Lounes Matoub – Qqurent tregwa
Musique Kabyle
Rythme : 4/4
Tempo : 92 Bpm
Niveau : Avancé
Transcription : Ibrahim Yesli
Qqurent tregwa y-yiẓri-w
Sawraɣ ɣef udem ireṣṣa
S wacu akka aa k-ḥelleɣ ay ul-iw
Akken ur y-tti-d-ttadreḍ ara
******************
Annaɣ tessekweḍ temẓi-w
Tebbehba temɣer-iw
Ttarguɣ tin mu hwiɣ ara
******************
Tedduɣ di lebɣi n ṭṭerr-iw
Ur wwiɣ tunt-iw
Si tirect neɣ seg kerfa
******************
Ah lemmer ftiɣ meqqar
Γas telfeɣ yemma ad thenni
Γef nek i gɣunfan leqrar
******************
Amek ara aẓeɣ di tikli
Yal tizi teḥwaǧ aεbar
Nek lbaruḍ yekfa-yi
******************
Amek aa semmiɣ leḥmala
I tḥemmalt i dyi-wwin
Ur das-ufiɣ lbenna
Ẓelmed yeffus d amqennin
******************
Fkiɣ aẓuɣer i tazwara
Iseḥher-iyi ṭṭmeε
Ad ftiɣ am tezyiwin
******************
Teqdef-iyi tagara
Ur s-ukiɣ ara
Ḥḍaqreɣ d acu diyi-wwin
******************
Ah lemmer ftiɣ meqqar
Γas telfeɣ yemma ad thenni
Γef nek i gɣunfan leqrar
Amek ara aẓeɣ di tikli
Yal tizi teḥwaǧ aεbar
Nek lbaruḍ yekfa-yi
******************
M’ara muqleɣ ɣer deffir
Yettban-d akk wayen i y-iǧǧan
Ah lemmer qeṭṭbeɣ lḥir!
Ad ɣellteɣ ciṭ di lawan
******************
Ay ul amek ara ad nidir
Ad nemseglu axir
Aneqqeb nnehtat urfan
******************
Temɣer ad aɣ-d-ddeggir
Mmeɣ yir iččir
Ḍeqren ɣer temda yeḥman
******************
Ah lemmer ftiɣ meqqar
Γas telfeɣ yemma ad thenni
Γef nek i gɣunfan leqrar
Amek ara aẓeɣ di tikli
Yal tizi teḥwaǧ aεbar
Nek lbaruḍ yekfa-yi