Slimane Azem – Ad ccetkiɣ
Refrain :
Lla ttnaḍiɣ ad ccetkiɣ
Ad ccetkiɣ i lmektub
Ma yella ufiɣ-t, ad-as iniɣ :
Teḥsedd-iyi s lmerɣub
Tekkesḍ-iyi ayen bɣiɣ
Tḥettmeḍ fell ayen uɣiɣ
Almi la ttawiɣ ddnub
********************
La ttnaḍiɣ anda yella
Yeffer felli wer-d iban
icceggaε iyid ṭellala
Dduriɣ seg wayen yelhan
issufɣed dgi lεela
Yekkes-iyi ula d-iniɣman
Refrain
Gullaɣ la ttnaḍiɣ fellas
Alamma tfarq-aɣ lmut
Ufiɣ yibbwas lǧerra-s
itteccṛuṛuḍ am tsekkurt
Ḍefraɣ-t armi d lḥara-s
Yerra yid ɣef tebburt
Refrain
Ufiɣ-t yibbwas di targit
Yeḍsa-d ɣuri, nemsalam
Γelbaɣ kulci di dunit
At id yawi weḥdes s-axxam
inna-k : Tura ttameddit
Ḍayen qrib ad yeɣli ṭṭlam
Refrain
Daɣen urgaɣ-t wis meṛtayen
Ṛwiɣ fellas llum
Nniɣ-as : Efk iyi lemlayen
Twekkelḍ iyi-d ɣef lqum
inna-k : Ṛuḥ sbar dayen
Cci n dunit wer yettḍum
Refrain