A tagiṭart-iw… a taigaṭart-iw…
Ɣenni-yi-d, mel-iyi-d
Ini-iyi-d ma day tecfiḍ
Ɣenni-iyi-d, ssefhem-iyi-d
Ini-yi-d ma d acu tebɣiḍ
Tebɣiḍ ad m-d-aɣeɣ lewṭer
Ad am-d-rnuɣ ajellab
S dderbuka yak d ṭṭar
Mazal ad nezhu ad nqeṣṣer
Bac ad d-nfekker leḥbab
A tagiṭart-iw…
1
Ma tcfiḍ acḥal nesher
Nezha yakk medden merra
Acḥal i ncerreg lebḥer
Acḥal i nnuda n tmura !
Acḥal i nezha nqeṣṣer
Ama zik ama tura
A tagiṭart-iw…
2
Mi sliɣ i lxiḍ yeṣṣerser
Tnhezz ṣṣura-w merra
Leɛqel-iw iɣab isufer
Yettḥewwis deg tmura
Iruḥ ad d-yawi lexber
Ad am d-igerrez isefra
3
Ɣenni-yi-d ɣef yeḥbiben
Iḥbiben n zik-nni
Kra deg-sen ɣaben mmuten
D lexyal kan i d-nettmenni
Wiyaḍ mi rebḥen ruḥen
Ǧǧan-aɣ deg lemḥani