Slimane Azem – Baba ɣayu
Ih..ya babaɣayu
Ih..ya babaɣayu
Stɛellmen-ak yir lehḍur
Tukiḍ-d lqefṣ-ik yeččur
Ih..ya babaɣayu
Armi la tcehhdeḍ s ẓẓur
Ih..ya babaɣayu !
Tusmeḍ seg wid i k-yifen
Leḍyur yellan di lexla
Ttɣennin seg qerray-nnsen
Lluɣa-nnsen d ccetla
Keč d nnefs i k-ččuren
Am jewwaq bu-seb ɛa tefla
Ur iban d acu i tebɣiḍ
Am ṣṣbeḥ am tmeddit
Theddreḍ kan ayen tesliḍ
Amma yelha amma diri-t
Aḥlil mačči day teẓriḍ
D acu iḍerrun di ddunit
Aqerru-k am ttilifu
Yettaf lexbar deg-genni
Kul wa d akken i k-d-ifettu
Ttreǧman d keččini
Yif-ik meqqar bururu
Deg-yid kan i yettɣenni