TabSnitraLounes Matoub, Lounes Matoub - A ttwaliɣ (1980), Lounes Matoub - Waka m di-ssawlen, Paroles

Lounes Matoub – Wa akka i m-d-issawlen


Wa akka i m-d-issawlen
S ccna

Wa akka i m-d-issawlen
D arraw-im ayen
Kker a taqbaylit
Sbedd lqedd-im
Ziɣ mačči d targit
Iban-d yisem-im
Aql-aɣ s idis-im

S umeslay

A mmi-s umaziɣ kker
Iṭij-ik yuli, iṭij-ik yuli

S ccna

Ma yella wi iṛuḥen
A d-ḍehren wiyaḍ
Ma yella wi immuten
A d-kkren wiyaḍ
Nnuba i ɣ-kksen
Ass-agi a ɣ-d-tessqaḍ
Tirrugza a tt-naweḍ
***
Kul tamurt yewweḍ-itt
Awal ur yeffir
Nṛuḥ nemmuger-itt
Tilelli s lḥir
Acḥal ur d-teḍhir
***
Ssenǧaq yuli
Gg yigenni a yettṛefrif
Xas isaḥ yeẓri
Newwi-tt-id s nnif
Iḥmel-d wasif
***
Ayagi d-tenniɣ
D ul-iw i t-yebɣan
Ff tlelli ay cniɣ
Abrid ma aɣ-d-iban
Ad zzin wussan
***
S umeslay
Am wassa a d-tban tafat
Ṭṭlam ad yekkes
Iṭij ad yeḍwi idurar

TabSnitraLounes Matoub, Lounes Matoub - A ttwaliɣ (1980), Lounes Matoub - Xas ṛuḥ

Lounes Matoub – Xas ṛuḥ

Xas kker rreẓ iweryan-ik
Teddmeḍ arraw-ik
Wiss anda k-yessiweḍ
Xa wwet deg yiferrawen-ik
Rkeḍ tamurt-ik
ɣur-neɣ aṭas i tɛeṭṭleḍ
Xas ṛuḥ, Xas ṛuḥ

Cfuk-id yekfa lweqt-ik
Wwet qq yiferrawen-ik
Xas nadi s anda a tṛuḥeḍ
Nekni ur nelli d atmaten-ik
Ur numin s cci-k
Ass-a ulac d acu ara a d-teǧǧeḍ
Nekni ur nelli d atmaten-ik
Ur numin s cci-k
Ass-a ulac d acu ara teččeḍ

Kker nadi ff tmurt-ik
Tmuqleḍ atmaten-ik
Kul tardest tidi-w tefsa
Lxiṛ-nni d-tufiḍ zik
Terriḍ-t d lḥeq-ik
Ass-a d ass n lemḥasba

Wagi ur yelli d akal-ik
Zik yuli leqder-ik
Ass-a yeɣli ur tfaqeḍ
Weṛten-aɣ zik lejdud-ik
Smeɣren di cci-k
Wwin-d awal ur t-neḥffeḍ

Kul wa ad yuɣal ɣer laṣel-is
Ad yebnu axxam-is
Ad iḥader ff tirrugza
Ad yeṭṭed deg wawal-is
Ad iddem arraw-is
A sen-yessenɛet akk tilisa

Iṭij a ɣ-d-yessneɛet udem-is
A nẓer tafat-is
Ɣef lateṛ a nnadi tura
Wi immuten a d-yennerni mmi-s
Ad yerfed lfuci-s
Nnif yeḥwaǧ lḥeṛma

TabSnitraLounes Matoub, Lounes Matoub - A ttwaliɣ (1980), Lounes Matoub - Ay aqcic, Paroles

Lounes Matoub – Ay aqcic

Refrain :
Ay aqcic εjel ɣiwel (*2)
awi lexbar-iw
Γer tmurt n leqbayel
Dinna i sεeddeɣ temẓi-w (*2)
***
Tagnit asmi ad d-tessiwel
Ma yekfa lbaṭel
Ahat ass-n ad n-uɣalleɣ
Ay iẓri imeṭṭi fiḥel
Ay ul ur qebbel
Tilisa deg wayla-nneɣ
Ṣsebyan di dduḥ yemzel
win i t-yenɣan yettkel
ad d-ziɣ temgarṭ ɣur-nneɣ
***
Refrain
***
Xas runt wallen-iw ulayɣer
Ayen yeḍran yeḍher
Ur tessiriden isafen
Ayen neẓra mazal ad nẓer
I tkerkas neḥḍer
D aẓelmaḍ ass-a i iǧehden
Mlalen-d laεyub acuɣer
Nettgala s ṣber
D winna i ifessusen
***
Refrain
***
A tamurt-iw am-iniɣ
ayen ɣef ideg rɣiɣ
ḥusseɣ-as deg ul ineǧǧer
ɣef idurar-im ay cniɣ d tidet ay ufiɣ
hat-a la ikebel-itt ccer
nekk ḍelbeɣ ɣur-m ad illiɣ
deg akal-im ɣliɣ
tanṭel-iw asmi ara d-ḥḍer
***
Refrain
***

