In-aɣ-ed ayen akka
S ucewwiq
S lmeḥna ay ndel
Lmutt mi d-tuzzel
Yeɣli usalas di lḥaṛa
Tɛedda ur tɛeṭṭel
Tessegra-s lehwel
Di tikli-s tewwi baba
Ass-a mi d-yeḥḍer ad yenṭel
Neẓra a ngujel
Acu ara yṣebbren yemma
S ccna
In-aɣ-ed ayen akka
A lmutt s tɣawla
Ass-a mi akka d-tuɣeḍ aḍar
Telḥiḍ-ed ar baba
Teddmeḍ-t si ttnaṣfa
Wissen fell-as ma a neṣber
Ya lmutt ur nɣaḍ
Ass-a mi d-tqesdeḍ
In-aɣ-ed acu n ssebba
Annaɣ ur tḥezzbeḍ
A axxam mi d-tḍalleḍ
I wakken ad tawiḍ baba
D imeṭṭi i d-txulfeḍ
Ma d leḥzen yenṭeḍ
Yesbek yenneḍ di lḥaṛa
Tezzi-d ɣer ɣur-i
Ineggef-as yeẓri
Yemma-nni i yi-d-iṛebban
Tmeǧǧed-ed a mmi
Ala keččini
S abeṛdi-w ass-a i d-yegran
Ɣliɣ-as deg urebbi
Ixleḍ imeṭṭi
Yessexleḍ-aɣ zzman ussan
Mi refden ṛuḥen
Ddan imeṭṭawen
Ɣban zerɛen abrid-is
D baba a neṭlen
A s-rren imedlen
Nwexxeṛ-ed ɣer yidis-is
D Ṛebbi i iraden
Iqedder-as-ed ussan
Yeddem-it yerra-t s arebbi-s