlam
F mmis ans’ aa d-yeflali
Azn-as-d ssbeṛ a leɛlam
Mi s-t-id-bbin d akuli