TabSnitraLounes Matoub, Lounes Matoub - A ttwaliɣ (1980), Lounes Matoub - Annaɣ i yi-iga ṛṛay-iw

Lounes Matoub – Annaɣ i yi-iga ṛṛay-iw

Refrain

Annaɣ i yi-iga ṛṛay-iw
Serrḥeɣ i wfus-iw
Alami yi-ǧǧan ɛeryan
Widak i rriɣ d iḥbiben-iw

Annaɣ i yi-iga ṛṛay-iw
Briɣ i yman-iw
Xellsen-iyi-d s wurfan
Ǧǧiɣ-ten swan tidi-w

Couplet

Wi i yi-d-yeḍṣan a t-qerrbeɣ
Qqareɣ-as wagi yḥemmel-iyi
Ɣer lfeṛḥ ma kkreɣ ad awḍeɣ
A t-afeɣ yezwar-iyi
Deg ucebbak mi akken ḥeṣleɣ
I t-id-ufiɣ deffir-i ahh
Ziɣ mazal-iyi ad jeṛṛbeɣ
Mazal ad ɛeddint fell-i ahh

Refrain

Couplet

Akka i tḍerru d yir aqcic
Yebbin Daɛwessu n yimawlan
Zik ṛebban-t-id s ttnefcic
Ḍemɛen ad yeɛmeṛ wexxam
Feṛḥen a d-yekker d uḥric
Taggara ɣeḍren-t wussan
A lweṛd irgem-ik leḥcic
Di lexla yekkes-ak amkan

Refrain

Couplet

Gg wallaɣ-iw yefxes wagu
D aḍu n lḥif i d-iṣuḍen
Ɣer tmes ala netteddu
Smesden ijenwiyen
Sdukklen urfan deg usefru
D nndama i d-yeqqimen
Yiwen yefṛeḥ wayeḍ yettru
D tagnitt ass-a i ibeddlen

Refrain

TabSnitraLounes Matoub, Lounes Matoub - A ttwaliɣ (1980), Lounes Matoub - Tilelli, Paroles

Lounes Matoub – Tilelli


Tilelli (La liberté)

Tuɣaleḍ-iyi-d am yiṭij
Fell-i yettfeǧǧiǧ, tegnaw m’ a tt-yeǧǧ usigna
Isem-im ɣur-i ur yeffir irekkeb-iyi lḥir
M’ a kem-id-addreɣ deg isefra.
***
Tuɣaleḍ-iyi-d am udfel deg yiḍ m’ ara idel
Iberdan di mkul tama.
Fell-am i xlant leḥwari mmuten irkelli,
Ilaq ad d-tnadiḍ tura.
***
Tuɣaleḍ-iyi-d am ddheb ul mi kem-iqelleb
S yis-m ara yaf lehna.
Tifeḍ aggur ttziri, a nteddu ḥafi,
Tessɛerqeḍ-aɣ lǧerra.
***
Tuɣaleḍ-iyi-d am ddkir ijebbed-iyi lḥir,
Ttekkseḍ i umeḥbus lefqa,
Tleḥḥuḍ ɣef kul tamurt tettakeḍ-as lqut
I ugujil ur nesɛ’ ara.
Tuɣaleḍ-iyi-d d targit, walaɣ ddunit
D wayen fi nettnaɣ tura.
Wi mmuten wayeḍ ad d-yekker,
Tafat ad d-teḍher,
I ṭṭlam ad tekkes nnuba!
***
Tuɣaleḍ-iyi-d d abruri yekkaten fell-i
Am terṣast deg uglim terṣa,
***
Tuɣaleḍ-iyi-d am aḍu ara iɣummen agu,
Tafukt ad tḍil ɣer lḥara.
Isem-im, isem-im ass-a a t-id-nini,
Yid-s ad nili ad nḥareb ɣef tirrugza,
Ad neḍleb a ɣ-trefqeḍ, yid-neɣ ad tḥeḍreḍ,
Azul yis-m a Tilelli!