Lounes Matoub – Ay akal ḥader
Ay akal ḥader ṣṣifa-s
Ṣṣifa n weḥbib i tɣummeḍ
A taḍṣa n wudem-iw ayes
Ɛuhdeɣ-kem ur d-tuɣaleḍ
Ul-iw iɣumm seg yiɣeblan
Di temda n lḥzen kecmeɣ
D ddunit i d aɣ-yebḍan
Ur nezmir yid-es a nennaɣ
Ay aḥbib-iw aɛzizen
D abrid-ik akk ara naɣ
Ṛuḥ ay aḥbib aɛzizen
D abrid-ik akk ara naɣ
Tagut teɣli-d ɣef wallen
Leḥzen yeffeɣ-ed di lɣaci
Seg wexxam mi t-id-refden
Ameǧǧed yeḍfer tikli
S aẓekka mi akken i t-rran
Fsint wallen seg yimeṭṭi
S aẓekka mi akken i t-rran
Ẓriɣ aḥbib yeǧǧa-yi
Yemma-k ur teṣbir fell-ak
Mazal ur tumin ara
Ma d nek ul-iw isemmeḥ-ak
Deg-s ass-a teɣza ccama
Baba-k yettgallan yis-ek
Udem-is ibeddel ṣṣifa
Baba-k yettgallan yis-ek
Si ccedda ibeddel ṣṣifa
Mi iwala tizya-k yettru
D amɣar ay yuɣal ass-a
Udem-ik yeggumma a t-yettu
Lexyal-ik ɣur-es yezga
Ul-is yebɣa ad yessefru
Ɣef yiṭij terna ccetwa