TabSnitraLounes Matoub, Lounes Matoub - Lḥif n nnger, Lounes Matoub - Tiɣri g-gemma (1996), Paroles

Lounes Matoub – Lḥif n nnger

Annaɣ lemmer cbiɣ tizzya-w
Ur yettbuṛ wayla-w
Ddunit ad cummeɣ lbenna-s
Ur tettɣar ara ttejṛa-w
Ad sεuɣ ayla-w
Ut ttiliɣ d yir terras
Imi ṛṛay-iw d asellaw
Yeggul di tgenza-w
Ur d-jbin lerbaḥ fell-as
***
Mi ṭṭfeɣ deg ufurk a d-yeddu
S yiss-i ad yeglu
Ṛwiɣ agrireb yal ass
Ul-iw yedduxxu am usafu
Teggumma a s-texḍu
Leḥṛaṛa izedlen fell-as
Dayen yeεyu deg uɣurru
Yebɣa ad yesteεfu
Ddaw wakal an-nemwanas
***
Lğehd ur d-yeqqim ara
S texriṭ yegla
Af yexf-iw ṣeεben lewqat
Nnger ur i-yezgil ara
Ma mmuteɣ azekka
Isem-iw m’a t-tesfeḍ tesweεt
Ayen i d-yeğğa baba
M’a t-ğğeɣ i lğameε
M’ad yuɣal d ayla n taddart
***
Ad kfunt deg-i nnehnat
Afrag n lmeḥnat
A t-zegreɣ bqeεlaxiṛ
Aεrur ad yebru i rregmat
M’at-tefṛeḥ taddart
Am wakken iɣab yir ṭṭir
Axṣim a s-d-tizdig tesweεt
Ayen yebɣa yufa-t
Ma d aḥbib a d-yettfekkiṛ

TabSnitraLounes Matoub, Lounes Matoub - Ay izem (1978), Lounes Matoub - Leḥbab-iw, Lounes Matoub - Lehbab-iw, Paroles

Lounes Matoub – Leḥbab-iw

Duben iẓuran n wul-iw
Iḍaq lxater-iw
Tasa-w yuli-tt-id wadal
Kkawent wallen-iw
Lhemm-ik a zzheṛ-iw
Am ṣdid yeččan uzzal
Teswiḍ idammen-iw
***
D leḥbab-iw, leḥbab-iw (x2)
Leḥbab-iw wid ɣlayan
I cedhant wallen-iw
***
Uqbel ad ifat lḥal
Ad ǧǧaɣ sswal
Mi ẓriɣ ad nbeddel tamurt
Ddunit tmal
Ad teẓrem ay mazal
Cetwa ad teglu s tefsut
Kulec ur d-yettuɣal
A leḥbab-iw, leḥbab-iw (x2)
Leḥbab-iw wid ɛzizen
Rret-iyi-d awal
***
Zzheṛ-iw i ẓriɣ yeɛkes
Deg usendef ḥbes
Lǧerḥ iṛuḥen ad yeḥlu
Ssem izad-as
Ma d udem-ik a Lwennas
Ijerred si lemḥayen
Ṣṣifa tekkes-as
D leḥbab-iw, leḥbab-i (x2)
Leḥbab-iw wid i yi-ǧǧan
Kecmeɣ daxel n tmes.

TabSnitraLounes Matoub, Lounes Matoub - La soeur musulmane, Lounes Matoub - Tiɣri g-gemma (1996), Paroles

Lounes Matoub – La soeur musulmane

Ma nesεa amkan deg wegdud
Ney lebda ankennu i leεwam
Widak yesskawayen afud
Azref rran-t d leḥṛan
Annaɣ ya Ṛebbi lmeεbud
Neggugem neffud
Ttxil-ek ṣeggem-aɣ tiram

Refdeɣ allen-iw s igenni
Dliɣ ɣef yetri-w iɣab
Lemmer d ccetwa a s-nini
Γef medden akw i tenneqlab
Imi Ṛebbi iɣunza-yi
Imi Ṛebbi icuḥen-iyi
Yeggul ur i-yeffiɣ leεtab
A lḥijab yya-d cebbwel-iyi
Neqḍ-iyi tutlayt n ṣṣwab

