Ur uyseɣ ifut lawan
Ulawen dayen msebḍan
ttagiɣ ad ttuɣ
S yisem-is sedḥuyeɣ uḍan
Ttgiɣ amiḍiq ger yetran
Hcceɣ-kun rennuɣ
Ini-yi-d kan
Amek akka i mgan wussan
Mazal a ttrajuɣ
Nek dgi ur d-ǧǧan
Di ṣṣura-w beṭṭan
Zriɣ ur helluɣ.
***
Teǧǧid iɣed am teryel
Iqqen-iyi lwaɛd snasl
Zedɣeɣ deg’menni
Tidett tewser nerwel
Iksayaɣ lebɣi nezdel
Ddaw tanumi
Ayen akk nḥemmel
Yuker aḍar yenfel
Iqquc-aɣ temẓi
D lḥif i neɛwel
D tarzeft di leɛeqel
Yuɣ-d tisilbi
***
Am d-teban tidi usawen
Temṛeɣ d wayen smmumen
Fell-asen ad trezfeḍ
Ad tettekkiḍ seg wid icewwḍen
Teṛẓa ddunit d ilmeẓyen
Ad txiqeḍ ad tqebḥeḍ
Wagi i kem-yuɣen
Azekka a kem-yerhen
ɣur-m ur d-itenneḍ
Ad tjeṛṛbeḍ medden
Amek swaɛdayen
Ad tennekbaleḍ
***
Ad fɣen ɣef tmura
Yal ṭṭaleb anda yella
Ad yaweḍ amnaṛ-im
A sen-d-seḥḥer leɣna
I m-tettwacuqq f lehna
Thujeṛ amḍiq-im
Ur tettaɛqaleḍ ara
Asawen d lewḍa
Ad tgil tudert-im
Nnehta d lefqaɛ
Ur tt-nebeddel ara
Ad ḍil targit-im
***
Nnehta d lefqaɛ
Ur tt-nebeddel ara
Ad ḍil targit-im
