Lounes Matoub – Ayen iraden
Ass-agi ad termgeḍ fell-i
A texddemeḍ lebɣi-m d-gi
Yuɣal wul-im d tanica
***
Si zik tettcukkuḍ-iyi
Teqqareḍ-as ma iḥammel-iyi
Amek akka yegga zwaǧ am a
***
Ur d-iclig d-gi
Ass-a mi yeɣli
Yeẓra aẓekka as-d-heggi
Ad yettcetki ad yettneẓma
(*2)
***
Sebɛ snin i nesɛedda
Qlil-it temqwa n lehna
Ussan arkel d aɣilif
***
Deg uzal ur k-ẓerreɛɣ ara
Deggiḍ ur d-tkeččmeḍ ara
Aya akken ik-heḍreɣ kif kif
***
Ur teḥebbreḍ ara
I tegnitt am ta
Maci d nekk, d kečč a gma
I yefkan amgeṛḍ i sin
(*2)
***
Yid-k qimmeɣ s tmara
D ccah ur bɣiɣ ara
Ad as-sleɣ deg mi n medden
***
Mi k-giɣ tanṭelt azekka
ad nefsu si lmeḥna
Ad nadiɣ f ayeg i d-iṛuḥen
***
Ur k-tettuɣ ara
xas d imeṛzuga
Leɛwam n ddel i nesɛedda
D nitni i d-iyi sseɣren/ d timsal-ik i yi sseɣren
***
Xas cewḍeɣ ur zhiɣ ara
Karuh ur k-kriheɣ ara
D tawenzaw ik-yextaren
***
Ad ḍelbeɣ bab n leqeḍṛa
ad ak-yefk amkan di ṛṛeḥma
Ad tafeḍ ayen i k-ixussen
***
Irad-ak waya lkuṛaj a gma
Lmutt af medden ak tella
D luluf ik-yezwaren
***
Steɛfu tura
Isem-ik ur yemḥa
Tehenni ur k-tettuɣ ara
Xas zeǧeɣ d wi nniḍen
***
Ma teẓriḍ baba
Ines Ǧamila
Leɛtab-is yesfeḍ ɣer lqaɛ
Tifem-iyi s wid yemmuten
***
Tifem-iyi s wid yemmuten
Tifem-iyi s wid yemmuten
***
Tifem-iyi s wid yeṛtaḥen
Tifem-iyi s wid yeṛtaḥen