Zzlezn-iyi di nnif-iw
Ṛkeḍn-iyi di lḥeṛma-w
Rwel ay ameddakel-iw
Ata lxaṭer-iw d asellaw
D lesnin yeṣṣeḍ wul-iw
A d-yessuter tazmert-iw
A yessexṣar di ṣṣifa-w
Xas ur tesğuğğeḍ temẓi-w
S yiss-ek i ğğuğğent tirga-w

Ddarayen akw medden g wexxam
M’ara d-teḥdeṛ yir tesweεt
Ɛemmdeɣ a k-ğğeɣ ay axxam
Xas a d-teḥdeṛ yir tesweεt
A yemma ur diyi-sseḍlam
Teẓriḍ neεteb nenneεdam
Lweεd isneṣl-aɣ tuyat
Ulayɣer neṛğa qessam
S tulawin wamma lxalat

 

TabSnitraLounes Matoub, Lounes Matoub - Kumiṣar, Lounes Matoub - Tirgin (1982), Paroles

Lounes Matoub – Kumiṣar

Win yebɣan ad yesgem, yilqiq
Tallit ad as-d-tefk nnuba
Win yebɣan ad yuzur, yirqiq
Fell-as ad d-terzu lḥerma
Wiss ma urɛad i d-yelḥiq
Umeddakel acqiq
Ad aɣ-d-iḥku amek teḍra
Yeǧǧa-aɣ di lxiq
Di tegnit n ddiq
Wiss ma ad as-d-ḍelqen tura
**************************************************************
Yemma-s ur tesbir fell-as
Kul amḍiq ur teǧǧi ara
Teḥssa mmi-s yekcem leḥbas
Wwin-t ur teẓri ara
Leḥkem amessas
S ujenwi n nḥass
I igezzem i medden taasa
Cukkeɣ ad d-yaweḍ
Ideg ara mmesden lemwas
Amcum ad t-lḥeq tiyita
****************************************************************
Ttxilek a Ssi Kumisaṛ
Anda akka i as-tebram i mmi
U lukan daxel n lebḥaṛ
Ad t-id-ḍeqrent lemwaji
Tɛacem s lmenkaṛ
Ihi ulayɣaṛ
Ad t-ḍemɛem tijaɛal deg-i
Mmi xas yenṭaṛ
Ad yesber i ccaṛ
Mačči d ccmata am kunwi
***************************************************************
Wissen anda ara aɣ-yebru yifis
Ma di lber naɣ di lxali
Ameḥbus ma ad yaf lḥeq-is
Naɣ akka ara yettraǧu Rebbi
Yeẓra tarwiḥt-is
Ma t-sebbel-itt tikti-s
Deg ulawen ad yedder irkelli
Leqbayel n service
Buddeɣ-asen Tifis
Ad ten-yessenger wakali

TabSnitraLounes Matoub, Lounes Matoub - Imeṭṭawen-iw, Lounes Matoub - Tiɣri g-gemma (1996), Paroles

