Slimane Azem – Ṛebbi ad aɣ-yeɛfu
Slimane Azem – Ṛebbi ad aɣ-yeɛfu
Zedɣen yak deg-neɣ wurfan
Ulac win ihennan
Win tseqsaḍ ad ak-d-yeḥku tnac
Ttrun ula d widak yeṛwan
Si leqniɛa yekfan
Ayen sɛan amzun ulac
A win yeṭṭfen igenwan
Azen-aɣ-d lǧebṛan
Neḥṣel di lqeṛn ṛbeɛṭac (*2)
*****************************************
Neḍleb Ṛebbi ad aɣ-yeɛfu
Ncallah a wer njaḥ
Ma nehlek ncallah aɣ-yecfu
A neḥlu si mkul leǧraḥ
*****************************************
Ddunit tṛuḥ tekfa
Temmenǧer teḥfa
Nebbeḍ ɣer lexxer n zzman
Lqum ibeddel ṣṣifa
Iketter di lḥerfa
Wehmen ak widak yeɣṛan
Yexleḍ lḥebb d ukerfa
Lḥeqq yettuṛfaɛ
Yedda uzegzaw d uguṛan (*2)
*****************************************
Neḍleb Ṛebbi ad aɣ-yeɛfu
Ncallah a wer njaḥ
Ma nehlek ncallah aɣ-yecfu
A neḥlu si mkul leǧraḥ
(*2)
*****************************************
Lukan meqqaṛ da nceffu
Kullec ad a t-id-neḥku
A nxebbeṛ widen ur nessin
Ma nṛeqq nettaẓ am safu
Ayen iɛeddan nettu
Mi neggul nuɣal ɣer din
Neḍleb Ṛebbi ad aɣ-yeɛfu
Ncallah a neḥlu
A Kra yellan d lmumnin (*2)
*****************************************
Neḍleb Ṛebbi ad aɣ-yeɛfu
Ncallah a wer njaḥ
Ma nehlek ncallah aɣ-yecfu
A neḥlu si mkul leǧraḥ
*****************************************
A tɣilleḍ nečča ifelfel
Kul wa anda yehmel
Ur yeɛqil ḥedd axṣim-is
Win yufan gma-s yeḥṣel
ad as-ikemmel
As-yečč ula d aɛwin-is
Ya Ṛebb-i azen-aɣ-d leɛqel
Tekfuḍ lbaṭel
Kul wa rrit-id ar leɛqel-is (*2)
*****************************************
Neḍleb Ṛebbi ad aɣ-yeɛfu
Ncallah a wer njaḥ
Ma nehlek ncallah aɣ-yecfu
A neḥlu si mkul leǧraḥ
(*2)
*****************************************
