Slimane Azem – Ṣṣut n tsekrin
Ṣṣut n tsekrin
Refrain :
Sliɣ i ṣṣut n tsekrin
Ass makken i d-ɛeddaɣ din
Ger at Yaɛla d Bni Mensuṛ
Abeḥri-nni t-id-yebbin
I txeddem lqedṛa n weḥnin
Ansi akka yetthuzzu ṭṭjuṛ
Ziɣen ar ttiqbayliyin
S icewweiqen d teɣṛatin
Ir ay leqḍen azemmur
Ziɣen ar ttiqbayliyin
S icewweiqen d teɣṛatin
Ir ay leqḍen azemmur
Ttbanent-ed ger tzemrin
Amzun d timerjatin
Tameddit lewhi n thuṛ
Imɣaṛen arrac tulawin
Irgazen ak d teḥdayin
Amzun d aglaf n zzerzuṛ
Ḥekkreɣ sennig-sen akin
Mqabalent-ed tudrin
Am yetran i tebɛen nnuṛ
Refrain
D atmaten yak ttemyilin
Ǧǧan-asent-id lwaldin
Fiḥel ma nketteṛ lehduṛ
Widen yebɣan ad nadin
Ma ṛuhen ad steqsin
Asen-d-sfehmen lumuṛ
Si zik illan d lfahmin
ɣṛan yak di temɛemmṛin
Di Wedris Sidi Mensuṛ
Refrain
ttecetilen di tudrin
Ɛemṛen ula d timdinin
Ṭṭaqa zegren lebḥuṛ
Kra n wanda akken-ttilin
Siwa ccna ay d ttawin
Ay d yeǧǧa wedrar aḥṛuṛ
Am yergazen am tilawin
Awal nn’ ad ak inin
Maci ak-ǧǧen di leɣṛuṛ
Refrain
Ṭfen di lɛadda n lwaldin
Sɣuṛ Ṛebbi n lɛalamin
Mmi-s n teqbaylit mechuṛ
Yefka-yas sser d zzin
S kra n win nɣant tismin
Siwa iman-is kan i yḍuṛ
Ma d laṣel-is win wer t-nessin
Ma hwak xas nehṛ-it akin
Fk-as ad yečč ahicuṛ
Refrain