Lounes Matoub – Imeṭṭawen-iw

Paroles : Imeṭṭawen-iw / Matoub Lounes

Semmḥeɣ-awen ma tezzmem
Imi ur tḍallem
Ɣef iẓuran n lehlak-iw
Tewwtem s ṭṭen tfesrem
Mazal theddṛem
Di lemtul ternam isem-iw
Ah ya limer d iyi-tjeṛṛbem
Deg-i ur tekkatem
Ad tsurfen imeṭṭawen-iw
***
Ay atmaten zedɣeɣ axxam
Siwa kan qessam
I yeẓran amek iweṣṣef
Leḥyuḍ ulin s leɣmam
Yessa s ttexmam
Yerna s usigna iseqqef
Iḍ d was fell-i d ṭṭlam
I imi ṛẓagit tiram
Si leɛmeṛ-iw temẓi texsef
***
Semmḥeɣ-awen ma tezzmem
Imi ur tḍallem
Ɣef yiẓuran n lehlak-iw
Tewwtem s ṭṭen tfesrem
Mazal theddṛem
Di letul ternam isem-iw
Ah ya limer d iyi-tjeṛṛbem
Deg-i ur tekkatem
Ur tekkatem deg yimeṭṭawen-iw
***
Ah ya limer d iyi-theṛṛbem
Deg-i ur tekkatem
Ur tekkatem deg yimeṭṭawen-iw
***
Di twenza-w di tenza-w
Ay ɛemṛent temsal agraw
***
Imeṭṭawen-iw d isefra
N widak meṛṛa
Yuɣen tiyita di laman
Win ijerḥen am nekk yeẓṛa
Ur ksaneɣ ara
Qewteɣ lefrisa s waman
Ul ɣer daxel yettarra
Ruɣ terra tmara
Imeṭṭawen deg-i atna gman
***
Ul ɣer daxel yettara
Ruɣ terra tmara
Imeṭṭawen deg-i atna gman
***
Di twenza-w di tenza-w
Ay ɛemṛent temsal agraw
***
Ay atmaten zedɣeɣ axxam
Siwa kan qessam
I yeẓṛan amek iwessef
Leḥyuḍ ulin s leɣmam
Yessa s ttexmam
Yerna s usigna iseqqef
Iḍ d was fell-i d ṭṭlam
Ṛẓag-it tiram
Si leɛmeṛ-iw temẓi texsef
***
Iḍ d was fell-i d ṭṭlam
Ṛẓag-it tiram
Si leɛmeṛ-iw temẓi texsef
***
Di twenza-w di tenza-w
Ay ɛemṛent temsal agraw
***
D tafsut yesgem yal amgud
Neɣ d ccetwa s rrɛud
Nekk fell-i ur ibeddel lḥal
La leḥḥuɣ melba lmeqsud
Ul yezga yeffud
Liser fell-i d lmuḥal
Ԑeddan-d u ɛeddant leɛud
A Ṛebbi lmeɛbud
Di ṣṣbeṛ mazal-iyi acḥal
***
Ԑeddan-d u ɛeddant leɛud
A Ṛebbi lmeɛbud
Di ṣṣbeṛ mazal-iyi acḥal
***
Di twenza-w di tenza-w
Ay ɛemṛent temsal agraw
***
Di twenza-w di tenza-w
Ay ɛemṛent temsal agraw

TabSnitraLounes Matoub, Lounes Matoub - Igiṛṛu n lkif, Lounes Matoub - Lmut (1988), Paroles

Lounes Matoub – Igiṛṛu n lkif

Yemmekta-d wul-iw ayen akk iεeddan
Iεemmer nnejm-iw ɣef tayri-w yefnan
***
Ah ya leḥbab-iw d acu d iyi-d-yeggran
Γas yurad yixef-iw leεyub fell-i ɣman
***
****** Refrain*****
***
Ala alala ǧǧet-t ad idewwer
Igirru n lkif yes-s ad nesher
***
******************
***
Ireggel yiḍes yegguma ad d-yejbu
Yenɣa-yi uduqes yerwi-yi beṭṭu
***
Ul, taεzizt-ines amek ara tt-yettu
Yettaf amwanes di ciṭ igirru
***
Refrain
***
Ur d-teqqim temẓi-w lǧehd-iw yekfa
Ǧǧiɣ nnif-iw yettnusu i nnda
***
Gar tezyiwin-iw ur heddreɣ ara
Ma yecceḍ-d yiles-iw ad teqwu teḍsa
***
Refrain
***
Imeṭṭawen kfan lemḥayen rnant-d
Tiregwa n wurfan ɣur-i nneflent-d
***
Ihessek-iyi zzman yerwel fell-i lǧehd
Ccmata yellan deg-i irgem-d
***
Refrain
***
Ah ya leεtab-iw udem-iw yessewḥac
Ccbaḥa n temẓi-w tεedda deg uqerdac
***
Σemmdeɣ ɣef yisem-iw yumes di Leεrac
A tawaɣit-iw ad iyi-regmen warrac

TabSnitraLounes Matoub, Lounes Matoub - Ay izem (1978), Lounes Matoub - Ifenanen, Paroles

