Slimane Azem – Qern ṛbaɛṭac
Qern ṛbaɛṭac
Refrain :
Ih ya qern ṛbaɛṭac!
Dayen ɣaben yizmawen,
Ṣeɛben yemcac.
Ih ya qern ṛbaɛṭac!
Tura bekmen yemɣaren,
Ḥedren warrac.
Qern ṛbaɛṭac d lqern n ddḥis
Di mkul tamurt cebblen leǧnas
Neẓra baba-s yenker mmi-s,
Neẓra mmi-s yenker baba-s.
Kra n win ɛzizen ṛxis.
Ma iɣab ad mḥun isem-is.
Ma yeḥḍer ad tihhin fell-as.
Refrain
Akka i d lqern iɛewjen,
Lweqt ur nesɛi lqima.
I iɛmren d ttbaren,
Qrib ad xlun leǧwamaɛ.
Kra n win yellan d lmumen
Nnedn-as meskin yemcumen,
Kksen fell-as lherma.
Refrain
Qern ṛbaɛṭac d zzman unqis,
Lqum-is iɛedda tilas.
Ṣṣber d unqis , zzher d ukḥis,
Leqniɛa ur tban fell-as.
Bnadem ixreb leɛqel-is;
Ma yezzenz iɣil ṛxis.
Ma yuɣ iɣil kellexn-as.
Refrain
Qern ṛbaɛṭac am lmedfaɛ,
Akka i s-icar Lmejdub.
Dderya ines d akerfa,
Ṛṛay-is d bu laɛyub.
Di ddunit ur k-ineffaɛ,
Di laxert ur k-itcafaɛ,
Lḥayat-is teččur d ddnub.
Refrain
Qern ṛbaɛṭac am safu,
Ireqq yettaẓ ar zdat.
Mkul lɛib a d-inulfu,
Wa nesla-yess, wa nwala-t.
Wa neḥḍer-as, wa a d-iteddu,
Neḍleb Ṛebb-i ad aɣ yecfu,
Ur nḥedder di ssiyyat.
Refrain