Lounes Matoub – Ifenanen

Ad cnuɣ ifennanen
Di rebεa yid-sen
D nitni i iḥubb lxaṭer
Meεdur, d nitni i yelhan
D nitni i ɣ-d-yeḥyan
Buddeɣ-asen teɣzi leεmer
***
Yiwen d mmi-s Bbugni ggeɣran
I ddebdbent lemḥan
Di lɣerba yejreḥ wul-is
Σemmi Sliman εzizen
Isem-is ɣer medden
D iṭij ma d-yebru i nnur-is
***
Yessakay widak yeṭṭsen
Akken ad faqen
F lmeḥna d-yebdan tikli-s
S imeṭṭi ad nebdu leɣna
M’ akka d-nemmekta
Aɣrib i yeǧǧan tamurt
***
Yettɣenni f Bni Dwala
D tuddar-is merra
Lḥesnawi ma t-nettut
Isefra-s mazal ass-a
A llahellah, yes-sen
Ad ncerreg tagut
***
Ad ndewwer ɣer win d-rebbant
D netta ay ḥemmlent tuddar n Ğerğer ɣlayen
Lewnis At Mangellat
Tuɣac-ik ṣeggment
Ttakent ddwa i imuḍan
***
Tiḥdayin yes-k i ferrḥent
Ttrut ma k-slent
Wamma ilmeẓyen akk selben
***
Ad ndewwer ɣer At Yanni
Yerna ad nεeddi i tizi
Γer taddart n Yidir ad nruḥ
Yennulfa-d ḥaca iḍelli
Yerna iban-d am yetri
I umaziɣ yesfeḍ lejruḥ
***
Meεdur fell-as ad nɣenni
Yernu d mmi-s n tlelli
Yettawi-d ssber i rruḥ
***

TabSnitraLounes Matoub, Lounes Matoub - Iẓri-w, Lounes Matoub - Regard sur l'histoire d'un pays damné (1991), Paroles

Lounes Matoub – Iẓri-w

Iḍaq rruḥ
Iḍaq rruḥ
Ya leḥbab tikkelt-a yid-wen dayen
Ssem yeḍleq di leǧruḥ
A ttkawen yifadden
***
Ay ddunit ur yi-tcuḥ
Tseqqa-d s lemḥayen
Akken ara iruḥ d amecṭuḥ
Win ukud tettqessirem
***
Iẓri-w yeɣleb leḥmali
Ul ixaq dima yeḥzem
Ddunit teqqel-iyi d ilili
Yegguma ad yekfu usawen
***
Ssemsawiɣ gerrzeɣ lbur
Cebbḥeɣ-t ifeǧǧeǧ d urqim
Ḥeḍreɣ mi n-fflen leɛrur
Ceṭṭben ula d ttlaqim
Yenquqel ujgagal n nnur
Tenfufed tmes deg walim
Icebbeḥ-d waṭṭan s ẓẓur
Yeṭṭef tasga deg wul yeqqim
***
Nudaɣ anwa ara sḍelmeɣ
Ay d-muggreɣ d iman-iw
Terra-yi tmara ad bibbeɣ
Azembil n ddunit-iw
Waqila qrib ad as-ḍelqeɣ
Ad steɛfun leǧwareḥ-iw
Ur zhiɣ ur nnecraḥeɣ
Ssfina n lḥif d axxam-iw
***
zdat-s hudden leḥyuḍ
Yeṭṭfen lbaḍna n wul-iw
Aḍar iruḥ deg wucuḍ
Tilleɣleɣt tewweḍ idmarren-iw
La nexxreɣ-kem la tzehhuḍ
Ur d-tecligeḍ deg lḥif-iw
Waqila gezmen lexyuḍ
Deg umurej yexnunes zzwaj-iw
***
Anda i tella tnumi
Tettwaɛfes temḥa dayen
Anda yella ubeḥri n tayri
I aɣ-yezzuzunen ulawen
Ass-a kul wa amek i as-yuki
I tɛeǧǧaǧt i d-yesɣernen
Timlella zḍant-iyi
Kem tufiḍ wid iyi-yifen
***

TabSnitraLounes Matoub, Lounes Matoub - Ddunit-iw, Lounes Matoub - Tamurt-iw (1986), Paroles

Lounes Matoub – Ddunit-iw

I wum’ara ḥkuɣ i wum’ara ḥkuɣ
Γef wid yi-iğğan ttruɣ
***
Rriɣ ul-iw deg ufus-iw
Hemjen seg-s akw medden
Adif yegguğ seg yiɣes-iw
D yir ssem i t-iweṛten
D leqsabi i tṛuḥ temẓi-w
Tlatin urεad zemmen
Tezga tcebbwel targit-iw
Zgiɣ d lmut i ttarguɣ
I wum’ara ḥkuɣ i wum’ara ḥkuɣ
Γef wid yi-iğğan ttruɣ
***
Mmuhebleɣ di temẓi
Xeddemɣ akken i di-yehwa
Assa kullec ifat-iyi
Teğğa-yi u d ṣṣeḥḥa
Keṛheɣ ad muqleɣ lemri
Rẓag ur s-zmireɣ ara
Udem-iw seg ɣeblan yezwi
Tcebbel temduct-iw tluɣ
I wum’ara ḥkuɣ i wum’ara ḥkuɣ
Γef wid yi-iğğan ttruɣ
***
Ḥeṛṛemn-iyi leḥbab-iw
Amur n lehna ur t-sεiɣ
Uɣeɣ-tent di tgecrar-iw
Mi mmɣeɣ ad beddeɣ ad ɣliɣ
Ur rbiḥeɣ imawlan-iw
Armi i yi-ifuten i d-ukiɣ
Skuffreɣ-ten di temẓi-w
Ddeεwessu ard a tt-ṛwuɣ
I wum’ara ḥkuɣ i wum’ara ḥkuɣ
Γef wid yi-iğğan ttruɣ
***
Ttarguɣ-ken ay imawlan
Bɣant a ken-ẓrent wallen-iw
Ddaw wakal hatt tethennam
Testeεfam seg waṭṭan-iw
Kfut fell-i yir ussan
Nğeṛt-iyi d abrid-iw
A n-ternu ṣṣura-w yeεyan
Ddunit yid-es ad fruɣ
I wum’ara ḥkuɣ i wum’ara ḥkuɣ
Γef wid yi-iğğan ttruɣ

TabSnitraLounes Matoub, Lounes Matoub - Communion avec la patrie (1993), Lounes Matoub - Hymne à Boudiaf, Paroles

Lounes Matoub – Hymne à Boudiaf

Hymne à Boudiaf

D lesnin teffɣeḍ tamurt
Tnufqeḍ tugiḍ leɣlaḍ
Dg-ek yark° i neṛğa ttbut
B-b°ayen hemjen wiyaḍ
Teḥlelli-d deffir-ek lmut
Bb°in-tt-id widen ur tuṛğaḍ
Ay at lḥif xas cfut
D kenwi i d-yuğğewn ccyaḍ
Awah awah a tuğğal
Ṛuḥen-aɣ yergazen ur nuklal
***
Ssaweln-ak wat ttindar
Γer tegnitt n ddiq qerrḥen
Asmi k-id-necden s annar
Ur tḥezzebḍ i iṛejjaqen
I tmurt ssefsin amrar
Tezder di temda lqayen
S uqerruy i temḥezwar
Leğnas deg-s a ttnezzihen
Awah awah a tuğğal
Ṛuḥen-aɣ yergazen ur nuklal
***
Tufiḍ-d tamurt tenneqlab
Tefreq tṛuḥ d iḥricen
Wa ijebbed iqqar nek d aεṛab
Ulac wi di-d-yezwaren
Ma d at t-tmira d nniqab
Ttgallan ur s-ḍliqen
Swejden-d yum n lḥisab
I yemdanen i ten-ixulfen
Awah awah a tuğğal
Ṛuḥen-aɣ yergazen ur nuklal
***
Ismi-k deg umezruy yella
Lğil d-iteddun a t-yaf
Tizzelgi ur tettdum ara
Xas akka izedɣ-aneɣ zzεef
Lezzayer at-teḥlu am wassa
Tamusni a d-tger ixulaf
Tneğṛeḍ-d iswi i ccetla
Tura steεfu a Mass Buḍyaf
***

TabSnitraLounes Matoub, Lounes Matoub - Err-as tili, Lounes Matoub - Tamurt-iw (1986), Paroles

Lounes Matoub – Err-as tili

A wid yettrebbin lexwan
yettḥibbin leqran
err-t-d iṭij s amekkan-is

Mačči akka i llan igenwan
Di leqdim n zzman
Ass mi akken iṣeggem ccerq-is

Ma d Rrus d Marikan
ayagi i t-yeɛman
cetki-t i Ṛebbi ṭṭer-is

Err-t tili, err-t tili ad iqeggel uǧazayri

Ini-t-as a Sidi Ṛebbi
acuɣer d nukni
i terriḍ d ineggura

Xuḍi d iḥbiben n Nnbi
Nettamen irkelli
D leqrun ma drus aya

terriḍ-aɣ s iri n yifri
qrib ad neɣli
ur neẓri acu i d sebba

Err-t tili, err-t tili ad iqeggel uǧazayri

ma nerra lewhi i lkeffar
ǧuǧǧgen am lefnar
ugur ur tessin ara

Limer i ttamnen Meqqar
Llan deg umecwar
Ṭṭfen di Nnbi d lawliya

xas yewwi-aɣ uxessar
i Ṛebbi ur neqqar
acimi i iteg lemxalfa

Err-t tili, err-t tili ad iqeggel uǧazayri

nutni ur ttemnen rebḥen
nukni i yettamnen
yeṭfaɣ zzman di ṣṣrima-s

Ayen yakk i d-aɣ-yuɣen
D wayen ad aɣ-yaɣen
Seg-neɣ id yekka n-ɛemmed-as

Inselmen akk tteklen
belli ass-mi ara mten
ad ruḥen ɣer lǧennet m leqwas

Err-t tili, err-t tili ad iqeggel uǧazayri

TabSnitraLounes Matoub, Lounes Matoub - L'ironie du sort (1989), Lounes Matoub - Lεemeṛ-iw, Paroles

Lounes Matoub – Lεemeṛ-iw

Xellseɣ adrar s idammen-iw
Ad yeqqim later-iw
Xas gullen ard at-sefden
***
Wid yettganin di lmut-iw, yessamsen isem-iw
Kul tizi a yi-d-mlilen
***
Atas i ggiɣ si lḥeqq-iw armi i qqwleɣ seg yilexxaxen
Wteɣ, dliɣ ɣef nnif-iw ufiɣ wigad i t-yesxewden
Xas yeǧǧa lgehd iɣallen-iw
Mazal ssut-iw ad yebbaƐzeq… as-d-slen !
***
Nnan :  » yeqqers-ed wedrar keččini ur teḥdired ara  »
Bnadem i bnadem yeqqar :  » d amenzu n yennayer ass-a « (2)
**
Teggugeged tmurt am lefnar di Tizi tressa rrehba
Di Bgayet yeṭṭerḍeq waƐbar ; rzan azaglu n tlufa
***
A leƐmer-iw, a leƐmer-iw… d idurar ay d leƐmer-iw !
***
Annaɣ, mennaɣ win iḥedren xersum ad ẓẓegeɣ awal !
Lemḥayen i diyi-yuɣen uɣalent-iyi d ras-lmal (2)
***
Imi Leqbayel ddukklen yir laâyub a ten-sefden ;
Ul ayɣar teɣwzi n wawal
***
Tamaziɣt d lsas nnsen, d azar n tudert nnsen
D lweqt ad ferzen lecɣal
***
A leƐmer-iw, a leƐmer-iw… d idurar ay d leƐmer-iw !
***
Xas yeččeḥ wul-iw, maƐdur, gar awen imi ur ḥdireɣ ara
Atas ig Ɛebba yeççur, zzay ur yezmir ara (2)
***
Yebɣa ad as-d-slen laârur,
Widen ara yeççen ahicur ma’akka tuzdag nnaƐma
Win i s-yennan : awhid meḥqur ,
A d-yas a d-izid lehdur m’akka ɣuri i d-terza sseḥḥa
***
A leƐmer-iw, a leƐmer-iw… d idurar ay d leƐmer-iw !
***
 » Yir lehdur ṣeffden ddnub « , i d-nnan imezwura
Ul ayɣar a ttfeɣaddud i wayen ur nesƐi lmaƐna (2)
***
Ad yuɣal ad yeḥlu ufud, ad as-teslem i wegrud ad yetɣenni ɣef Timmuzɣa
Ayen i ɣ-d-yegga Dda Lmulud deg yigenni iban-ed am rrƐud
Wiss’ ma tḥulfam i tmeqwa…
***
A leƐmer-iw, a leƐmer-iw… d idurar ay d leƐmer-iw !
***
Les montagnes sont ma vie !